ഇടുക്കി: ഇരുമ്പു കമ്പി തലയിൽ പതിച്ച് പ്ലസ് ടു വിദ്യാർഥിക്ക് ഗുരുതര പരുക്കേറ്റ സംഭവത്തിൽ സുഹൃത്ത് അറസ്റ്റിൽ. ആനവിലാസം സ്വദേശിയായ അഭിഷേക് (18) ആണ് അറസ്റ്റിലായത്. കുമളി ഗവ. ഹയർസെക്കണ്ടറി സ്കൂളിലെ പ്ലസ് ടു വിദ്യാർഥി ശരണിനെയാണ് കഴിഞ്ഞ ദിവസം ഗുരുതരമായി പരുക്കേറ്റ നിലയിൽ കണ്ടെത്തിയത്.
സ്കൂൾ ഗ്രൗണ്ടിൽ സുഹൃത്തുക്കൾക്കൊപ്പം ഫുട്ബോൾ കളിക്കുകയായിരുന്ന ശരൺ കളി കഴിഞ്ഞ് സമീപത്തെ കെട്ടിടത്തിലേക്ക് കയറിയപ്പോൾ ഇരുമ്പു കമ്പി തലയിൽ വീണെന്നാണ് സുഹൃത്തുക്കൾ ആദ്യം പറഞ്ഞിരുന്നത്.
എന്നാൽ ഇത് കളവാണെന്ന് പൊലീസ് നടത്തിയ അന്വേഷണത്തിൽ കണ്ടെത്തുകയായിരുന്നു. അഭിഷേക് വീശിയ ഇരുമ്പു കമ്പി ശരണിന്റെ തലയിൽ പതിക്കുകയായിരുന്നുവെന്നാണ് പൊലീസ് നൽകുന്ന വിവരം.
പ്രതിയെ 21 വയസിനു താഴെയുള്ളവരെ പാര്പ്പിക്കുന്ന ബോസ്റ്റലിലേക്ക് റിമാന്റ് ചെയ്തു. ചോദ്യം ചെയ്യലിനു വിളിപ്പിച്ച മറ്റ് രണ്ടു വിദ്യാര്ഥികളെ വിട്ടയച്ചു. ചൊവ്വാഴ്ച്ചയാണ് ഇരുമ്പ് കമ്പി തലയില് പതിച്ചതെന്ന് സംശയിക്കുന്ന നിലയില് ശരണിനെ സ്കൂള് ടോയ്ലറ്റ് കെട്ടിടത്തിനടുത്ത് കണ്ടെത്തിയത്.
സുഹൃത്തുക്കള് തന്നെയാണ് ശരണിന്റെ വീട്ടില് വിളിച്ച് വിവരം അറിയിച്ചത്. തുടര്ന്ന് കുട്ടിയെ ആശുപത്രിയിലെത്തിക്കുകയായിരുന്നു. ശരൺ ഇപ്പോൾ പാലായിലെ സ്വകാര്യ ആശുപത്രിയില് ചികിത്സയിലാണ്.
Join Our Whats App group
Post A Comment: