കൊച്ചി: ഭക്ഷണങ്ങളിലൂടെ മാത്രമല്ല, വീട്ടിൽ നമ്മൾ ഉപയോഗിക്കുന്ന വസ്തുക്കളിലൂടെയും ക്യാൻസർ ഉണ്ടാകാമെന്നാണ് പഠനങ്ങൾ സൂചിപ്പിക്കുന്നത്. ഒറ്റ രാത്രി കൊണ്ട് ഉണ്ടാകുന്ന രോഗമല്ല ക്യാൻസർ. 

അപകടകരമായ രാസവസ്തുക്കളുമായുള്ള നിരന്തരമായ സമ്പർക്കമാണ് പലപ്പോഴും ക്യാൻസർ രോഗത്തിനു കാരണമാകുന്നത്. നമ്മൾ സാധാരണയായി വീട്ടിൽ ഉപയോഗിക്കുന്ന സാധനങ്ങൾ ക്യാൻസർ സാധ്യത വർധിപ്പിക്കുന്നതായി പഠനങ്ങൾ തെളിയിക്കുന്നു. അവ ഏതെല്ലാമെന്ന് നോക്കാം. 

പ്ലാസ്റ്റിക് കുപ്പികളും പാത്രങ്ങളും

പ്ലാസ്റ്റിക് കുപ്പികളും പാത്രങ്ങളും ചിലപ്പോൾ ക്യാൻസറിനു കാരണമാകാറുണ്ട്. കുപ്പികൾ ചൂടിലോ നേരിട്ടുള്ള സൂര്യപ്രകാശത്തിലോ വയ്ക്കാനോ തുടര്‍ച്ചയായി ഉപയോഗിക്കാനോ പാടില്ല. ഇടയ്ക്കിടെയുള്ള ഉപയോഗം കാര്യമായ ദോഷമുണ്ടാക്കാന്‍ സാധ്യതയില്ലെങ്കിലും, ചൂടായതോ വീണ്ടും ഉപയോഗിക്കുന്നതോ ആയ പ്ലാസ്റ്റിക് കുപ്പികളെ തുടര്‍ച്ചയായി ആശ്രയിക്കുന്നത് ഒഴിവാക്കണം.

പ്ലാസ്റ്റിക് പാത്രങ്ങള്‍ക്ക് പഴയ മണമോ ദുര്‍ഗന്ധമോ വരികയോ, നിറം മങ്ങുകയോ ചെയ്താല്‍ ഒഴിവാക്കുന്നതാ‍ണ് ഉചിതം. ഭക്ഷണസാധനങ്ങള്‍ സൂക്ഷിക്കാനാണ് പ്രധാനമായും പ്ലാസ്റ്റിക് പാത്രങ്ങള്‍ ഉപയോഗിക്കുന്നത്. എന്നാല്‍, ചൂടുള്ള ഭക്ഷണം ഇവയില്‍ സൂക്ഷിക്കുമ്പോഴോ മൈക്രോവേവില്‍ വച്ച് ഭക്ഷണം ചൂടാക്കുമ്പോഴോ ആരോഗ്യപരമായ അപകടസാധ്യത വർധിക്കുന്നു. 

പ്രത്യേകിച്ച് പഴകിയതോ മൈക്രോവേവില്‍ ഉപയോഗിക്കാന്‍ അനുയോജ്യമല്ലാത്തതോ ആയ പാത്രങ്ങളാണെങ്കില്‍ ചൂട് കാരണം ബി.പി.എ പോലുള്ള രാസവസ്തുക്കളോ മൈക്രോപ്ലാസ്റ്റിക് കണികകളോ ഭക്ഷണത്തില്‍ കലരാനുള്ള സാധ്യതയുണ്ട്. ഇത്തരം രാസവസ്തുക്കള്‍ ശരീരത്തിലെ ഹോര്‍മോണുകളുടെ പ്രവര്‍ത്തനത്തെയും കോശങ്ങളുടെ ദീര്‍ഘകാല ആരോഗ്യത്തെയും പ്രതികൂലമായി ബാധിച്ചേക്കാം.

എണ്ണ

തുടര്‍ച്ചയായി വീണ്ടും ചൂടാക്കുന്നതോ ഡീപ് ഫ്രൈയിംഗിനായി ഉപയോഗിക്കുന്നതോ ആയ എണ്ണയില്‍ ആല്‍ഡിഹൈഡുകള്‍, ഓക്‌സിഡൈസ്ഡ് കൊഴുപ്പുകള്‍ തുടങ്ങിയ ഹാനികരമായ സംയുക്തങ്ങള്‍ രൂപപ്പെട്ടേക്കാം. ഇവ കാലക്രമേണ ശരീരത്തില്‍ വീക്കം, ഓക്‌സിഡേറ്റീവ് സ്‌ട്രെസ് എന്നിവ വര്‍ദ്ധിപ്പിക്കാന്‍ കാരണമായേക്കാം. ഉപയോഗിച്ച എണ്ണ വീണ്ടും ഉപയോഗിക്കുന്നത് ഒഴിവാക്കുക.

അലുമിനിയം ഫോയില്‍ 

ഭക്ഷണം പൊതിയാന്‍ ഹോട്ടലുകളില്‍ അലുമിനിയം ഫോയില്‍ ഉപയോഗിക്കാറുണ്ട്. ഇടയ്ക്കിടെയുള്ള ഉപയോഗം വലിയ പ്രശ്‌നമല്ലെങ്കിലും, അസിഡിറ്റി കൂടുതലുള്ള (പുളിരസമുള്ള) ഭക്ഷണസാധനങ്ങള്‍ ആവര്‍ത്തിച്ച് അലുമിനിയം ഫോയിലില്‍ പൊതിഞ്ഞു സൂക്ഷിക്കുന്നത്, ഭക്ഷണത്തിലേക്ക് അലുമിനിയം അംശം കലരാനുള്ള സാധ്യത വര്‍ദ്ധിപ്പിക്കുന്നു. 

അലുമിനിയം ഫോയില്‍ നേരിട്ട് ക്യാന്‍സറിന് കാരണമാകുമെന്ന് തെളിയിക്കപ്പെട്ടിട്ടില്ലെങ്കിലും, അനാവശ്യമായ ദീര്‍ഘകാല ഉപയോഗം ഒഴിവാക്കുന്നതാണ് ഉചിതം. ഇതിനു പകരം സ്റ്റീല്‍ പാത്രങ്ങളില്‍ ഭക്ഷണം സൂക്ഷിക്കാവുന്നതാണ്.

കേടായ പാനുകൾ 

പാനുകള്‍ അമിതമായി ചൂടാക്കാനോ കോട്ടിങ് കേടായ ശേഷമോ ഉപയോഗിക്കാന്‍ പാടില്ല. നോണ്‍-സ്റ്റിക്ക് പാനുകള്‍ മിക്ക വീടുകളിലും പതിവായി ഉപയോഗിക്കാറുണ്ട്. പാനുകള്‍ വളരെ സൗകര്യപ്രദമാണെങ്കിലും അവ അമിതമായി ചൂടാക്കാനോ കോട്ടിങ് കേടായ ശേഷമോ ഉപയോഗിക്കാന്‍ പാടില്ല. 

ഉയര്‍ന്ന താപനിലയില്‍ ചൂടാക്കുമ്പോള്‍ ആരോഗ്യത്തിന് ഹാനികരമായേക്കാവുന്ന ചില കണികകള്‍ ഇവയില്‍ നിന്ന് പുറത്തുവന്നേക്കാം. കോട്ടിങ് കേടായ പാനുകള്‍ മാറ്റി പുതിയത് വാങ്ങുക.

Join Our Whats App group

https://chat.whatsapp.com/HN3zUlGc2Va9613524dFBp

അപ്രതീക്ഷിതമായി ഉണ്ടാകുന്നതാണ് ഹൃദയാഘാതമെങ്കിലും ഇതിനു മുമ്പ് ശരീരം ചില ലക്ഷണങ്ങൾ കാണിച്ചു തരാറുണ്ട്. ദിവസങ്ങൾക്കോ, മണിക്കൂറുകൾക്കോ മുമ്പ് തന്നെ ശരീരത്തിൽ ചില ലക്ഷണങ്ങൾ കാണാറുണ്ട്. 

പലപ്പോഴും ആളുകൾ ഇതിനെ നിസാരമായി കാണുകയാണ് പതിവ്. കൃത്യ സമയത്ത് ആശുപത്രിയിലെത്താൻ സാധിച്ചാൽ ഹൃദയാഘാതത്തെ തുടർന്നുണ്ടാകുന്ന മരണത്തെ തടയാൻ സാധിക്കുമെന്നാണ് ഡോക്‌ടർമാർ നിർദേശിക്കുന്നത്.

ആളുകളുടെ ശരീര ഘടന അനുസരിച്ച് ലക്ഷണങ്ങളിൽ വ്യത്യാസമുണ്ടായിരിക്കാം. നെഞ്ചുവേദന മാത്രമല്ല ഹൃദയാഘാതത്തിന്‍റെ ലക്ഷണം. 

ശ്വാസതടസം, ക്ഷീണം തുടങ്ങി ശരീരത്തിലുണ്ടാകുന്ന മാറ്റങ്ങൾ ചിലപ്പോൾ ഹൃദയ സംബന്ധമായ പ്രശ്നങ്ങളിലേക്കുള്ള തുടക്കമായിരിക്കാം. ഹൃദയാഘാതത്തിനു ദിവസങ്ങൾ മുമ്പ് ശരീരം കാണിക്കുന്ന ചില ലക്ഷണങ്ങൾ എന്തൊക്കെയാണെന്ന് നോക്കാം. 

ക്ഷീണം

വലിയ അധ്വാനങ്ങൾ ഇല്ലാതിരുന്നിട്ടും ശരീരത്തിൽ ക്ഷീണം അനുഭവപ്പെടുന്നത് ശ്രദ്ധിക്കേണ്ട ലക്ഷണമാണ്. ഹൃദയത്തിന് ആവശ്യമായ രക്തവും ഓക്‌സിജനും ലഭിക്കാത്തതിന്‍റെ സൂചനയായിരിക്കാം ഈ ക്ഷീണമെന്നാണ് ഡോക്‌ടർമാർ നൽകുന്ന മുന്നറിയിപ്പ്. 

രാവിലെ എഴുന്നേറ്റ ഉടന്‍ ക്ഷീണം, ചെറിയ ജോലികള്‍ പോലും ചെയ്യാന്‍ ബുദ്ധിമുട്ട്, വിശ്രമിച്ചിട്ടും ക്ഷീണം മാറാതിരിക്കുക എന്നിവ ഉണ്ടായാൽ എത്രയും വേഗം ഡോക്‌ടറെ കാണേണ്ടതുണ്ട്. സ്ത്രീകളില്‍ ഈ ലക്ഷണം കൂടുതല്‍ സാധാരണമായി റിപ്പോര്‍ട്ട് ചെയ്യപ്പെടാറുണ്ട്.

നെഞ്ചില്‍ അസ്വസ്ഥത അല്ലെങ്കില്‍ വേദന

ഹൃദയാഘാതത്തിന്‍റെ ഏറ്റവും സാധാരണ ലക്ഷണമാണിത്. നെഞ്ചില്‍ അമര്‍ത്തുന്നതുപോലുള്ള അനുഭവം, നെഞ്ചെരിച്ചില്‍ തോന്നുക, ഭാരമുള്ള വസ്തു നെഞ്ചില്‍ വെച്ചിരിക്കുന്നതുപോലെ തോന്നുക, വേദന വരികയും പോകുകയും ചെയ്യാം. ചിലപ്പോള്‍ ഇത് വളരെ നേരിയ അസ്വസ്ഥത മാത്രമായിരിക്കാം.

ശ്വാസതടസം

നടക്കുമ്പോഴോ പടികള്‍ കയറുമ്പോഴോ മാത്രമല്ല, ചിലപ്പോള്‍ വിശ്രമിക്കുന്ന സമയത്തുപോലും ശ്വാസംമുട്ടല്‍ അനുഭവപ്പെടാം. ഇത് ഹൃദയത്തിന്‍റെ പമ്പിങ് ശേഷി കുറയുന്നതിന്‍റെ സൂചനയായിരിക്കാം.

കൈ, തോള്‍, കഴുത്ത്, താടി എന്നിവിടങ്ങളിലേക്കുള്ള വേദന

നെഞ്ചിലെ വേദന ഇടത് കൈയിലേക്ക് വ്യാപിക്കുന്നതായി തോന്നും. പിന്നീട് വലത് കൈയിലേക്ക്, തോള്‍, കഴുത്ത്, താടി, പുറംഭാഗം എന്നിവിടങ്ങളിലേക്ക് വ്യാപിക്കാം. ചിലരില്‍ നെഞ്ചുവേദനയില്ലാതെ ഈ ഭാഗങ്ങളില്‍ മാത്രം വേദന അനുഭവപ്പെടാറുണ്ട്.

അമിതമായി വിയര്‍ക്കുക

യാതൊരു കാരണവുമില്ലാതെ വിയര്‍ക്കുക, ശരീരം ഒട്ടിപ്പിടിക്കുന്നതുപോലുള്ള വിയര്‍പ്പ്. ഇങ്ങനെ വന്നാൽ അടിയന്തരമായി ശ്രദ്ധിക്കേണ്ട ലക്ഷണമാണ്.

ദഹനക്കേട് അല്ലെങ്കില്‍ നെഞ്ചെരിച്ചില്‍

പലരും ഇത് ഗ്യാസ് പ്രശ്‌നമാണെന്ന് തെറ്റിധരിക്കാറുണ്ടെങ്കിലും ഹൃദയ സംബന്ധമായ പ്രശ്നങ്ങളെ തുടർന്നും നെഞ്ചെരിച്ചിൽ ഉണ്ടാകാറുണ്ട്. വയറിന് അസ്വസ്ഥത, നെഞ്ചെരിച്ചില്‍, 

ഓക്കാനം, ഛര്‍ദ്ദി എന്നിവ ശ്രദ്ധിക്കേണ്ട ലക്ഷണങ്ങളാണ്. പ്രത്യേകിച്ച് സ്ത്രീകളില്‍ ഇത് ഹൃദയാഘാതത്തിന്റെ ആദ്യ സൂചനയായിരിക്കാം.

ഉറക്കപ്രശ്‌നങ്ങള്‍

ഉറങ്ങാന്‍ ബുദ്ധിമുട്ടനുഭവപ്പെടുക, രാത്രിയില്‍ പലതവണ ഉണരുക, അസ്വസ്ഥത അനുഭവപ്പെടുക എന്നിവ ഉണ്ടാകാം.

ഹൃദയമിടിപ്പ് അസാധാരണമാകുക

ഹൃദയം വേഗത്തില്‍ മിടിക്കുക, മിടിപ്പ് തെറ്റുന്നതുപോലെ തോന്നുക, നെഞ്ചില്‍ വിറയല്‍ അനുഭവപ്പെടുക. ഇത് ഹൃദയത്തിലെ വൈദ്യുത പ്രവര്‍ത്തനത്തിലെ പ്രശ്‌നങ്ങളുടെ സൂചനയായിരിക്കാം.

ഹൃദയാഘാതത്തിനു മുമ്പ് സ്ത്രീകളിലും പുരുഷൻമാരിലും കാണുന്ന ലക്ഷണങ്ങൾ

സ്ത്രീകളില്‍

ക്ഷീണം, ശ്വാസതടസം, ഓക്കാനം, പുറംവേദന, താടി വേദന, ദഹനക്കേട് എന്നിവ നെഞ്ചുവേദനയേക്കാള്‍ കൂടുതലായി കാണപ്പെടാം.

പുരുഷന്മാരില്‍

ശക്തമായ നെഞ്ചുവേദന, ഇടത് കൈയിലേക്ക് വേദന, അമിത വിയര്‍പ്പ്. 

ലക്ഷണങ്ങളെ ഒരിക്കലും അവഗണിക്കരുത്. ഉടന്‍ ഡോക്ടറെയോ അടുത്തുള്ള ആശുപത്രിയെയോ സമീപിക്കണം. നെഞ്ചുവേദന അഞ്ച് മിനിറ്റിലധികം നീണ്ടുനില്‍ക്കുകയോ ശ്വാസതടസം, തണുത്ത വിയര്‍പ്പ്, തലകറക്കം എന്നിവയോടൊപ്പം വരികയോ ചെയ്താല്‍ അടിയന്തര വൈദ്യസഹായം തേടുക. 

ഹൃദയാഘാതം തടയാൻ ഇക്കാര്യങ്ങൾ ശ്രദ്ധിക്കാം

ദിവസവും കുറഞ്ഞത് 30 മിനിറ്റ് നടക്കുകയോ വ്യായാമം ചെയ്യുകയോ ചെയ്യുക, പച്ചക്കറികളും പഴങ്ങളും ധാന്യങ്ങളും അടങ്ങിയ സമീകൃത ഭക്ഷണം കഴിക്കുക. 

പുകവലിയും പുകയില ഉല്‍പ്പന്നങ്ങളും ഒഴിവാക്കുക. രക്തസമ്മര്‍ദ്ദം, പ്രമേഹം, കൊളസ്‌ട്രോള്‍ എന്നിവ നിയന്ത്രണത്തില്‍ സൂക്ഷിക്കുക. ആവശ്യമായ ഉറക്കം ഉറപ്പാക്കുക, മാനസിക സമ്മര്‍ദ്ദം കുറയ്ക്കാന്‍ യോഗ, ധ്യാനം തുടങ്ങിയവ ശീലമാക്കുക. 

early symptoms before heart attack 

Join Our Whats App group

https://chat.whatsapp.com/HN3zUlGc2Va9613524dFBp

ന്യൂഡെൽഹി: രാജ്യത്ത് ക്യാൻസർ രോഗികളുടെ എണ്ണം കൂടി വരികയാണ്. ജീവിത ശൈലി മുതൽ നമ്മൾ ഉപയോഗിക്കുന്ന ഭക്ഷണങ്ങൾ വരെ ക്യാൻസർ രോഗത്തിനു കാരണമാകുന്നുണ്ട്. 2026 ആകുമ്പോഴേക്കും പ്രതിവര്‍ഷം 15 ലക്ഷത്തിലധികം പുതിയ കേസുകള്‍ റിപ്പോര്‍ട്ട് ചെയ്യാം. 

ജീവിതശൈലിയും ജനിതകശാസ്ത്രവും പങ്കു വഹിക്കുന്നുണ്ടെങ്കിലും നമ്മുടെ വീടുകളിലെ ചില നിത്യോപയോഗ വസ്തുക്കളും ആരോഗ്യപരമായ അപകടങ്ങള്‍ക്ക് കാരണമാകുമെന്ന് വിദഗ്ദ്ധര്‍ പറയുന്നു. രോഗം വരാതിരിക്കാൻ താഴെ പറയുന്ന കാര്യങ്ങൾ ശ്രദ്ധിക്കാം. 

വറുത്തതും സംസ്കരിച്ചതുമായ ഭക്ഷണങ്ങൾ

എണ്ണയിൽ വറുത്ത ഭക്ഷണങ്ങൾ മിക്കവർക്കും പ്രിയമാണ്. എന്നാൽ ഇത്തരം പലഹാരങ്ങൾ അമിതായി ഉപയഗിക്കരുതെന്നാണ് ആരോഗ്യ വിദഗ്ദർ മുന്നറിയിപ്പ് നൽകുന്നത്. 

പായ്ക്ക് ചെയ്ത ലഘുഭക്ഷണങ്ങള്‍, ആഴത്തില്‍ വറുത്ത ഭക്ഷണങ്ങള്‍ എന്നിവയുടെ പതിവ് ഉപഭോഗം ആരോഗ്യത്തിന് ഹാനികരമാകും. ഈ ഭക്ഷണങ്ങളില്‍ പലപ്പോഴും രാസവസ്തുക്കളും പ്രിസര്‍വേറ്റീവുകളും അടങ്ങിയിട്ടുണ്ട്. ഇത് കാലക്രമേണ ക്യാന്‍സറിനുള്ള സാധ്യത വർധിപ്പിക്കും.

പാത്രം കഴുകുന്ന സ്പോഞ്ച് 

അടുക്കളയിൽ പാത്രം കഴുകുന്ന സ്‌പോഞ്ച് പോലും ചിലപ്പോൾ ക്യാൻസറിനു കാരണമാകാം. ഈ സ്‌പോഞ്ചുകളില്‍ അദൃശ്യമായ ബാക്ടീരിയകള്‍ ഉണ്ടാകാം. അവ പാത്രങ്ങളിലേക്ക് പറ്റിപിടിക്കുകയും ശരീരത്തില്‍ പ്രവേശിക്കുകയും രോഗപ്രതിരോധ ശേഷിയെ ദുര്‍ബലപ്പെടുത്തുകയും ചെയ്യും.

പഞ്ചസാര

പഞ്ചസാര കൂടുതലുള്ള ഭക്ഷണപാനീയങ്ങള്‍, പ്രത്യേകിച്ച് ഫാസ്റ്റ് ഫുഡ്, മിതമായി കഴിക്കണം. അമിതമായ പഞ്ചസാര കഴിക്കുന്നത് പ്രമേഹം പോലുള്ള അവസ്ഥകളുമായി ബന്ധപ്പെട്ടിരിക്കുന്നു. ഇത് ക്യാന്‍സര്‍ സാധ്യതയും വർധിപ്പിക്കും.

പ്ലാസ്റ്റിക് പാത്രങ്ങൾ

അടുക്കളകളില്‍ പ്ലാസ്റ്റിക് പാത്രങ്ങള്‍ വ്യാപകമായി ഉപയോഗിക്കുന്നു. അവയില്‍ ദോഷകരമായ രാസവസ്തുക്കള്‍ അടങ്ങിയിട്ടുണ്ട്. ഇത് ഭക്ഷണത്തിലേക്ക് ചേരാം.

 പ്രത്യേകിച്ച് ചൂടായിരിക്കുമ്പോള്‍. മൈക്രോപ്ലാസ്റ്റിക്‌സും വിഷവസ്തുക്കളും ശരീരത്തില്‍ പ്രവേശിക്കാന്‍ സാധ്യതയുള്ളതിനാല്‍ പ്ലാസ്റ്റിക്കില്‍ ഭക്ഷണം സൂക്ഷിക്കുന്നതോ വീണ്ടും ചൂടാക്കുന്നതോ ഒഴിവാക്കുക.

അലുമിനിയം ഫോയിൽ

അലുമിനിയം ഫോയില്‍ സാധാരണയായി ഭക്ഷണം പൊതിയുന്നതിന് ഉപയോഗിക്കുന്നു. ഉയര്‍ന്ന അസിഡിറ്റി അല്ലെങ്കില്‍ ഉപ്പിട്ട ഭക്ഷണങ്ങള്‍ ഫോയിലില്‍ പാചകം ചെയ്യുന്നതോ സൂക്ഷിക്കുന്നതോ ലോഹ കണികകള്‍ ഭക്ഷണത്തിലേക്ക് ചേരാന്‍ കാരണമാകും. ഇത് ആരോഗ്യത്തിന് അപകടകരമാകാം.

നോൻസ്റ്റിക് പാത്രങ്ങൾ

നോണ്‍-സ്റ്റിക്ക് പാത്രങ്ങള്‍ ഉപയോഗിക്കുന്നത് സൗകര്യപ്രദമാണ്. പക്ഷേ അവ ദോഷകരവുമാണ്. അമിതമായി ചൂടാകുമ്പോള്‍ ഈ പാത്രങ്ങളിലെ ആവരണം വിഷാംശമുള്ള രാസവസ്തുക്കള്‍ പുറത്തുവിടാന്‍ സാധ്യതയുണ്ട്. ഇത് ദീര്‍ഘകാല ആരോഗ്യ പ്രത്യാഘാതങ്ങളെക്കുറിച്ചുള്ള ആശങ്കകള്‍ ഉയര്‍ത്തുന്നു.

പോറലുകളോ കേടുപാടുകളോ സംഭവിച്ചിട്ടുണ്ടെങ്കില്‍ നോണ്‍-സ്റ്റിക്ക് പാത്രങ്ങൾ ഉപയോഗിക്കരുത്. കേടായാല്‍ അപ്പോള്‍ തന്നെ മാറ്റുക. പഴകിയ കോട്ടിംഗുകള്‍ ഭക്ഷണവുമായി കലരുകയും കരള്‍, ശ്വാസകോശം തുടങ്ങിയ അവയവങ്ങളെ പ്രതികൂലമായി ബാധിക്കുകയും ചെയ്യും.

Join Our Whats App group

https://chat.whatsapp.com/HN3zUlGc2Va9613524dFBp

വായിലെ ക്യാൻസറിന് ശരീരം കാണിച്ചു തരുന്ന ചില ലക്ഷണങ്ങളുണ്ട്. ചുണ്ടുകൾ, നാവ്, വായുടെ ആവരണം, മോണകൾ, വായയുടെ അടിഭാഗം, മുകൾ ഭാഗം, തൊണ്ടയുടെ പിൻഭാഗം എന്നിവിടങ്ങളിലാണ് സാധാരണായി വായിലെ ക്യാൻസർ ഉണ്ടാകാറുള്ളത്. 

മദ്യവും പുകയിലയും ഒരുമിച്ച് ഉപയോഗിക്കുന്നവര്‍ക്ക് വായിലെ ക്യാന്‍സര്‍ വരാനുള്ള സാധ്യത കൂടുതലാണ്. പുകവലി അല്ലെങ്കില്‍ പുകയില ചവയ്ക്കുന്നതുമായി പലപ്പോഴും ഓറല്‍ ക്യാന്‍സര്‍ ബന്ധപ്പെട്ടിരിക്കുന്നു. ദിവസവും മദ്യം കഴിക്കുന്നതും അപകടസാധ്യത വര്‍ദ്ധിപ്പിക്കും. 

ഇന്ത്യയിലെ 10 ഓറല്‍ ക്യാന്‍സര്‍ കേസുകളില്‍ ആറില്‍ കൂടുതല്‍ കേസുകളും മദ്യവും ഗുഡ്ക, ഖൈനി, പാന്‍ തുടങ്ങിയ പുകയില്ലാത്ത പുകയില ഉല്‍പ്പന്നങ്ങളുടെ ഉപയോഗവുമായി ബന്ധപ്പെട്ടിരിക്കുന്നുവെന്ന് സെന്‍റര്‍ ഫോര്‍ ക്യാന്‍സര്‍ എപ്പിഡെമിയോളജിയിലെയും ഹോമി ഭാഭ നാഷണല്‍ ഇന്‍സ്റ്റിറ്റ്യൂട്ടിലെയും ഗവേഷകര്‍ നടത്തിയ പഠനത്തില്‍ കണ്ടെത്തിയിട്ടുണ്ട്. മദ്യം കഴിക്കുന്നത് അസറ്റാല്‍ഡിഹൈഡ് ഉൽപാദിപ്പിക്കുന്നു. ഇത് വായിലെ കോശങ്ങളിലെ ഡിഎന്‍എയെ നശിപ്പിക്കുന്ന ഒരു വിഷ പദാർഥമാണ്.

പ്രധാന ലക്ഷണങ്ങൾ എന്തൊക്കെയെന്ന് നോക്കാം.

ചുണ്ടിലോ, മോണയിലോ, വായയ്ക്കുള്ളിലോ രണ്ടാഴ്ചയ്ക്കുള്ളില്‍ സുഖപ്പെടാത്ത വ്രണം കാണുന്നതാണ് ആദ്യത്തെ ലക്ഷണം എന്ന് പറയുന്നത്.

വായയ്ക്കുള്ളിലെ അര്‍ബുദത്തിന് മുമ്പുള്ള വളര്‍ച്ച വെളുത്തതോ, ചുവപ്പോ, മോണയിലും, നാവിലും, കവിളിന്‍റെ ഉള്‍ഭാഗത്തും, വായയുടെ മുകള്‍ഭാഗത്തും വികസിക്കുന്നു. ഈ പാടുകള്‍ കട്ടിയുള്ളതും പരുക്കനുമായിരിക്കും. ഈ പാടുകളുടെ പ്രാരംഭ ഘട്ടത്തില്‍ സാധാരണയായി ഒരു അസ്വസ്ഥതയും ഉണ്ടാകില്ല.

നാവിലോ, മോണയിലോ, വായയുടെ ആവരണത്തിലോ വെളുത്ത പാടുകള്‍ (ല്യൂക്കോപ്ലാകിയ) അല്ലെങ്കില്‍ ചുവന്ന പാടുകള്‍ കാണുന്നതാണ് മറ്റൊരു ലക്ഷണം. 

സാധാരണയായി വായയ്ക്കുള്ളിലോ, ചുണ്ടുകളിലോ, കഴുത്തിലോ, താടിയെല്ലിലോ സ്ഥിതി ചെയ്യുന്ന വളര്‍ച്ചയോ ടിഷ്യു കട്ടിയാക്കലോ ആയിട്ടാണ് ഓറല്‍ ക്യാന്‍സര്‍ പ്രത്യക്ഷപ്പെടുന്നത്. മുഴകള്‍ വേദനാജനകമോ വേദനയില്ലാത്തതോ ആകാം. രണ്ടാഴ്ചയില്‍ കൂടുതല്‍ നീണ്ടുനില്‍ക്കുന്ന മുഴകള്‍ കണ്ടാല്‍ ഡോക്ടറെ കണ്ട് പരിശോധന നടത്തണം. 

Join Our Whats App group

https://chat.whatsapp.com/EHHrJBoyVtLCzZWup9UaY6

ഷെജിയാങ് (ചൈന): വ്യായാമം ആരോഗ്യത്തിനു നല്ലതാണെങ്കിലും ശരീരം നോക്കാതെയുള്ള വ്യായാമം ഗുണത്തെക്കാളേറെ ദോഷം ചെയ്യുമെന്നാണ് ചൈനയിൽ നിന്നു വരുന്ന റിപ്പോർട്ട് വ്യക്തമാക്കുന്നത്. അമിത വ്യായാമ്മത്തെ തുടർന്ന് ഒരു യുവതിക്കുണ്ടായ ശാരീരിക മാറ്റത്തിന്‍റെ വാർത്തയാണ് ചൈനയിൽ നിന്നും പുറത്തു വരുന്നത്. 

കിഴക്കന്‍ ചൈനയിലെ ഷെജിയാങ് പ്രവിശ്യയില്‍ താമസിക്കുന്ന 23- കാരിക്കാണ് ഇത്തരത്തിൽ ഒരു ദുരനുഭവം ഉണ്ടായത്. എല്ലാ ദിവസവും 70 മിനിറ്റ് നേരത്തോളമാണ് യുവതി വ്യായാമം ചെയ്‌തിരുന്നത്. കഠിനമായ വ്യായാമമായിരുന്നു ചെയ്‌തിരുന്നത്.

അമിതമായി വര്‍ക്ക്ഔട്ടുകള്‍ ശരീരത്തിന് താങ്ങാവുന്നതിലും അപ്പുറമായിരുന്നു. പിന്നാലെ ഓരോ ആരോഗ്യപ്രശ്‌നങ്ങളും അലട്ടാന്‍ തുടങ്ങി. ആര്‍ത്തവ സമയത്തെ രക്തസ്രാവം കുറയുകയായിരുന്നു ആദ്യ സമയങ്ങളില്‍ നേരിട്ട പ്രശ്‌നം. പിന്നാലെ ഒന്നൊന്നായി ഓരോ ശാരീരിക ബുദ്ധിമുട്ടുകള്‍ ഉണ്ടാകാന്‍ തുടങ്ങി. ആര്‍ത്തവം പിന്നീട് വരാതെ ആവുകയും ചെയ്തതോടെ ഡോക്ടറെ കണ്‍സള്‍ട്ട് ചെയ്തു. 

പരിശോധനയില്‍ ശരീരത്തിന്‍റെ ഹോര്‍മോണുകള്‍ 50 വയസുകാരിയുടേത് പോലെ ആയെന്നാണ് ഡോക്ടര്‍മാര്‍ പറഞ്ഞത്. മാത്രമല്ല അമിത വ്യായാമം വൃക്കകളും തകരാറിലാക്കിയെന്നും കണ്ടെത്തി. അതോടെ വ്യായാമം നിര്‍ത്താന്‍ ഡോക്ടര്‍മാര്‍ പറഞ്ഞു.

ശരീരഭാരം 60 നു മുകളില്‍ എത്തിയപ്പോഴാണ് യുവതി വ്യായാമം ചെയ്യുന്നതിനായ് ജിമ്മില്‍ ജോയിന്‍ ചെയ്തത്. ആദ്യ കുറച്ച് മാസങ്ങളെത്തിയപ്പോള്‍ ശരീര ഭാരം കുറയുന്നുണ്ടെന്ന് കണ്ടതോടെ വല്ലാത്ത ആവേശവും ആത്മവിശ്വാസവും അവള്‍ക്ക് വന്നു. 

അങ്ങനെ വര്‍ക്ക്ഒട്ടുകളോട് ഭ്രാന്തമായ ഇഷ്ടം ഉണ്ടായി. വര്‍ക്ക്ഔട്ട് ചെയ്യുന്ന സമയവും കൂട്ടി. എന്നാല്‍ കടുത്ത ആരോഗ്യപ്രശ്‌നങ്ങള്‍ അവളെ അലട്ടിയതോടെ പൂര്‍ണമായി ജിമ്മില്‍ പോകുന്നതും വ്യായാമം ചെയ്യുന്നതും കുറയ്ക്കണമെന്ന് ഡോക്ടര്‍മാര്‍ നിര്‍ദേശിച്ചു. ശരീരം പഴയതുപോലെയാക്കാന്‍ ചൈനീസ് പരമ്പരാഗത മരുന്നുകളാണ് നിര്‍ദേശിച്ചത്.

Join Our Whats App group

https://chat.whatsapp.com/DnZkuEEgZHP5lo60i9Xm4L

ആറ് ജില്ലകളിൽ അവധി 

തിരുവനന്തപുരം: തൈപ്പൊങ്കൽ പ്രമാണിച്ച് കേരളത്തിലെ ആറ് ജില്ലകളിൽ ജനുവരി 15ന് സർക്കാർ പ്രാദേശിക അവധി പ്രഖ്യാപിച്ചു. തമിഴ്നാട്ടിലെ പ്രധാന വിളവെടുപ്പ് ഉത്സവമാണ് തൈപ്പൊങ്കൽ. തമിഴ്നാടുമായി ചേർന്നു നിൽക്കുന്ന തിരുവനന്തപുരം, കൊല്ലം, പത്തനംതിട്ട, ഇടുക്കി, പാലക്കാട്, വയനാട് ജില്ലകളിലെ സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കുമാണ് അവധി ബാധകമാകുന്നത്. സംസ്ഥാന സര്‍ക്കാരിന്‍റെ ഔദ്യോഗിക കലണ്ടര്‍ പ്രകാരമുള്ള അവധിയാണിത്.

സമൃദ്ധമായ വിളവെടുപ്പിന് അനുഗ്രഹം നല്‍കിയ സൂര്യദേവനോടുള്ള നന്ദി പ്രകടനമായാണ് തൈപ്പൊങ്കല്‍ ആഘോഷിക്കുന്നത്. നാല് ദിവസങ്ങളിലായി നീണ്ടുനില്‍ക്കുന്ന ആഘോഷങ്ങളില്‍ ബോഗി പൊങ്കല്‍, തൈപ്പൊങ്കല്‍, മാട്ടുപ്പൊങ്കല്‍, കാണുംപൊങ്കല്‍ എന്നിവയാണ് പ്രധാന ചടങ്ങുകള്‍. കേരളത്തിലെ അതിര്‍ത്തി ജില്ലകളിലും തമിഴ് ജനവിഭാഗങ്ങള്‍ ഏറെയുള്ളയിടങ്ങളിലും വന്‍ ആവേശത്തോടെയാണ് ആഘോഷങ്ങള്‍ നടക്കുന്നത്.

തമിഴ്‌നാട്ടില്‍ ജനുവരി 15 മുതല്‍ 18 വരെ തുടര്‍ച്ചയായ നാല് ദിവസങ്ങള്‍ അവധിയാണ്. തൈപ്പൊങ്കല്‍ പ്രമാണിച്ച് കന്യാകുമാരി ജില്ല ഉള്‍പ്പെടെയുള്ള അയല്‍ പ്രദേശങ്ങളില്‍ ഒരുക്കങ്ങള്‍ അവസാന ഘട്ടത്തിലെത്തി. വിദ്യാഭ്യാസ സ്ഥാപനങ്ങളിലും സ്വകാര്യ സ്ഥാപനങ്ങളിലും പൊങ്കല്‍ ആഘോഷങ്ങള്‍ ഇതിനോടകം തന്നെ ആരംഭിച്ചു കഴിഞ്ഞു.

കൊച്ചി: ഹൃദയാഘാതം കൊണ്ടുണ്ടാകുന്ന മരണങ്ങൾ അനുദിനം വർധിച്ചുകൊണ്ടിരിക്കുന്നതായിട്ടാണ് പഠനങ്ങൾ സൂചിപ്പിക്കുന്നത്. അനാരോഗ്യകരമായ ഭക്ഷണ രീതി, ഉറക്കമില്ലായ്‌മ, വ്യായാമ കുറവ് തുടങ്ങി നിരവധിയായ കാര്യങ്ങൾ ഹൃദയാഘാതത്തിനു കാരണമാകുന്നുണ്ട്. 

ചെറുപ്പക്കാർക്കിടയിൽ പോലും ഹൃദയാഘാതം കൂടി വരുന്നതായിട്ടാണ് കണക്കുകൾ സൂചിപ്പിക്കുന്നത്. പൊടുന്നനെ ഉണ്ടാകുന്നതല്ല ഹൃദയാഘാതമെന്നതാണ് ഡോക്‌ടർമാർ നൽകുന്ന വിവരം. ചില ശീലങ്ങൾ ഹൃദയാരോഗ്യം മോശമാക്കുമെന്നാണ് ഡോക്‌ടർമാർ മുന്നറിയിപ്പ് നൽകുന്നത്. 

ഇതിൽ പ്രധാനം ഭക്ഷണ ശേഷമുള്ള നടത്തമാണ്. പലരും ഭക്ഷണം കഴിച്ച ശേഷം ചടഞ്ഞുകൂടി ഇരിക്കുന്നവരായിരിക്കും. ഒരോ ഭക്ഷണത്തിനു ശേഷവും 10 മിനിറ്റ് നേരമെങ്കിലും നടക്കണമെന്നാണ് ആരോഗ്യ വിദഗ്ദർ നൽകുന്ന മുന്നറിയിപ്പ്. 

ഇതിലൂടെ ഇൻസുലിൻ പ്രവർത്തനം മികച്ചതാക്കാനും രക്തത്തിലെ പഞ്ചസാരയുടെ അളവ് കൂടുന്നത് തടയാനും സഹായിക്കും. ഭക്ഷണ ശേഷമുള്ള ചെറിയ നടത്തം കൊണ്ട് എന്ത് കാര്യമെന്ന് പലരും പറയുമെങ്കിലും ഹൃദയാരോഗ്യത്തിന് ഇത് മെച്ചപ്പെട്ടതാണ്. 

ഉറക്കക്കുറവാണ് മറ്റൊരു പ്രധാന വെല്ലുവിളി. ഉറക്കം എത്തരത്തോളം കുറയുന്നോ അതിനനുസരിച്ച് ഹൃദയാഘാത സാധ്യത കൂടുമെന്നാണ് പഠനങ്ങൾ തെളിയിക്കുന്നത്. ആറ് മണിക്കൂറിൽ താഴെയാണ് ഉറക്കമെങ്കിൽ ഹൃദയാഘാത സാധ്യത 200 ശതമാനം കൂടുമെന്നാണ് ഡോക്‌ടർമാർ പറയുന്നത്. 

ഉറക്കം കുറയുന്നത് സ്ട്രെസ് ഹോർമോണായ കോർട്ടിസോൾ കൂടാനും ശരീരത്തിൽ വീക്കമുണ്ടാവുന്നതിനും രക്തക്കുഴലുകൾ തകരാറിലാവാനും കാരണമാകും. ദിവസം എട്ട് മണിക്കൂറെങ്കിലും ഉറക്കം കിട്ടുന്നുണ്ടെന്ന് ഉറപ്പാക്കണമെന്നും ഡോക്‌ടർമാർ മുന്നറിയിപ്പ് നൽകുന്നു. 

Join Our Whats App group

https://chat.whatsapp.com/JADaOBrSTxqKfsrW1ZkLRV

ദിവസം മുഴുവൻ സാരി ധരിക്കേണ്ടി വരുന്ന നിരവധി സ്ത്രീകളുണ്ട്. കാണാൻ രസമുള്ള വസ്ത്രമാണെങ്കിലും സാരി ധരിക്കുമ്പോൾ ചില ആരോഗ്യ പ്രശ്നങ്ങളും ഉണ്ടാകാറുണ്ട്. ഇതിൽ ഒന്നാണ് തുടകൾ ഉരഞ്ഞ് മുറിയുന്നത്. 

അൽപം വണ്ണമുള്ള സ്ത്രീകളിലാണ് ഈ പ്രശ്നം കൂടുതലായി കണ്ടുവരുന്നത്. വിയര്‍പ്പ്, ഘര്‍ഷണം, ഇറുകിയ വസ്ത്രങ്ങള്‍ എന്നിവ മൂലമാണ് ഈ പ്രശ്‌നം ഉണ്ടാകുന്നത്. അതേസമയം ഇതിനെ നിസാരമായി കാണരുതെന്നാണ് അരോഗ്യ വിദഗ്ദർ ചൂണ്ടിക്കാട്ടുന്നത്.

തുടകള്‍ ഉരഞ്ഞ് മുറിഞ്ഞാല്‍ അവ തണുത്ത വെള്ളത്തില്‍ കഴുകി വൃത്തിയുള്ള തുണി ഉപയോഗിച്ച് തുടയ്ക്കുക. സുഡോക്രീം, ബോറോലിന്‍, ഡെര്‍മിക്കൂള്‍, സിങ്ക് ഓക്‌സൈഡ് ക്രീം അല്ലെങ്കില്‍ നിങ്ങളുടെ ഡോക്ടറുടെ നിര്‍ദ്ദേശപ്രകാരം അനുയോജ്യമായ ഒരു തൈലം എന്നിവ ബാധിത പ്രദേശത്ത് പുരട്ടുക. ദിവസം മുഴുവന്‍ വരണ്ടതായിരിക്കാന്‍ ടാല്‍ക്കം പൗഡര്‍ അല്ലെങ്കില്‍ ആന്‍റി ഫംഗല്‍ പൗഡര്‍ പുരട്ടുക.

ഇങ്ങനെ മുറിഞ്ഞ ഇടത്ത് ശുദ്ധമായ കറ്റാര്‍ വാഴ ജെല്‍ പുരട്ടുന്നത് തണുപ്പ് നല്‍കുകയും ചര്‍മ്മത്തിലെ പ്രകോപനം കുറയ്ക്കുകയും ചെയ്യുന്നു. എല്ലാ ദിവസവും കുളിച്ചതിന് ശേഷം വെളിച്ചെണ്ണ പുരട്ടുന്നത് ചര്‍മ്മത്തെ മൃദുവാക്കുകയും ഘര്‍ഷണം മൂലമുണ്ടാകുന്ന അസ്വസ്ഥതകള്‍ കുറയ്ക്കുകയും ചെയ്യുന്നു. ബാധിത പ്രദേശത്ത് മഞ്ഞളും തൈരും ചേര്‍ത്ത് പുരട്ടുന്നത് വീക്കവും ചുവപ്പും കുറയ്ക്കുന്നു.

സിന്തറ്റിക് അല്ലെങ്കില്‍ നൈലോണ്‍ വസ്ത്രങ്ങള്‍ ഒഴിവാക്കുക. ഭാരം കുറഞ്ഞതും വായുസഞ്ചാരമുള്ളതുമായ കോട്ടണ്‍ വസ്ത്രങ്ങള്‍ ധരിക്കുക.  വിപണിയില്‍ ലഭ്യമായ ആന്‍റി-ചാഫിംഗ് ക്രീമുകള്‍ ഉപയോഗിക്കുന്നത് ഘര്‍ഷണം കുറയ്ക്കുന്നു. ഇത് ഉരഞ്ഞ് മുറിയുന്നത് തടയുന്നു. ശരീരഭാരം കൂടുന്നത് തുടകള്‍ക്കിടയിലുള്ള ദൂരം കുറയ്ക്കുകയും ഘര്‍ഷണം വർധിപ്പിക്കുകയും ചെയ്യുന്നു. 

പതിവ് നടത്തവും വ്യായാമവും സഹായകരമാണ്. ഉരച്ചിലിന്‍റെ ഭാഗത്ത് വെള്ളമുള്ള കുമിളകള്‍, കഠിനമായ വേദന, പഴുപ്പ് അല്ലെങ്കില്‍ അണുബാധ എന്നിവ കണ്ടാല്‍ ഉടന്‍ തന്നെ ഒരു ഡെര്‍മറ്റോളജിസ്റ്റിനെ സമീപിക്കുക.  

Join Our Whats App group

https://chat.whatsapp.com/EHHrJBoyVtLCzZWup9UaY6

മലപ്പുറം: മലപ്പുറത്ത് മലമ്പനി സ്ഥിരീകരിച്ചു. വണ്ടൂർ അമ്പലപ്പടിയിൽ വാടകയ്ക്ക് താമസിക്കുന്ന ഏഴ് വയസുകാരൻ അടക്കം മൂന്ന് പേർക്കാണ് മലമ്പനി സ്ഥിരീകരിച്ചിരിക്കുന്നത്. അതിഥി തൊഴിലാളികളാണ് ഇവർ. 

ഇവർ മൂന്ന് പേരും നാല് ദിവസം മുമ്പാണ് ഉത്തർപ്രദേശിൽ നിന്നും കേരളത്തിലെത്തിയതെന്നാണ് വിവരം. മേഖലയില്‍ ആരോഗ്യ വകുപ്പ് ഉദ്യോഗസ്ഥരുടെ നേതൃത്വത്തില്‍ പ്രതിരോധ ബോധവല്‍കരണ, ശുചീകരണ പ്രവര്‍ത്തനങ്ങള്‍ ഊര്‍ജിതമാക്കി. 

അമ്പലപ്പടി, പുല്ലൂര്‍, ഗവ. വിഎംസി സ്‌കൂള്‍ പരിസരം, താമരശ്ശേരി മഠം, നായാടിക്കുന്ന്, പുളിക്കല്‍ ഭാഗങ്ങളിലെ വീടുകളില്‍ ഹെല്‍ത്ത് ഇന്‍സ്പെക്ടര്‍മാര്‍, ആശ വര്‍ക്കര്‍മാര്‍ ഉള്‍പ്പെടെയുള്ള ആരോഗ്യപ്രവര്‍ത്തകര്‍ സന്ദര്‍ശനം നടത്തി.

മലമ്പനി രോഗ ലക്ഷണങ്ങള്‍ (malaria)

മനുഷ്യരിലും മൃഗങ്ങളിലും കൊതുക് പരത്തുന്ന ഒരു സാംക്രമിക രോഗമാണ് മലമ്പനി അഥവാ മലേറിയ. ചതുപ്പു പനി എന്നും ഈ രോഗം അറിയപ്പെടുന്നു. 

അനോഫിലിസ് ജെനുസ്സില്‍ പെടുന്ന ചില ഇനം പെണ്‍കൊതുകുകളാണ് രോഗം പരത്തുന്നത്. വിറയലോട് കൂടിയ പനി, കുളിര്, തലവേദന, ശരീര വേദന, ക്ഷീണം, മനം പിരട്ടല്‍, ഛര്‍ദ്ദി, വയറിളക്കം എന്നിവയാണ് പ്രധാന ലക്ഷണങ്ങള്‍. 

ചുമ, ശക്തമായ പേശി വേദന, തൊലിപ്പുറമേയും കണ്ണിലുമുള്ള മഞ്ഞനിറം, ഇടയ്ക്കിടെ വന്നു പോകുന്ന പനി എന്നിവയാണ് സാധാരണ ലക്ഷണങ്ങള്‍. കൃത്യമായ ചികിത്സ ലഭ്യമാക്കിയില്ലെങ്കില്‍ മസ്തിഷ്‌കം, കരള്‍ , വൃക്ക തുടങ്ങിയ അവയവങ്ങളെ പ്രതികൂലമായി ബാധിക്കുകയും മരണം വരെ സംഭവിക്കാനും സാധ്യതയുണ്ട്.

Join Our Whats App group

https://chat.whatsapp.com/DnZkuEEgZHP5lo60i9Xm4L

യുവാക്കൾക്കിടയിൽ ഹൃദയാഘാതം വർധിച്ചു വരുന്നത് വലിയ ആശങ്കകൾക്ക് കാരണമാകുന്നുണ്ട്. മാറിയ ജീവിത ശൈലികളാണ് ഇതിനു കാരണമാകുന്നതെന്നാണ് ആരോഗ്യ വിദഗ്ദർ വ്യക്തമാക്കുന്നത്. 

നിസാരമെന്ന് തോന്നുമെങ്കിലും മാറുന്ന തലമുറയുടെ ഭക്ഷണ സമയം ഹൃദയാഘാതത്തിന് കാരണമാകുന്നുണ്ടത്രേ. ജോലിയുടെ ഷിഫ്റ്റ് സബ്രദായം, മാനസിക സമ്മർദം ഇവയൊക്കെ ഭക്ഷണ സമയത്തെ ബാധിച്ചിട്ടുണ്ട്. ഇക്കാര്യങ്ങളിൽ ഏറെ ശ്രദ്ധ വേണമെന്നാണ് ഡോക്‌ടർമാർ നിർദേശിക്കുന്നത്.

പ്രഭാത ഭക്ഷണം

ഇന്ന് കുട്ടികളിൽ പോലും പ്രഭാത ഭക്ഷണം കഴിക്കുന്ന ശീലമില്ല. പലരും തിരക്കുകൾ കൊണ്ട് പ്രഭാത ഭക്ഷണം ഒഴിവാക്കുന്നത് പതിവാണ്. ഇത് ഏറെ അപകടകരമാണെന്നാണ് ഡോക്‌ടർമാർ മുന്നറിയിപ്പ് നൽകുന്നത്.

പ്രഭാത ഭക്ഷണം ഒഴിവാക്കുന്നത് ഹോര്‍മോണുകളുടെ സന്തുലനം നഷ്ടമാക്കുകയും രക്തക്കഴലുകളില്‍ പ്ലേക്കുകള്‍ അടിഞ്ഞുകൂടാനും കാരണമാകുന്നു. മാത്രമല്ല, ബ്രേക്ക്ഫാസ്റ്റ് ഒഴിവാക്കുമ്പോള്‍ ശരീരം ദീര്‍ഘനേരം ഉപവസിക്കുകയും ഇത് സ്ട്രെസ് ഹോര്‍മോണ്‍ ആയ കോര്‍ട്ടിസാളിന്‍റെ ഉല്‍പാദനം കൂട്ടാനും ഹൃദയാഘാത സാധ്യത ഏതാണ്ട് 27 മുതല്‍ 35 ശതമാനം വരെ കൂടാനും കാരണമാകുന്നു.

അത്താഴം വൈകിയാൽ

രാത്രി വൈകി ഭക്ഷണം കഴിച്ച ശേഷം നേരെ കിടക്കുന്നത് മെറ്റബോളിക് പ്രവര്‍ത്തനങ്ങള്‍ തടസപ്പെടാനും രക്തത്തിലെ പഞ്ചസാരയുടെ അളവു കൂടാനും ഇത് ശരീരവീക്കം വര്‍ധിക്കാനും കാരണമാകും. കിടക്കുന്നതിന് രണ്ട് മണിക്കൂര്‍ നേരത്തെയെങ്കിലും അത്താഴം കഴിച്ചിരിക്കണം.

ഇക്കാര്യങ്ങൾ ശ്രദ്ധിക്കാതെ വരുന്നത് യുവാക്കൾക്കിടയിൽ ഹൃദയാഘാത സാധ്യത വർധിക്കാൻ കാരണമാകുമെന്നാണ് ഡോക്‌ടർമാർ മുന്നറിയിപ്പ് നൽകുന്നത്. 

Join Our Whats App group

https://chat.whatsapp.com/DnZkuEEgZHP5lo60i9Xm4L

ജീവിത ശൈലിയിലെ മാറ്റത്തെ തുടർന്നുണ്ടാകുന്ന അനാരോഗ്യകരമായ അവസ്ഥയാണ് പ്രമേഹം. രക്തത്തിൽ പഞ്ചസാരയുടെ അളവ് ക്രമാതീതമായി ഉയരുന്നതാണ് പ്രമേഹം.

ശ്രദ്ധിച്ചില്ലെങ്കിൽ വലിയ അപകടങ്ങൾ മറഞ്ഞിരിക്കുന്നതാണ് ഈ അവസ്ഥ. മാറുന്ന ഭക്ഷണ രീതിയും വ്യായാമമില്ലായ്മയും ഉറക്കക്കുറവുമൊക്കെ പ്രമേഹത്തിനു കാരണമാകാറുണ്ട്. 

മുമ്പൊക്കെ പ്രായമാവരിൽ മാത്രം കണ്ടുവന്നിരുന്ന പ്രമേഹം ഇപ്പോൾ യുവാക്കളിലും ധാരാളമായി കണ്ടു വരുന്നുണ്ട്. ആദ്യം കാണുന്ന ചില ലക്ഷണങ്ങൾ ശ്രദ്ധിക്കാതെ പോകുന്നത് രോഗം ഗുരുതരമാകുന്നതിന് കാരണമാകാറുണ്ട്. പ്രമേഹമുണ്ടെങ്കിൽ ശരീരം തരുന്ന സൂചനകൾ എന്തൊക്കെയാണെന്ന് അറിയാം. 

അമിത ദാഹം

രക്തത്തിൽ പഞ്ചസാരയുടെ അളവ് കൂടിയിട്ടുണ്ടെങ്കിൽ അമിതമായ ദാഹം അനുഭവപ്പെടാറുണ്ട്. അമിത ദാഹവും വിശപ്പും പ്രമേഹത്തിന്‍റെ സൂചനകളാണ്. ഇത്തരത്തിൽ അനുഭവപ്പെടുന്നുണ്ടെങ്കിൽ എത്രയും വേഗം ഡോക്‌ടറെ കാണുകയാണ് വേണ്ടത്.

കൂടെക്കൂടെ മൂത്രം ഒഴിക്കുന്നത്

അസാധാരണമായി ഇടക്കിടെ മൂത്രമൊഴിക്കാൻ തോന്നുന്നത് പഞ്ചാസാരയുടെ അളവ് രക്തത്തിൽ ഉയരുന്നതിന്‍റെ ലക്ഷണമാകാം. ഇതും അവഗണിക്കാതിരിക്കുന്നതാണ് ഉത്തമം. 

കാഴ്ച മങ്ങുക

കണ്ണിന് മങ്ങലനുഭവപ്പെടുക, ടിവി കാണുമ്പോഴും മറ്റും മങ്ങിയതായി തോന്നുക, ഇതൊക്കെ പ്രമേഹത്തിന്‍റെ ആദ്യ ലക്ഷണങ്ങളാണ്. 

സ്ത്രീകളെയും പുരുഷൻമാരെയും ഒരുപോലെ അലട്ടുന്ന പ്രശ്നമാണ് വിയർപ്പുനാറ്റം. ജോലി സ്ഥലത്തും യാത്രയിലുമൊക്കെ വിയർപ്പ് നാറ്റം വില്ലനാകാറുണ്ട്. വിയർക്കുന്നത് ലജ്ജാകരമായി തോന്നുമെങ്കിലും നമ്മളറിയാത്ത ചില ആരോഗ്യ ഗുണങ്ങൾ വിയർപ്പിലുണ്ട്. 

വ്യായാമം ചെയ്യുമ്പോൾ കൂടുതൽ വിയർക്കുന്നത് സ്വാഭാവിക വേദന സംഹാരികളായി പ്രവർത്തിക്കുന്ന എൻഡോർഫിനുകൾ ഉൽപ്പാദിപ്പിക്കും. വിയർക്കുന്നതു വഴി നമ്മുടെ ചർമ സുഷിരങ്ങൾ തുറക്കുന്നതിനും അവയിൽ കെട്ടിക്കിടക്കുന്ന അഴുക്കുകളും മെഴുക്കുമയവും പുറത്തേക്ക് നീക്കം ചെയ്യുന്നതിനും സഹായിക്കുന്നു. 

ഇത് മനുഷ്യരുടെ ഊഷ്മളമായ ക്ഷേമവും വിശ്രമവും നൽകുന്നതിലൂടെ മാനസികാവസ്ഥയെ നിയന്ത്രിക്കുന്നതിനും സഹായിക്കുന്നു. വിയർക്കുന്നത് ജലദോഷവും മറ്റ് അണുബാധയും തടയാനും സഹായിക്കുന്നുണ്ട്. അമിതമായ ചൂട് അനുഭവപ്പെടാതെ ശരീര താപനില നിയന്ത്രിക്കുന്നതിനും വിയർപ്പ് സഹായിക്കുന്നുണ്ട്. ചർമവും മുടിയും ആരോഗ്യകരമായി നിലനിർത്തുന്നതിനും വിയർപ്പ് സഹായകരമാണ്. 

അതേസമയം വിയർപ്പിൽ നിന്നുണ്ടാകുന്ന ദുർഗന്ധം പലപ്പോഴും ഒരു പ്രതിസന്ധിയാണ്. ഇത് മാറുന്നതിന് ചില പൊടിക്കൈകൾ പ്രയോഗിക്കാം. ഒരു കോട്ടൺ പഞ്ഞി എടുത്ത് വിയർപ്പ് കൂടുതൽ ഉണ്ടാകാൻ സാധ്യതയുള്ള സ്ഥലങ്ങളിൽ അൽപം വിനാഗിരി പുരട്ടുന്നത് വിയർപ്പ് നാറ്റം അകറ്റാൻ സഹായകമാണ്. 

ചർമത്തിന്‍റെ പി.എച്ച് നില സന്തുലിതമാക്കുന്നതിനും ദുർഗന്ധം ഉണ്ടാക്കുന്ന ബാക്റ്റീരിയകളെ അകറ്റുന്നതിനും വിനാഗിരി സഹായിക്കും. സമാനമാണ് ചെറു നാരങ്ങയും. ചർമ്മത്തിന്‍റെ പിഎച്ച് നില സന്തുലിതമാക്കാൻ ചെറുനാരങ്ങയും സഹായിക്കും. ചെറുനാരങ്ങ രണ്ടായി മുറിച്ച് കക്ഷത്തിൽ പുരട്ടുന്നത് നല്ലതാണ്. 

Join Our Whats App group

https://chat.whatsapp.com/HN3zUlGc2Va9613524dFBp 

പ്രായവും ജനിതകമായ സാഹചര്യങ്ങളും സ്ട്രോക്ക് ഉണ്ടാവാനുള്ള സാധ്യത വർധിപ്പിക്കുന്നുണ്ട്. അതേസമയം അൽപം ശ്രദ്ധിച്ചാൽ പക്ഷാഘാതം അഥവാ സ്ട്രോക്ക് ഉണ്ടാവാനുള്ള സാധ്യത മുൻകൂട്ടി കാണാൻ സാധിക്കുമെന്ന് ആരോഗ്യ വിദഗ്ദർ സൂചിപ്പിക്കുന്നു. 

തലച്ചോറിലേക്കുള്ള രക്ത പ്രവാഹം തടസപ്പെട്ട് തലച്ചോറിന് അറ്റാക്ക് സംഭവിക്കുന്നതാണ് സ്ട്രോക്ക് എന്നറിയപ്പെടുന്നത്. സ്ട്രോക്ക് സംഭവിക്കുമ്പോള്‍ മസ്തിഷ്‌ക കോശങ്ങള്‍ക്ക് ഓക്‌സിജന്‍ ലഭ്യമാകാതെ വരികയും തുടര്‍ന്ന് അവ നശിച്ചു പോകുകയും ചെയ്യുന്നു. ഇതു മൂലം ഏതു ഭാഗത്തെ കോശങ്ങളാണോ നശിക്കുന്നത് ആ ഭാഗത്തിന്‍റെ പ്രവര്‍ത്തനങ്ങള്‍ ഇല്ലാതാകുന്നു.

സ്ട്രോക്ക് തടയാൻ മുൻ കരുതൽ 

ഉയർന്ന രക്ത സമ്മർദം തടയുകയെന്നത് തന്നെയാണ് സ്ട്രോക്ക് തടയാൻ പ്രധാനം. ഉയർന്ന രക്ത സമ്മർദം നിയന്ത്രിച്ചില്ലെങ്കിൽ ഇത് സ്ട്രോക്ക് സാധ്യത നാല് മടങ്ങ് വരെ വർധിപ്പിക്കാം. 120/80 ൽ താഴെ രക്തസമ്മർദം നിലനിർത്തുക എന്നതായിരിക്കണം ലക്ഷ്യം.

ഭക്ഷണത്തിലെ ഉപ്പ് ഒരു ദിവസം 1,500 മില്ലിഗ്രാമില്‍ കൂടരുത് (ഏകദേശം അര ടീസ്പൂണ്‍).

ബര്‍ഗറുകള്‍, ചീസ്, ഐസ്‌ക്രീം തുടങ്ങിയ ഉയര്‍ന്ന കൊളസ്‌ട്രോള്‍ ഭക്ഷണങ്ങള്‍ ഒഴിവാക്കുക.

ഡയറ്റില്‍ പഴങ്ങളും പച്ചക്കറികളും ഉള്‍പ്പെടുത്തുക, ആഴ്ചയില്‍ രണ്ടോ മൂന്നോ തവണ മത്സ്യം, ദിവസവും ധാന്യങ്ങളും കൊഴുപ്പ് കുറഞ്ഞ പാലുല്‍പ്പന്നങ്ങളും കഴിക്കുക.

അമിതവണ്ണം സ്‌ട്രോക്ക് സാധ്യത വര്‍ധിപ്പിക്കുന്ന മറ്റൊരു ഘടകമാണ്. ആക്റ്റിവിറ്റി ലെവലും നിങ്ങളുടെ ബോഡി മാസ് ഇന്‍ഡക്‌സും അനുസരിച്ച് ഭക്ഷണത്തിലെ കലോറി നിയന്ത്രിക്കുക. നടത്തം, ടെന്നീസ് പോലുള്ള സ്‌പോര്‍ട്‌സ് ദിനചര്യയില്‍ ഉള്‍പ്പെടുത്തുക. വ്യായാമം പതിവാക്കുക.

വ്യായാമം ശരീരഭാരവും രക്തസമ്മര്‍ദവും കുറയ്ക്കാന്‍ സഹായിക്കുന്നു. അതിനൊപ്പം വ്യായാമത്തെ സ്‌ട്രോക്ക് റിഡ്യൂസര്‍ എന്ന രീതിയിലും വിദഗ്ധര്‍ വിശേഷിപ്പിക്കുന്നു. ആഴ്ചയില്‍ അഞ്ച് ദിവസം വ്യായാമം ദിനചര്യയില്‍ ഉള്‍പ്പെടുത്തണം.

അമിതമദ്യപാനം നിയന്ത്രിക്കുന്നത് സ്‌ട്രോക്ക് അപകട സാധ്യത കുറയ്ക്കാന്‍ സഹായിക്കും. ഒരു ദിവസം ഒരു പെഗില്‍ കൂടുതല്‍ മദ്യം കഴിക്കരുത്.

ഹൃദയത്തില്‍ രക്തം കട്ടപിടിക്കാന്‍ കാരണമാകുന്ന ഒരു അവസ്ഥയാണിത്. കട്ടപിടിച്ച രക്തം തലച്ചോറിലേക്ക് സഞ്ചരിച്ച് സ്‌ട്രോക്ക് ഉണ്ടാക്കാം. ഏട്രിയല്‍ ഫൈബ്രിലേഷന്‍ സ്‌ട്രോക്ക് സാധ്യത ഏതാണ്ട് അഞ്ച് ഇരട്ടിയാക്കുന്നു. ഹൃദയമിടിപ്പ് അല്ലെങ്കില്‍ ശ്വാസതടസം പോലുള്ള ലക്ഷണങ്ങള്‍ ഉണ്ടെങ്കില്‍ തീര്‍ച്ചയായും ഡോക്ടറെ സമീപിക്കുക.പുകവലി രക്തം കട്ടപിടിക്കുന്നത്

രക്തത്തിലെ ഉയര്‍ന്ന പഞ്ചസാരയുടെ അളവു കാലക്രമേണ രക്തക്കുഴലുകള്‍ക്ക് കേടുപാടുകള്‍ വരുത്തുകയും, അവയ്ക്കുള്ളില്‍ കട്ടപിടിക്കാനുള്ള സാധ്യത വര്‍ധിപ്പിക്കുകയും ചെയ്യുന്നു. ഭക്ഷണക്രമം, വ്യായാമം, മരുന്നുകള്‍ എന്നിവയിലൂടെ പ്രമേഹത്തെ നിയന്ത്രിച്ചു നിര്‍ത്തുക.

പുകവലി രക്തം കട്ടപിടിക്കുന്നതിന് കാരണമാകും. ഇത് നിങ്ങളുടെ രക്തം കട്ടിയാക്കുകയും ധമനികളില്‍ പ്ലാക്ക് അടിഞ്ഞുകൂടുന്നതിന്റെ അളവ് വര്‍ധിപ്പിക്കുകയും ചെയ്യുന്നു. പുകവലി ഉപേക്ഷിക്കുന്നത് സ്‌ട്രോക്ക് സാധ്യത കുറയ്ക്കാന്‍ സഹായിക്കും.

തലച്ചോറിനുണ്ടാകുന്ന അറ്റാക്കാണ് സ്ട്രോക്ക്. തലച്ചോറിലേക്കുള്ള രക്തപ്രവാഹം തടസപ്പെടുമ്പോഴാണ് സ്ട്രോക്ക് സംഭവിക്കുന്നത്. സ്‌ട്രോക്ക് സംഭവിക്കുമ്പോള്‍ മസ്തിഷ്‌ക കോശങ്ങള്‍ക്ക് ഓക്സിജന്‍ ലഭ്യമാകാതെ വരികയും തുടര്‍ന്ന് അവ നശിച്ചു പോകുകയും ചെയ്യുന്നു. ഇതു മൂലം ഏതു ഭാഗത്തെ കോശങ്ങളാണോ നശിക്കുന്നത് ആ ഭാഗത്തിന്റെ പ്രവര്‍ത്തനങ്ങള്‍ ഇല്ലാതാകുന്നു.

Join Our Whats App group

https://chat.whatsapp.com/HN3zUlGc2Va9613524dFBp

ഊണിനൊപ്പം ഒരു പപ്പടം കൂടിയെത്തിയാലേ മലയാളിക്ക് ആഹാരം തൃപ്‌തികരമാകു. പുട്ടിനൊപ്പവും ഊണിനൊപ്പവും ഒന്നും രണ്ടും പപ്പടം അകത്താക്കുന്നവരാണ് മലയാളികളിൽ ഏറെയും. എന്നാൽ ദിവസവും പപ്പടം കഴിക്കുന്നത് ആരോഗ്യത്തിന് അത്ര നല്ലതല്ലെന്നാണ് ഡോക്‌ടർമാർ നൽകുന്ന മുന്നറിയിപ്പ്.

പപ്പടത്തില്‍ ധാരാളം കലോറി അടങ്ങിയിട്ടുണ്ട്. രണ്ട് പപ്പടം കഴിക്കുമ്പോള്‍ തന്നെ ഒരു ചപ്പാത്തിക്ക് സമമായ കലോറി ശരീരത്തില്‍ എത്തും. ഉഴുന്നാണ് പപ്പടത്തിന്‍റെ പ്രധാന ചേരുവ. എന്നാല്‍ വ്യവസായ അടിസ്ഥാനത്തില്‍ പപ്പടം ഉണ്ടക്കുമ്പോള്‍ ഉഴുന്നിന് പകരം മൈദ ഉപയോഗിക്കുന്ന രീതി ഇപ്പോള്‍ വ്യാപകമാണ്. ഇത് ദഹന പ്രശ്‌നങ്ങള്‍ കുടല്‍ സംബന്ധമായ പ്രശ്‌നങ്ങളിലേക്കും നയിക്കാം.

വ്യവസായ അടിസ്ഥാനത്തില്‍ ഉണ്ടാക്കുന്ന പപ്പടങ്ങളില്‍ ഉയര്‍ന്ന അളവില്‍ ഉപ്പും സോഡിയം കാര്‍ബൊണേറ്റ്, സോഡിയം ബൈകാര്‍ബൊണേറ്റ് (പപ്പട കാരമെന്നാണ് ഇവയെ വിശേഷിപ്പിക്കുന്നത്) പോലുള്ള സോഡിയം അധിഷ്ടിത പ്രിസര്‍വേറ്റീവുകളും അടങ്ങിയിട്ടുണ്ട്. പപ്പടം ദീര്‍ഘനാള്‍ കേടുകൂടാതെയിരിക്കാനാണ് ഇത് ഉപയോഗിക്കുന്നത്.

കുടലിലെ ക്യാന്‍സറിന് ഉള്‍പ്പെടെ കാരണമായേക്കാവുന്ന രാസവസ്തുവാണ് സോഡിയം ബൈക്കാര്‍ബണേറ്റ്. സോഡിയം കാര്‍ബണേറ്റ് കുടലില്‍ പൊള്ളലിന് കാരണമാകും. അസിഡിറ്റി, അള്‍സര്‍, ദഹനപ്രശ്നങ്ങള്‍ എന്നിവയ്ക്കും ഇത് വഴിവെക്കും. അതിനാല്‍ പപ്പടം പതിവാക്കുന്നത് ആരോഗ്യത്തിന് നല്ലതല്ല. കൂടാതെ ഉയര്‍ന്ന രക്തസമ്മര്‍ദത്തിനും ഹൃദ്രോഗത്തിനും കാരണമായേക്കാം.

മറ്റൊന്ന് അക്രിലാമൈഡുമായി ബന്ധപ്പെട്ടതാണ്. പപ്പടത്തില്‍ കാര്‍ബോഹൈഡ്രേറ്റുകള്‍ കൂടുതലാണ് ഇത്തരം ഭക്ഷണങ്ങള്‍ എണ്ണയില്‍ വറുക്കുകയോ റോസ്റ്റ് ചെയ്യുകയോ ചെയ്യുന്നത് അക്രിലാമൈഡ് ഉല്‍പാദിപ്പിക്കാന്‍ കാരണമാകും. ഇത് ഹൃദയ സംബന്ധമായ അസുഖങ്ങള്‍ മുതല്‍ ക്യാന്‍സര്‍ വരെ ഉണ്ടാകാനുള്ള സാധ്യത വര്‍ധിപ്പിക്കുന്നു.

കടകളില്‍ നിന്ന് വാങ്ങുന്ന പല പപ്പടങ്ങളിലും കൃത്രിമ രുചികളും പ്രിസര്‍വേറ്റീവുകളും അടങ്ങിയിട്ടുണ്ട്, ഇത് ദഹനത്തെ തടസപ്പെടുത്തുകയും അസിഡിറ്റിക്ക് കാരണമാവുകയും ചെയ്യും. അതേസമയം കുറഞ്ഞ അളവില്‍ അഡിറ്റീവുകള്‍ ചേര്‍ത്ത് ചെറിയ ബാച്ചുകളായി തയ്യാറാക്കുന്ന കൈകൊണ്ട് നിർമിച്ച പപ്പടങ്ങള്‍ ആരോഗ്യകരമായ ഒരു ബദലാണ്.

Join Our Whats App group

https://chat.whatsapp.com/HN3zUlGc2Va9613524dFBp

തൊടുപുഴ: അതിനൂതന റോബോട്ടിക് സാങ്കേതിക വിദ്യയുടെ സഹായത്തോടെയുള്ള മുട്ടുമാറ്റിവയ്ക്കൽ ശസ്ത്രക്രിയയ്ക്ക് തൊടുപുഴ  ബേബി മെമ്മോറിയൽ ആശുപത്രിയിൽ തുടക്കമായി. ജോൺസൺ ആൻഡ് ജോൺസൺ കമ്പനി വികസിപ്പിച്ചെടുത്ത വെലിസ് റോബോട്ടിക് സംവിധാനം ഉപയോഗിച്ചുള്ള ശസ്ത്രക്രിയ കേരളത്തിൽ ആദ്യമായാണ് തുടങ്ങുന്നത്. 

ലണ്ടൻ ഹെൽത്ത് സെന്‍റർ പ്രതിനിധി ഡോ. ജെയിംസ് എൽ ഹോവാഡും ഓർത്തോപീഡിക്സ് മേധാവി ഡോ. ഒ.ടി. ജോർജും ചേർന്ന് റോബോട്ടിക് മുട്ടുമാറ്റിവയ്ക്കൽ സംവിധാനത്തിന്‍റെ ഉദ്ഘാടനം നിർവഹിച്ചു. സംസ്ഥാനത്ത് ഏറ്റവുമധികം മുട്ടുമാറ്റിവയ്ക്കൽ ശസ്ത്രക്രിയ നടത്തിയിട്ടുള്ള ഡോ. ഒ.ടി. ജോർജിന്‍റെ നേതൃത്വത്തിലാണ് റോബോട്ടിക് സംവിധാനം പ്രവർത്തിക്കുക. 

ഏറ്റവും കൃത്യമായും സൂക്ഷ്‌മതയോടെയും ശസ്ത്രക്രിയ നടത്താമെന്നതാണ് റോബോട്ടിക് സംവിധാനത്തിന്‍റെ മെച്ചം. ചെറിയ മുറിവുകളെ ഉണ്ടാകുന്നുള്ളൂ. ഇതുവഴി രക്തനഷ്ടം, വേദന, ഇൻഫെക്ഷൻ എന്നിവ പരമാവധി കുറയ്ക്കാനും സമയനഷ്ടം ഒഴിവാക്കി ആശുപത്രിവാസം കുറയ്ക്കാനും പറ്റുന്നു. 

കുറഞ്ഞ ചെലവിൽ സാധാരണക്കാർക്കു കൂടി പ്രയോജനപ്പെടുന്നതാണ് റോബോട്ടിക്ക് മുട്ടുമാറ്റിവയ്ക്കൽ. ബിഎംഎച്ച് തൊടുപുഴ സിഇഒ ഡോ. ജെയ് കിഷൻ. കെ.പി, മെഡിക്കൽ സൂപ്രണ്ട് ഡോ. ടോമി മാത്യു തുടങ്ങിയവർ ഉദ്ഘാടന ചടങ്ങിൽ പ്രസംഗിച്ചു.  

ഇടുക്കി ജില്ലയിൽ നിന്നും സമീപപ്രദേശങ്ങളിൽ നിന്നുമുള്ള ആളുകൾക്ക് എളുപ്പത്തിൽ ലഭിക്കാത്ത ഉന്നത നിലവാരത്തിലുള്ള അസ്ഥി-സംയുക്ത ചികിത്സയ്ക്കായി ഇപ്പോഴും വലിയൊരു വിഭാഗം ആളുകൾ ജില്ലക്ക് പുറത്തേക്ക് യാത്ര ചെയ്യേണ്ട സാഹചര്യമുണ്ട്. മികച്ച സൗകര്യങ്ങളും വിദഗ്ധ ഡോക്ടർമാരും ഉള്‍പ്പെടുന്ന അത്യാധുനിക സംവിധാനങ്ങളോടുകൂടിയ ചികിത്സാ കേന്ദ്രങ്ങളുടെ അഭാവമാണ് ഇതിനു മുഖ്യകാരണമായത്.

ഈ പശ്ചാത്തലത്തിലാണ് ബേബി മെമ്മോറിയൽ ഹോസ്പിറ്റൽ അതുല്യമായൊരു മുന്നേറ്റം നടത്തുന്നത്. ഏറ്റവും പുതിയ ഓർത്തോപീഡിക് ടെക്നോളജികളും, പ്രവീണരായ ഓർത്തോ സർജൻമാരുടെയും ടീം ചേർന്ന് രൂപപ്പെടുത്തുന്ന സമഗ്ര പരിചരണ സംവിധാനത്തിലൂടെ, അസ്ഥി-സംയുക്ത ചികിൽസയിൽ വിപ്ലവം സൃഷ്ടിക്കാനാണ് ബി‌എം‌എച്ചിന്റെ ലക്ഷ്യം. ഇനി മുതൽ ഇടുക്കി സ്വദേശികൾക്കും സമീപവാസികൾക്കും ദീർഘ ദൂര യാത്രകൾ ഒഴിവാക്കി അന്താരാഷ്ട്ര നിലവാരത്തിലുള്ള ഓർത്തോപീഡിക് ചികിത്സ ലഭ്യമാകും.

റോബോട്ടിക് ജോയിന്‍റ് റിപ്ലേസ്‌മെന്‍റ് സർജറിക്ക് വിധേയരാകാവുന്ന രോഗികൾ പ്രധാനമായും ദീർഘകാലമായുള്ള മുട്ടുവേദനയുള്ളവർ, പ്രാഥമിക ചികിത്സകൾക്ക് പ്രതികരണമില്ലാത്ത രോഗികൾ, ഓസ്റ്റിയോ ആർത്രൈറ്റിസ്, റുമാറ്റോയിഡ് ആർത്രൈറ്റിസ് പോലുള്ള ക്ലിനിക്കൽ ഡയഗ്നോസുകൾ സ്ഥിരീകരിച്ചവർ, ദൈനംദിന പ്രവർത്തനങ്ങളിൽ തടസ്സം അനുഭവിക്കുന്നവർ (നടക്കുമ്പോഴും ചവിട്ടുമ്പോഴും ശക്തമായ വേദന അനുഭവപ്പെടുന്നവർ കൂടാതെ ഭാവിയിൽ ഗുണനിലവാരമുള്ള ജീവിതം കൈവരിക്കാനുള്ള ഉദ്ദേശത്തോടെ ശസ്ത്രക്രിയയെ സമീപിക്കുന്ന വിഭാഗത്തിൽപ്പെട്ട വർക്കുമാണ് വിദഗ്ധർ നിർദ്ദേശിക്കുന്നത്.

റോബോട്ടിക് സർജറി എന്നത് ശസ്ത്രക്രിയ മുഴുവനും ഒരു റോബോട്ട് ചെയ്യുന്നു എന്നതല്ല. പലരും ഇങ്ങനെ തെറ്റിധരിക്കാറുണ്ട്. വാസ്തവത്തിൽ, കൃത്യതയും ഉയർന്ന നിയന്ത്രണവും നൽകാൻ റോബോട്ടിക് സിസ്റ്റം ഒരു ഉപകരണമായി പ്രവർത്തിക്കുന്നു.  

എന്നാൽ തീരുമാനങ്ങളും ഓപ്പറേഷൻ നടത്തുന്നതും എപ്പോഴും ഒരനുഭവസമ്പന്നനായ സർജൻ തന്നെയാണ്. ബേബി മെമ്മോറിയൽ ഹോസ്പിറ്റലിലെ, പ്രവീണ്യരായ ഓർത്തോ സർജൻമാരാണ് റോബോട്ടിക് നാവിഗേഷൻ സംവിധാനങ്ങൾ ഉപയോക്താവായി ഉപയോഗിച്ച് ഉയർന്ന നിലവാരത്തിൽ സുരക്ഷിതവും ഫലപ്രദവുമായ ശസ്ത്രക്രിയകൾ നടത്തുന്നത്.

ബേബി മെമ്മോറിയൽ ഹോസ്പിറ്റലിലെ  ശസ്ത്രക്രിയകളുടെ വിജയത്തിന് പിന്നിൽ ഉള്ള ശക്തി, അനുഭവസമ്പന്നരായ ഓർത്തോ ടീമാണ്.  ഡോ. ഒ.ടി. ജോർജ്, ഡോ. അനിൽ ജെ. തോമസ്, ഡോ. ജോസഫ് സ്റ്റീഫൻ, ഡോ. നിഖിൽ ജോസഫ് മാർട്ടിൻ, ഡോ. ജിജോ ഏ. ജെ., ഡോ. ക്രിസ്റ്റോ ജോസ്, ഡോ. അലക്സ് ടി. ജോൺസൺ, ഡോ. ഇജാസ് സിദ്ദിഖ് എന്നിവർ ഓർത്തോ വിഭാഗത്തിൽ സേവനമനുഷ്ടിക്കുന്നു.

"ടെക്നോളജി നമ്മുടെ കൈയിൽ ഒരു ശക്തിയേകുന്നു ഒപ്പം രോഗിയുടെ ജീവിതം മാറ്റുന്നതിന് അതിനെ ശരിയായ രീതിയിൽ ഉപയോഗിക്കാനുള്ള കൃത്യതയും കാരുണ്യവുമാണ് ചികിത്സയുടെ ആധാരമെന്ന്" ഓർത്തോ വിഭാഗം മേധാവി ഡോ. ഒ. ടി. ജോർജ് അഭിപ്രായപ്പെടുന്നു.

സമൂഹത്തിലെ എല്ലാവർക്കും മികച്ച ആരോഗ്യസംരക്ഷണം ഉറപ്പാക്കുകയെന്ന ലക്ഷ്യത്തോടെ  നാലു പതിറ്റാണ്ട് മുൻപ് ഡോ. കെ.ജി. അലക്സാണ്ടറിന്‍റെ നേതൃത്വത്തിൽ കോഴിക്കോട്ട് തുടക്കംകുറിച്ച  ബേബി മെമ്മോറിയൽ ആശുപത്രി ഇപ്പോൾ സംസ്ഥാനത്തെ ആരോഗ്യമേഖലയിൽ മുൻനിരക്കാരാണ്. ഗുണനിലവാരവും പ്രതിബദ്ധതയും നിറഞ്ഞ സേവനത്തിന്‍റെ തുടർച്ചയാണ് തൊടുപുഴയിലെ ബേബി മെമ്മോറിയൽ ആശുപത്രി. 

അത്യാധുനിക സൗകര്യങ്ങൾ ഏർപ്പെടുത്തിയ ഇവിടെ അന്താരാഷ്‌ട്ര നിലവാരമുള്ള ചികിത്സാ സൗകര്യങ്ങൾ ലഭ്യമാണ്. മുപ്പതിൽ കൂടുതൽ സ്പെഷ്യാലിറ്റി - സൂപ്പർ സ്പെഷ്യാലിറ്റി മെഡിക്കൽ, സർജിക്കൽ വിഭാഗങ്ങൾ ആശുപത്രിയുടെ ഭാഗമാണ്. 

ഉയർന്ന റിസ്കുള്ള ഗർഭധാരണ പരിചരണം, 24*7 അടിയന്തിര വിഭാഗം, ഓപ്പറേഷൻ തിയറ്ററുകൾ (എമർജൻസി ഒ.ടി ഉൾപ്പെടെ),ഐസിയു ബെഡുകൾ (എൻഐസിയു , പിഐസിയു ഉൾപ്പെടെ), 24 മണിക്കൂർ ആക്‌സിഡന്‍റ് ട്രോമ കെയർ യൂണിറ്റ്, 24 മണിക്കൂറും പ്രവർത്തനസജ്ജമായ ഇന്‍റർവെൻഷനൽ കാർഡിയോളജി, കാത്ത് ലാബ്, ന്യൂറോസർജറി പ്രത്യേക ഒ.ടി,  ഐസിയു വിഭാഗം എന്നിവ പൂർണസജ്ജമാണ്. 

കൂടാതെ, ന്യൂറോളജി ആൻഡ് സ്ട്രോക്ക് ക്ലിനിക്ക്, ഇഇജി, സ്ലീപ് സ്റ്റഡി തുടങ്ങി ന്യൂറോ ഡയഗ്നോസ്റ്റിക് സേവനങ്ങൾ, ഡയാലിസിസ് യൂണിറ്റ്, സിടി ആൻഡ് എംആർഐ സ്കാനിങ്,  24 മണിക്കൂറും പ്രവർത്തന സജ്ജമായ ആംബുലൻസ്, ഫാർമസി, ലബോറട്ടറി, ബ്ലഡ് സെന്‍റർ എന്നിവയും ശ്രദ്ധേയം. നൂറിലേറെ വരുന്ന പരിചയസമ്പന്നരായ വിദഗ്ധ ഡോക്‌ടർമാരുടെയും മറ്റ് ആരോഗ്യപ്രവർത്തകരുടെയും സേവനം ആശുപത്രിയെ വേറിട്ടതാക്കുന്നു.

Join Our Whats App group

https://chat.whatsapp.com/IeYcvZizDl2Bmro5SsP1DB

കന്യാകുമാരി: വണ്ണം കുറക്കാൻ മൂന്ന് മാസം പഴച്ചാറ് മാത്രം കുടിച്ച യുവാവ് മരിച്ചു. കന്യാകുമാരി ജില്ലയിലെ കൊളച്ചലിലാണ് സംഭവം നടന്നത്. 17 വയസുകാരനായ ശക്തീശ്വരൻ എന്ന യുവാവാണ് മരിച്ചത്. 

യുടൂബ് വീഡിയോ കണ്ടാണ് ശക്തീശ്വരൻ ഫ്രൂഡ് ജ്യൂസ് ഡയറ്റ് തുടങ്ങിയതെന്ന് വീട്ടുകാർ പറയുന്നു. ഡോക്ടര്‍മാരുടെയോ ഡയറ്റീഷ്യന്‍റെയോ നിര്‍ദേശമില്ലാതെയാണ് ശക്തീശ്വരന്‍ ഡയറ്റ് നോക്കിയിരുന്നതെന്ന് കുടുംബം വ്യക്തമാക്കി. മകന്‍ ചില മരുന്നുകള്‍ കഴിച്ചിരുന്നതായും അടുത്തിടെ വ്യായാമം തുടങ്ങിയതായും കുടുംബം പറഞ്ഞു.

ശക്തീശ്വരന്‍ മൂന്ന് മാസമായി പഴച്ചാറുകള്‍ മാത്രമാണ് കഴിച്ചിരുന്നത്. ശ്വാസതടസം അനുഭവപ്പെടുന്നുവെന്നു പറഞ്ഞയുടന്‍ കുഴഞ്ഞുവീഴുകയായിരുന്നു. ആശുപത്രിയിലെത്തിച്ചപ്പോഴേക്കും മരണം സംഭവിച്ചിരുന്നതായും വീട്ടുക്കാര്‍ പറയുന്നു.

പഴങ്ങള്‍ അടിസ്ഥാനമാക്കിയുള്ള ഭക്ഷണക്രമം, അല്ലെങ്കില്‍ പഴവര്‍ഗ്ഗങ്ങള്‍ അടങ്ങിയ ഭക്ഷണക്രമം അവശ്യ പോഷകങ്ങളുടെ അഭാവവും കാരണം നിരവധി പാര്‍ശ്വഫലങ്ങള്‍ക്ക് കാരണമാകും. പോഷകാഹാരക്കുറവ്, ദഹന പ്രശ്‌നങ്ങള്‍, ദന്ത പ്രശ്‌നങ്ങള്‍, ശരീരഭാരം വർധിപ്പിക്കാനുള്ള സാധ്യത എന്നിവ ഇതില്‍ ഉള്‍പ്പെടുന്നു.

പഴങ്ങളില്‍ സാധാരണയായി പ്രോട്ടീന്‍ കുറവാണ്. ഇത് പേശികളുടെ വളര്‍ച്ച, മൊത്തത്തിലുള്ള ശാരീരിക പ്രവര്‍ത്തനങ്ങള്‍ എന്നിവയ്ക്ക് നിര്‍ണായകമാണ്. പഴങ്ങള്‍ അടിസ്ഥാനമാക്കിയുള്ള ഭക്ഷണക്രമം ബി 12, ഡി പോലുള്ള വിറ്റാമിനുകളുടെയും കാല്‍സ്യം, ഇരുമ്പ്, അയഡിന്‍ തുടങ്ങിയ ധാതുക്കളുടെയും കുറവിന് കാരണമാകും. ഇത് വിളര്‍ച്ച, അസ്ഥികള്‍ ദുര്‍ബലമാകല്‍, രോഗപ്രതിരോധ ശേഷി കുറയല്‍ എന്നിവയ്ക്ക് കാരണമാകും.

ചില ആളുകള്‍ക്ക് തുടക്കത്തില്‍ ശരീരഭാരം കുറയുമെങ്കിലും അമിതമായ പഴങ്ങളുടെ ഉപയോഗം പ്രത്യേകിച്ച് പഞ്ചസാര കൂടുതലുള്ള ചില പഴങ്ങളുടെ ഉപയോഗം, ശരീരഭാരം വർധിപ്പിക്കുന്നതിന് കാരണമാകും. പഴങ്ങളില്‍ നിന്നുള്ള പഞ്ചസാരയുടെ അളവ് കൂടുന്നതും കുറയുന്നതും മാനസികാവസ്ഥയിലെ മാറ്റത്തിന് കാരണമാകും. 

Join Our Whats App group

https://chat.whatsapp.com/JADaOBrSTxqKfsrW1ZkLRV

രാത്രി ഉറക്കം കുറയുന്നത് പലവിധ ആരോഗ്യ പ്രശ്നങ്ങൾക്ക് കാരണമാകുമെന്ന് ഡോക്‌ടർമാർ മുന്നറിയിപ്പ് നൽകുന്നുണ്ട്. ഇപ്പോൾ സ്വീഡനിലെ ഉപ്‌സാല സർവകലാശാല നടത്തിയ പഠനത്തിൽ രാത്രി ഉറക്കം നാല് മണിക്കൂറിൽ താഴെയാണെങ്കിൽ ഹൃദ്രോഗ സാധ്യത വർധിപ്പിക്കുമെന്നാണ് സൂചിപ്പിക്കുന്നത്.

ആരോഗ്യമുള്ള 16 യുവാക്കളിൽ നടത്തിയ പഠനത്തിലാണ് ഇക്കാര്യം വ്യക്തമായതെന്ന് റിപ്പോർട്ടിൽ പറയുന്നു. അവരുടെ ഭക്ഷണം മുതല്‍ പ്രവര്‍ത്തന നിലവാരം, പ്രകാശത്തിലേക്കുള്ള എക്‌സ്‌പോഷര്‍ എന്നിവ നിയന്ത്രിച്ച ലാബില്‍ ഏഴ് ദിവസമായിരുന്നു പഠനം. രണ്ട് ദിനചര്യകളാണ് ഇവരോട് പിന്തുടരാന്‍ ആവശ്യപ്പെട്ടത്.

ഒന്ന്, മൂന്ന് രാത്രികള്‍ സാധാരണ ഉറക്കം (8.5 മണിക്കൂര്‍). രണ്ട്, മൂന്ന് രാത്രികള്‍ ഉറക്ക നിയന്ത്രണം (4.25 മണിക്കൂര്‍). ഓരോ ഉറക്ക ഘട്ടത്തിന് ശേഷം ഒരു ചെറിയ, ഉയര്‍ന്ന തീവ്രതയുള്ള സൈക്ലിങ് വ്യായാമം പൂര്‍ത്തിയാക്കി, അതിനു മുമ്പും ശേഷവും അവരുടെ രക്തം പരിശോധിച്ചു. രക്തത്തിലെ വീക്കം ഉണ്ടാക്കുന്ന പ്രോട്ടീനുകളെ ഗവേഷകര്‍ പരിശോധിച്ചു.

സമ്മര്‍ദത്തിലായിരിക്കുമ്പോഴോ രോഗത്തിനെതിരെ പോരാടുമ്പോഴോ ശരീരം ഉൽപാദിപ്പിക്കുന്ന തന്മാത്രകളാണിവ. ഈ പ്രോട്ടീനുകള്‍ വളരെക്കാലം ഉയര്‍ന്ന നിലയില്‍ നിലനില്‍ക്കുമ്പോള്‍, അവ രക്തക്കുഴലുകള്‍ക്ക് കേടുപാടുകള്‍ വരുത്തുകയും ഹൃദയസ്തംഭനം, കൊറോണറി ഹൃദ്രോഗം, ഏട്രിയല്‍ ഫൈബ്രിലേഷന്‍ (ക്രമരഹിതമായ ഹൃദയമിടിപ്പ്) തുടങ്ങിയ പ്രശ്നങ്ങള്‍ക്കുള്ള സാധ്യത വര്‍ധിപ്പിക്കുകയും ചെയ്യും.

രക്തസാമ്പിളുകളില്‍ ഗവേഷകര്‍ ഏകദേശം 90 വ്യത്യസ്ത പ്രോട്ടീനുകള്‍ അളന്നു. നാലര മണിക്കൂറില്‍ കുറവു ഉറങ്ങുന്നവരില്‍ ഹൃദ്രോഗവുമായി ബന്ധപ്പെട്ട വീക്കം ഉണ്ടാക്കുന്ന മാര്‍ക്കറുകളില്‍ വ്യക്തമായ വര്‍ധനവിന് കാരണമാകുന്നുണ്ടെന്ന് അവര്‍ കണ്ടെത്തി. 

വ്യായാമം സാധാരണയായി ഇന്‍റര്‍ല്യൂക്കിന്‍-6, ബിഡിഎന്‍എഫ് (ഇവ തലച്ചോറിന്‍റെയും ഹൃദയത്തിന്‍റെയും ആരോഗ്യത്തെ പിന്തുണയ്ക്കുന്നു) പോലുള്ള ആരോഗ്യകരമായ പ്രോട്ടീനുകളെ വര്‍ധിപ്പിക്കുമെങ്കിലും, ഉറക്കം കുറഞ്ഞതിന് ശേഷം ഈ പ്രതികരണങ്ങള്‍ ദുര്‍ബലമായിരുന്നു.

ഗുണനിലവാരം കുറഞ്ഞ ഉറക്കവും ഉറക്കക്കുറവും ഇന്ന് ആളുകളില്‍ വളരെ സാധാരണമായിരിക്കുകയാണെന്നത് ആശങ്കയുണ്ടാക്കുന്നുവെന്ന് ഗവേഷര്‍ പറയുന്നു. ആരോഗ്യമുള്ള ചെറുപ്പക്കാരിലും ഈ മാറ്റങ്ങള്‍ പ്രകടമായിരുന്നുവെന്നും ഗവേഷകര്‍ കൂട്ടിച്ചേര്‍ക്കുന്നു. മാത്രമല്ല, രക്തം എടുക്കുന്ന സമയവും പ്രധാനമാണെന്ന് ഗവേഷകര്‍ കണ്ടെത്തി. രാവിലെയും വൈകുന്നേരവും പ്രോട്ടീന്‍റെ അളവ് വ്യത്യാസപ്പെട്ടിരുന്നു. ഇത് ഉറക്കനഷ്ടസമയങ്ങളില്‍ വളരെ കൂടുതലായിരിക്കും.

Join Our Whats App group

https://chat.whatsapp.com/IeYcvZizDl2Bmro5SsP1DB

യുവാക്കളിൽ  പോലും ഇപ്പോൾ ഹൃദ്രോഗം കണ്ടുവരുന്നുണ്ട്. ആനാരോഗ്യകരമായ ജീവിതശൈലിയാണ് പലപ്പോഴും ഹൃദ്രോഗത്തിനു കാരണമാകുന്നത്. അതേസമയം ഹൃദ്രോഗം അപകടകരമാകുന്നതിനു മുമ്പ് ശരീരം കാണിക്കുന്ന ചില ലക്ഷണങ്ങളുണ്ട്. 

ആരോഗ്യകരമായ ജീവിതശൈലിയും ശരിയായ ഭക്ഷണശീലവും പിന്തുടര്‍ന്നാല്‍ ഹൃദയാരോഗ്യം സംരക്ഷിക്കാനാകും. ‌ഹൃദ്രോഗത്തിന്‍റെ പ്രധാന ലക്ഷണങ്ങൾ എന്തൊക്കെയാണെന്ന് നോക്കാം. 

നെഞ്ചുവേദന

ഹൃദ്രോഗത്തിന്‍റേതായി പ്രകടമായി കാണുന്ന ലക്ഷണം നെഞ്ചുവേദനയാണ്. വേദന രണ്ട് കൈകളിലോ, പുറം, കഴുത്ത്, താടിയെല്ല് അല്ലെങ്കില്‍ വയറിന്‍റെ മുകള്‍ ഭാഗത്തേക്കോ വ്യാപിക്കും. 

എന്നാൽ എല്ലാ നെഞ്ചുവേദനയും ഹൃദ്രോഗം ആയിരിക്കണമെന്നില്ല. അതിനാൽ നെഞ്ചുവേദന അനുഭവപ്പെട്ടാൽ എത്രയും വേഗം ഡോക്‌ടറെ സമീപിക്കുകയാണ് വേണ്ടത്. 

ശ്വാസതടസം 

ശ്വാസതടസമാണ് മറ്റൊരു ലക്ഷണം. ഇത് നെഞ്ചിലെ അസ്വസ്ഥതയോടൊപ്പം ഉണ്ടാകാം. വിശ്രമത്തിലായിരിക്കുമ്പോഴോ നേരിയ വ്യായാമം ചെയ്യുമ്പോഴോ പോലും പെട്ടെന്ന് ശ്വസിക്കാന്‍ ബുദ്ധിമുട്ട് അനുഭവപ്പെടാം.

അമിത വിയർപ്പ്

ഹൃദ്രോഗത്തിന്‍റെ മറ്റൊരു ലക്ഷണമാണ് അമിതമായി വിയർക്കുന്നത്. വെറുതെ ഇരിക്കുമ്പോഴും വിയര്‍ക്കുന്നത് ഹൃദയാഘാതത്തിന്‍റെ സൂചനയായിരിക്കാം. ശരീരം അമിതമായി വിയർക്കുകയാണെങ്കിൽ ശ്രദ്ധ വേണമെന്ന് സാരം. 

ശർദിലും ഓക്കാനവും

സ്ത്രീകള്‍ക്ക് ഹൃദയാഘാത സമയത്ത് ഓക്കാനം അല്ലെങ്കില്‍ ഛര്‍ദ്ദി അനുഭവപ്പെടാം. ഈ ലക്ഷണം പലപ്പോഴും ദഹനക്കേടോ ഭക്ഷ്യവിഷബാധയോ ആയി തെറ്റിധരിക്കപ്പെടുന്നു.

തലകറക്കം

തലകറക്കം, ബലഹീനത എന്നിവയാണ് മറ്റൊരു ലക്ഷണം. ഹൃദയം ഫലപ്രദമായി രക്തം പമ്പ് ചെയ്യാത്തപ്പോള്‍ ഇത് സംഭവിക്കാം. ഇത് തലച്ചോറിലേക്കുള്ള രക്തയോട്ടം കുറയുന്നതിലേക്ക് നയിക്കുന്നു.

ശരീര വേദന

നെഞ്ചിലെ അസ്വസ്ഥതയ്ക്ക് പുറമേ, തോളുകള്‍, കൈകള്‍, താടിയെല്ല്, കഴുത്ത് അല്ലെങ്കില്‍ പുറം എന്നിവിടങ്ങളിലും വേദന ഉണ്ടാകാം. ഈ പറഞ്ഞ ലക്ഷണങ്ങൾ ഉണ്ടായാൽ എത്രയും വേഗം അടുത്തുള്ള ആശുപത്രിയിലെത്താൻ ശ്രമിക്കണം. രോഗ നിർണയം സ്വയം ചെയ്യരുത്. 

Join Our Whats App group

https://chat.whatsapp.com/IeYcvZizDl2Bmro5SsP1DB

സാരി ഉടുക്കാൻ ഇഷ്ടമുള്ളവരാണ് സ്ത്രീകളിൽ ഏറെയും. പുതുതലമുറയ്ക്ക് സാരിയോട് അത്ര പ്രിയമില്ലെങ്കിലും വിശേഷ ദിവസങ്ങളിൽ സാരി അണിയാൻ സ്ത്രീകൾ ശ്രമിക്കാറുണ്ട്. 

അതേസമയം സാരി ഉടുക്കുമ്പോൾ അൽപം ശ്രദ്ധ വേണമെന്ന മുന്നറിയിപ്പാണ് ആരോഗ്യ വിദഗ്ദർ നൽകുന്നത്. അരയിൽ സാരി പതിവായി മുറുക്കി ഉടുക്കുന്നത് ക്യാൻസറിന് വരെ കാരണമാകാൻ സാധ്യതയുണ്ടെന്നാണ് മുന്നറിയിപ്പ്. 

എന്നു കരുതി സാരി ഉടുപ്പ് വേണ്ടെന്നല്ല. അധികം മുറുക്കി പതിവായി സാരി ഉടുക്കുന്നതാണ് പ്രശ്നം. സാരി മാത്രമല്ല, ഇറുകിയ അടിവസ്ത്രങ്ങളും ജീൻസും വരെ ക്യാൻസറിന് കാരണമായേക്കാമത്രേ. 

അരയിൽ മുറുകിയിരിക്കുന്ന വസ്ത്രം സ്ത്രീകൾ കുറേ കാലം ഉപയോഗിക്കുകയാണെങ്കിൽ അരഭാഗത്ത് ഉരഞ്ഞ് അവിടെയുള്ള ചർമം കറുത്ത നിറമായി മാറുന്നു. ഇത് പിന്നീട് അർബുദമായി മാറാൻ സാധ്യതയുണ്ട്.

ദോത്തി ക്യാൻസറിനൊപ്പം 1945ലാണ് ഈ പദം ആദ്യമായി ഉപയോഗിക്കുന്നത്. മുംബൈയിലെ ഡോക്‌ടർമാരാണ് ഇത്തരം ഒരു പേര് നൽകിയത്. 2011ൽ ഇന്ത്യൻ മെഡിക്കൽ അസോസിയേഷന്‍റെ ജേണലിൽ ഇത് സംബന്ധിച്ച് രണ്ട് കേസുകൾ റിപ്പോർട്ട് ചെയ്‌തിട്ടുണ്ട്. 

ഇറുകിയ സാരി ധരിക്കുന്നത് അരക്കെട്ടിലെ ചർമത്തിൽ മുറിവുകൾ ഉണ്ടാക്കുമെന്നും ഇത് ഭാവിയിൽ ക്യാസറിലേക്ക് നയിക്കുമെന്നുമാണ് പഠനങ്ങൾ പറയുന്നത്.

Join Our Whats App group

https://chat.whatsapp.com/L2USinQQ81H1Nq4VBIiX94

സ്ത്രീകളിലെ സ്തനാർബുദ സാധ്യത അനുദിനം വർധിച്ചുകൊണ്ടിരിക്കുന്നതായി ലോകാരോഗ്യ സംഘടനയുടെ പുതിയ പഠനങ്ങൾ. 

ലോകമെമ്പാടുമുള്ള 20 സ്ത്രീകളിൽ ഒരാൾക്ക് അവരുടെ ജീവിതകാലത്ത് എപ്പോഴെങ്കിലും സ്തനാർബുദം കണ്ടെത്തുന്നുണ്ടെന്നാണ് പുതിയ പഠനങ്ങൾ സൂചിപ്പിക്കുന്നത്. ഇത് വരും വർഷങ്ങളിൽ വർധിക്കാനുള്ള സാധ്യതയുണ്ടെന്നും മുന്നറിയിപ്പ് നൽകുന്നു. 

നിലവിലെ സ്ഥിതി തുടർന്നാൽ 2050 ആകുമ്പോഴേക്കും പ്രതിവര്‍ഷം 3.2 ദശലക്ഷം പുതിയ സ്തനാര്‍ബുദ കേസുകളും 1.1 സ്തനാര്‍ബുദ സംബന്ധമായ മരണങ്ങളും ഉണ്ടാകും.

ഈ വളര്‍ച്ച താഴ്ന്ന മാനവ വികസന സൂചിക (HDI) ഉള്ള രാജ്യങ്ങളെ വളരെയധികം ബാധിക്കും. ഇന്‍റര്‍നാഷണല്‍ ഏജന്‍സി ഫോര്‍ റിസര്‍ച്ച് ഓണ്‍ കാന്‍സര്‍ (IARC) ഗ്ലോബല്‍ കാന്‍സര്‍ ഒബ്‌സര്‍വേറ്ററിയുടെ അടിസ്ഥാനത്തിലാണ് പുതിയ കണക്കുകള്‍. അഞ്ച് ഭൂഖണ്ഡങ്ങളിലെ കാന്‍സര്‍ സംഭവങ്ങളില്‍ നിന്നുള്ള ഡാറ്റയും WHO മരണനിരക്ക് ഡാറ്റാബേസും ഇതില്‍ ഉള്‍പ്പെടുന്നു.

ലോകമെമ്പാടും ഓരോ മിനിറ്റിലും നാല് സ്ത്രീകള്‍ക്ക് സ്തനാര്‍ബുദം കണ്ടെത്തുന്നുണ്ട്. ഒരു സ്ത്രീ ഈ രോഗം മൂലം മരിക്കുന്നു. ഈ സ്ഥിതിവിവരക്കണക്കുകള്‍ വഷളായിക്കൊണ്ടിരിക്കുകയാണെന്നും റിപ്പോര്‍ട്ടിന്‍റെ രചയിതാക്കളില്‍ ഒരാളായ ഐഎആര്‍സി ശാസ്ത്രജ്ഞ ഡോ. ജോവാന്‍ കിം പറഞ്ഞു.

ലോകമെമ്പാടുമുള്ള സ്ത്രീകള്‍ക്കിടയില്‍, ഇന്ത്യയില്‍ പോലും, ഏറ്റവും സാധാരണമായ തരം കാന്‍സറാണ് സ്തനാര്‍ബുദം. 2022 ല്‍ ലോകമെമ്പാടും ഏകദേശം 2.3 ദശലക്ഷം സ്തനാര്‍ബുദ കേസുകളും 6,70,000 സ്തനാര്‍ബുദ സംബന്ധമായ മരണങ്ങളും സംഭവിച്ചു. 

ഏറ്റവും കൂടുതല്‍ സ്തനാര്‍ബുദ നിരക്കുകള്‍ ഓസ്‌ട്രേലിയയിലും ന്യൂസിലന്‍ഡിലുമാണ് കാണിച്ചത്. തൊട്ടുപിന്നാലെ വടക്കേ അമേരിക്കയും വടക്കന്‍ യൂറോപ്പും, ഏറ്റവും കുറവ് തെക്കന്‍ മധ്യേഷ്യ, മധ്യ ആഫ്രിക്ക, കിഴക്കന്‍ ആഫ്രിക്ക എന്നിവിടങ്ങളിലുമാണ്.

അതേസമയം, സ്തനാര്‍ബുദ മരണങ്ങള്‍ ഏറ്റവും കൂടുതല്‍ മെലനേഷ്യ, പോളിനേഷ്യ, പശ്ചിമാഫ്രിക്ക എന്നിവിടങ്ങളിലും കിഴക്കന്‍ ആഫ്രിക്ക, മധ്യ അമേരിക്ക, വടക്കേ അമേരിക്ക എന്നിവിടങ്ങളിലുമാണ് ഏറ്റവും കുറവ്.

എന്തൊക്കെയാണ് സ്തനാർബുദ ലക്ഷണങ്ങൾ

സ്തനാര്‍ബുദത്തിന്‍റെ ഏറ്റവും സാധാരണമായ ലക്ഷണങ്ങളില്‍ സ്തനത്തിലെ മുഴ, സ്തനത്തിന്‍റെ വലുപ്പത്തിലോ ആകൃതിയിലോ ഉള്ള മാറ്റം, ചര്‍മ്മത്തിലെ മങ്ങല്‍, സ്‌കെയിലിങ്, ചുവപ്പ്, മുലക്കണ്ണിലെ മാറ്റങ്ങള്‍, കക്ഷത്തിലെ വീക്കം അല്ലെങ്കില്‍ മുഴ എന്നിവ ഉള്‍പ്പെടുന്നു.

Join Our Whats App group

https://chat.whatsapp.com/LI5CtDALiuGFq6TUngq6K5

മോസ്കോ: ക്യാൻസർ രോഗത്തെ ചെറുക്കാൻ വാക്‌സിൻ വികസിപ്പിച്ചെന്ന പ്രഖ്യാപനവുമായി റഷ്യ. റഷ്യൻ ആരോഗ്യ മന്ത്രാലയത്തിനു കീഴിലുള്ള റേഡിയോളജി മെഡിക്കൽ റിസർച്ച് സെന്‍ററിന്‍റെ ജനറൽ ഡയറക്‌ടർ ആൻഡ്രേ കാപ്രിൻ ആണ് വിവരം പുറത്തു വിട്ടത്. 2015 ആദ്യം പുറത്തിറക്കുന്ന വാക്‌സിൻ രോഗികൾക്ക് സൗജന്യമായി വിതരണം ചെയ്യുമെന്നും പ്രഖ്യാപിച്ചിട്ടുണ്ട്. 

ക്യാന്‍സര്‍ ട്യൂമറുകള്‍ ഉണ്ടാവുന്നത് തടയാനും കോശങ്ങളുടെ ക്യാന്‍സറിലേക്കുള്ള മാറ്റം ഫലപ്രദമായി തടയാനും ഈ വാക്‌സിന് സാധിക്കുമെന്ന് പ്രീ-ക്ലിനിക്കല്‍ പരീക്ഷണങ്ങളില്‍ തെളിഞ്ഞതായി ഗമലെയ നാഷണല്‍ റിസര്‍ച്ച് സെന്‍റര്‍ ഫോര്‍ എപ്പിഡെമിയോളജി ആന്‍റ് മൈക്രോ ബയോളജി ഡയറക്ടര്‍ അലക്‌സാണ്ടര്‍ ഗിന്റ്റ്‌സ്‌ബെര്‍ഗ് വാര്‍ത്താ ഏജന്‍സിയോട് പറഞ്ഞു.

ക്യാന്‍സര്‍ പ്രതിരോധ വാക്‌സിനുകള്‍ വികസിപ്പിച്ചെടുക്കുകയെന്ന ലക്ഷ്യത്തിന്‍റെ തൊട്ടടുത്ത് വരെ തങ്ങളുടെ ഗവേഷണങ്ങള്‍ എത്തിയതായി മാസങ്ങള്‍ക്ക് മുമ്പ് റഷ്യന്‍ പ്രസിഡന്‍റ് വ്ലാഡിമർ പുട്ടിൻ ടെലിവിഷനിലൂടെ അറിയിച്ചിരുന്നു. 

ശരീരത്തിന്‍റെ പ്രതിരോധ ശേഷിയെ ഉദ്ദീപിപ്പിച്ച് ക്യാന്‍സര്‍ കോശങ്ങളെ നശിപ്പിക്കുകയാണ് ഈ വാക്‌സിനുകളുടെ രീതി. ട്യൂമര്‍ കോശങ്ങള്‍ ഉൽപാദിപ്പിക്കുന്ന ആന്‍റിജനുകളെയോ അല്ലെങ്കില്‍ പ്രത്യേക പ്രോട്ടീനുകളെയോ ആയിരിക്കും വാക്‌സിനുകള്‍ ലക്ഷ്യമിടുക. ശരീരത്തിലെ പ്രതിരോധ സംവിധാനത്തെ ക്യാന്‍സര്‍ കോശങ്ങള്‍ക്കെതിരായി പ്രവര്‍ത്തിക്കാന്‍ സജ്ജമാക്കുകയാണ് ചെയ്യുന്നത്. 

Join Our Whats App group

https://chat.whatsapp.com/L2USinQQ81H1Nq4VBIiX94