ഇടുക്കി: കളിക്കുന്നതിനിടെ വീടിനുള്ളിൽ വീണു പരുക്കേറ്റ് ചികിത്സയിലായിരുന്ന രണ്ടു വയസുകാരൻ മരിച്ചു. ഇടുക്കി നെടുങ്കണ്ടത്താണ് സംഭവം. ആറ്റുകുഴിയില്‍ നിഥിൻ- ഡെല്‍മിയ ദമ്പതികളുടെ മകന്‍ ആബേല്‍ അന്നാ നിഥിനാണ് മരിച്ചത്.

സംഭവ സമയത്ത് കുട്ടിയുടെ മുത്തശി മാത്രമാണ് വീട്ടിലുണ്ടായിരുന്നത്. മാതാപിതാക്കൾ ജോലിക്ക് പോയിരിക്കുകയായിരുന്നു. കളിക്കുന്നതിനിടെ അബദ്ധത്തിൽ കുട്ടി വീഴുകയായിരുന്നു. ഉടന്‍ നെടുങ്കണ്ടത്തെ സ്വകാര്യ ആശുപത്രിയിലും തുടര്‍ന്ന് കോട്ടയം മെഡിക്കല്‍ കോളജിലും പ്രവേശിപ്പിച്ചു.

ചികിത്സയിലിരിക്കെ വെള്ളിയാഴ്ച്ചയാണ് മരണം സംഭവിച്ചത്. കുട്ടിയുടെ സംസ്കാരം നാളെ (ശനി) രാവിലെ പത്തിന് പച്ചടി സെന്‍റ് ജോസഫ് പള്ളിയില്‍ നടക്കും. ആദമാണ് സഹോദരൻ. 

Join Our Whats App group

https://chat.whatsapp.com/HN3zUlGc2Va9613524dFBp

ഇടുക്കി: സാമ്പത്തിക ബാധ്യത തീർക്കാൻ നാല് മാസം പ്രായമുള്ള കുഞ്ഞിനെ വിൽക്കാൻ ശ്രമിച്ച ദമ്പതികളും ഇടനിലക്കാരനും അറസ്റ്റിൽ. ഇടുക്കി കട്ടപ്പനയിലാണ് സംഭവം നടന്നിരിക്കുന്നത്. നാല് ലക്ഷം രൂപയ്ക്ക് കുട്ടിയെ വിൽക്കാനായിരുന്നു ശ്രമം. കഞ്ഞിക്കുഴിയില്‍ ജോലി ചെയ്തു വന്നിരുന്ന അസം സ്വദേശികളാണ് തങ്ങളുടെ ആണ്‍കുഞ്ഞിനെ വിൽക്കാൻ ശ്രമം നടത്തിയത്.

ഇതിനായി അസം സ്വദേശിയായ ബ്രോക്കർ ജാദു ഗോഗോയിയെ ചുമതലപ്പെടുത്തി. ഇക്കാര്യം രഹസ്യത്തിൽ മനസിലാക്കിയ കട്ടപ്പന പൊലീസ് ഇടിനിലക്കാരനെയും മാതാപിതാക്കളെയും കുടുക്കുകയായിരുന്നു. കുട്ടിയെ വാങ്ങാനെന്ന വ്യാജേന ഇടനിലക്കാരനുമായി ബന്ധപ്പെട്ട പൊലീസ് വില പേശി രണ്ടര ലക്ഷം രൂപയ്ക്ക് കച്ചവടം ഉറപ്പിച്ചു. 

തുടർന്ന് കുട്ടിയുമായെത്താൻ നിർദേശിച്ചതനുസരിച്ച് എത്തിയപ്പോഴായിരുന്നു അറസ്റ്റ്. സാമ്പത്തിക ബാധ്യതയാണ് കുട്ടിയെ വിൽക്കാൻ ശ്രമിച്ചതിനു പിന്നിലെന്ന് മാതാപിതാക്കൾ പറഞ്ഞു. ദമ്പതികൾക്ക് മൂന്നു കുട്ടികളാണുള്ളത്. മൂത്ത രണ്ട് കുട്ടികളും അസമിൽ സഹോദരിക്കൊപ്പം താമസിക്കുകയാണ്. ഇത്തരം സംഭവങ്ങൾ മുമ്പും നടന്നിട്ടുണ്ടോയെന്നും പൊലീസ് പരിശോധിക്കുന്നുണ്ട്. 

Join Our Whats App group

https://chat.whatsapp.com/HN3zUlGc2Va9613524dFBp

തിരുവനന്തപുരം: മത്സ്യം കഴിച്ചതിനു പിന്നാലെ ദേഹാസ്വാസ്ഥ്യം അനുഭവപ്പെട്ട 40 കാരൻ മരിച്ചു. തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിൽ കഴിഞ്ഞിരുന്ന വർക്കല ചിലക്കൂർ ഗ്രാലികുന്ന് തൈക്കാവിൽ സുധീർ (40) ആണ് മരിച്ചത്. ഭക്ഷ്യവിഷബാധയാണെന്നാണ് പ്രാഥമിക നിഗമനം. 

വറ്റ മത്സ്യം കഴിച്ചതിനു പിന്നാലെയാണ് ദേഹാസ്വാസ്ഥ്യം അനുഭവപ്പെട്ടത്. സുധീർ മത്സ്യത്തൊഴിലാളിയാണ്. മറ്റൊരു ബോട്ടിൽ ലഭിച്ച വറ്റ മത്സ്യം വാങ്ങി ഉപയോഗിക്കുകയായിരുന്നു. ഒക്റ്റോബർ 28നാണ് സുധീറിനെ വർക്കല താലൂക്ക് ആശുപത്രിയിലും തുടർന്ന് പാരിപ്പള്ളി മെഡിക്കൽ കോളജ് ആശുപത്രിയിലും പ്രവേശിപ്പിച്ചത്. ഇന്ന് രാവിലെയാണ് മരണം സംഭവിച്ചത്. 

സുധീറിന്‍റെ കുടുംബാംഗങ്ങൾക്കും അലർജിയും ആരോഗ്യ പ്രശ്നങ്ങളും നേരിട്ടെങ്കിലും ഗുരുതരമായില്ല. മത്സ്യത്തിന്‍റെ മുട്ടയും മറ്റും പാകം ചെയ്‌ത് ഭക്ഷിച്ചവർക്കാണ് വിഷബാധയേറ്റത്. മീനിന്‍റെ സാംപിൾ കൊച്ചിയിലെ കേന്ദ്ര മത്സ്യസാങ്കേതിക ഗവേഷണ സ്ഥാപനത്തിലേക്ക് പരിശോധനയ്ക്ക് അയച്ചു. 

Join Our Whats App group

https://chat.whatsapp.com/HN3zUlGc2Va9613524dFBp

മുംബൈ: റെയിൽവെയിൽ വീണ്ടും തൊഴിൽ അവസരം. സെന്‍ട്രല്‍ റെയിൽവെയില്‍ വിവിധ ട്രേഡുകളിലായി 2,861 അപ്രന്‍റീസ് ഒഴിവുകളിലേക്കാണ് അപേക്ഷ ക്ഷണിച്ചത്. 

മുംബൈ, ഭുസാവല്‍, പൂനെ, നാഗ്പൂര്‍, സോളാപൂര്‍ തുടങ്ങിയ സ്ഥലങ്ങളിലാണ് ഒഴിവുകള്‍. പത്താം ക്ലാസ് മുതല്‍ യോഗ്യതയുള്ളവര്‍ക്ക് അപേക്ഷിക്കാം. അപേക്ഷകള്‍ സമര്‍പ്പിക്കേണ്ട അവസാന തീയതി ഡിസംബര്‍ 2.

യോഗ്യത

അംഗീകൃത ബോര്‍ഡില്‍ നിന്ന് പത്താം ക്ലാസ് കുറഞ്ഞത് 50 ശതമാനം മാര്‍ക്കോടെ പാസായിരിക്കണം. കൂടാതെ അപേക്ഷിക്കുന്ന ട്രേഡില്‍ NCVT/SCVT ദേശീയ ട്രേഡ് സര്‍ട്ടിഫിക്കറ്റ് (NTC) അല്ലെങ്കില്‍ പ്രൊവിഷണല്‍ സര്‍ട്ടിഫിക്കറ്റ് ഉണ്ടായിരിക്കണം.ഡിപ്ലോമ, എഞ്ചിനീയറിങ് ബിരുദം നേടിയവര്‍ക്ക് ഈ വിജ്ഞാപനപ്രകാരം അപേക്ഷിക്കാനാകില്ല.

പ്രധാന ട്രേഡുകളും ഒഴിവുകളുടെ വിവരങ്ങളും

ഫിറ്റര്‍, ഇലക്ട്രീഷ്യന്‍, വെല്‍ഡര്‍, മെക്കാനിക് ഡീസല്‍, മെഷിനിസ്റ്റ്, ടര്‍ണര്‍, കാര്‍പെന്‍റര്‍, പെയിന്‍റര്‍, കമ്പ്യൂട്ടര്‍ ഓപ്പറേറ്റര്‍ ആന്‍റ് പ്രോഗ്രാമിങ് അസിസ്റ്റന്‍റ് (COPA),സ്റ്റെനോഗ്രാഫര്‍, വയര്‍മാന്‍, ഇലക്ട്രോണിക്‌സ് മെക്കാനിക്, മേസണ്‍, പൈപ്പ് ഫിറ്റര്‍ , ഷീറ്റ് മെറ്റല്‍ വര്‍ക്കര്‍ തുടങ്ങിയ നിരവധി ഒഴിവുകളാണ് ഉള്ളത്.

പ്രായപരിധി

അപേക്ഷകന്‍റെ പ്രായം 15 വയസ് പൂര്‍ത്തിയായിരിക്കണം. 24 വയസ് കവിയരുത്. SC/ST വിഭാഗക്കാര്‍ക്ക് അഞ്ച് വര്‍ഷവും OBC വിഭാഗക്കാര്‍ക്ക് മൂന്ന് വര്‍ഷവും ഉയര്‍ന്ന പ്രായപരിധിയില്‍ ഇളവുണ്ട്. PwBD വിഭാഗത്തിന് 10 വര്‍ഷം വരെ ഇളവ് ലഭിക്കും.

തെരഞ്ഞെടുപ്പ്

എഴുത്തുപരീക്ഷയോ അഭിമുഖമോ ഇല്ല. പത്താം ക്ലാസ് മാര്‍ക്കും ITI മാര്‍ക്കും ചേര്‍ന്നുള്ള ശരാശരി ശതമാനത്തിന്‍റെ അടിസ്ഥാനത്തിലാണ് മെറിറ്റ് ലിസ്റ്റ് തയ്യാറാക്കുന്നത്. രണ്ട് ഉദ്യോഗാര്‍ഥികള്‍ക്ക് ഒരേ മാര്‍ക്ക് ലഭിച്ചാല്‍ പ്രായം കൂടിയ ഉദ്യോഗാര്‍ഥിക്ക് മുന്‍ഗണന നല്‍കും.

കൂടുതല്‍ വിവരങ്ങള്‍ക്ക് വിജ്ഞാപനം സന്ദര്‍ശിക്കുക

https://rrccr.com/rrwc/Files/7131ab94-6fc8-45c1-a2ed-f9191914dcbd.pdf

Join Our Whats App group

https://chat.whatsapp.com/HN3zUlGc2Va9613524dFBp

ഇടുക്കി: കുടുംബ വഴക്കിനെ തുടർന്ന് വീടു കയറി ആക്രമണം നടത്തിയ കേസിൽ യുവാവിനെയും പിതാവിനെയും അറസ്റ്റ് ചെയ്‌തു. ഉപ്പുതറ ഒൻപതേക്കറിൽ നടന്ന ആക്രമണ സംഭവത്തിലാണ് രാജകുമാരി ഈഴക്കുന്നേൽ ബിജു ദേവസ്യ (45), മകൻ റോബിൻ ബിജു (18) എന്നിവരെ ഉപ്പുതറ പൊലീസ് പിടികൂടിയത്. 

ബിജുവിന്‍റെ ഭാര്യ ഒൻപത് മാസമായി ഇയാളുമായി പിണങ്ങി ഒൻപതേക്കറിലെ ബന്ധുവീട്ടിലായിരുന്നു താമസം. ഈ വീട്ടിലെത്തി ഇവർ ഭാര്യയെയും ബന്ധുവിനെയും ബന്ധുവിന്‍റെ പ്രായപൂർത്തിയാകാത്ത മകനെയും ആക്രമിക്കുകയായിരുന്നു. ആക്രമണത്തിൽ പരുക്കേറ്റ ഇവർ ആശുപത്രിയിൽ ചികിത്സയിലാണ്. 

കുടുംബ വഴക്കാണ് ആക്രമണത്തിനു കാരണമെന്ന് പൊലീസ് പറഞ്ഞു. പരുക്കേറ്റവരുടെ പരാതിയിൽ കേസെടുത്ത പൊലീസ് പ്രതികളെ അറസ്റ്റ് ചെയ്‌ത് കോടതിയിൽ ഹാജരാക്കി. 

Join Our Whats App group

https://chat.whatsapp.com/HN3zUlGc2Va9613524dFBp

തിരുവനന്തപുരം: തലസ്ഥാനത്ത് 17 കാരനെ കൊലപ്പെടുത്തിയ കേസിൽ വൻ വഴിത്തിരിവ്. പ്രതി കൊലചെയ്യാൻ ഉദേശിച്ചത് മറ്റൊരാളെയെന്ന് പൊലീസ്. കഴിഞ്ഞ ദിവസമാണ് 17 കാരൻ അഭിറാമിനെ കൊല്ലപ്പെട്ട നിലയിൽ കണ്ടെത്തിയത്. 

ശ്രീകാര്യം പൊലീസ് സ്റ്റേഷനില്‍ വെച്ച് കമ്മീഷണറുടെ നേതൃത്വത്തില്‍ നടത്തിയ വിശദമായ ചോദ്യം ചെയ്യലിലാണ് വന്‍ ട്വിസ്റ്റുണ്ടായിരിക്കുന്നത്. ഇന്നലെ വൈകിട്ട് പ്രതിയെ പിടികൂടിയെങ്കിലും പ്രാഥമികമായി ചോദ്യം ചെയ്ത് അച്ഛനൊപ്പം വിട്ടയച്ചിരുന്നു. 

ഇന്ന് ഉച്ചയ്ക്ക് വീണ്ടും വിളിച്ചുവരുത്തി ചോദ്യം ചെയ്തപ്പോഴാണ് കൊലപാതകം നടത്തിയെന്നും മൃതദേഹം പറമ്പില്‍ ഉപേക്ഷിച്ചെന്നും പ്രതി മൊഴി നല്‍കിയത്. തുടര്‍ന്ന് മൃതദേഹം കണ്ടെത്തുകയും പ്രതിയെ സംഭവ സ്ഥലത്ത് എത്തിച്ച് തെളിവെടുക്കുകയും ചെയ്തത്.

അഭിരാം ഇന്‍സ്റ്റഗ്രാം വഴി നിരന്തരം മെസേജ് അയച്ച് ശല്യപ്പെടുത്തിയിരുന്നുവെന്നും ഇക്കാര്യം ആണ്‍സുഹൃത്തിനോട് പെണ്‍കുട്ടി പരാതി പറഞ്ഞതായും തുടര്‍ന്ന് അഭിരാമിനെ വിളിച്ചുവരുത്തി കൊലപ്പെടുത്തി എന്നുമായിരുന്നു പ്രതി ആദ്യം നല്‍കിയ മൊഴി. 

എന്നാല്‍ ഇപ്പോഴത്തെ മൊഴി, അഭിരാമല്ല, അഭിരാമിന്‍റെ മറ്റൊരു സുഹൃത്താണ് പെണ്‍കുട്ടിയോട് ഇത്തരത്തില്‍ മോശമായി പെരുമാറിയത് എന്നാണ്. അയാളെ വിളിച്ചുവരുത്താന്‍ വേണ്ടി അഭിരാമിനെ ഉപയോഗിക്കാനായിരുന്നു തീരുമാനം. അതിനായിട്ടാണ് അഭിരാമിനെ വിളിച്ചു വരുത്തിയത്. 

തുടര്‍ന്ന് ഇവര്‍ തമ്മിലുണ്ടായ തര്‍ക്കം കൊലപാതകത്തിലെത്തിയെന്നാണ് പ്രതി പറയുന്നത്. എന്നാല്‍ മൊഴി വിശദമായി പരിശോധിക്കുമെന്നാണ് പൊലീസിന്‍റെ പ്രതികരണം. കേസില്‍ മൂന്ന് പേരാണ് ഇപ്പോള്‍ പൊലീസ് കസ്റ്റഡിയിലുള്ളത്. പ്രായപൂര്‍ത്തിയാകാത്ത ആണ്‍കുട്ടിയും ഐടിഐ വിദ്യാർഥിനിയും ഉമര്‍ എന്നയാളുമാണ് കസ്റ്റഡിയില്‍. 

Join Our Whats App group

https://chat.whatsapp.com/HN3zUlGc2Va9613524dFBp