ശ്രീഹരിക്കോട്ട: വിക്ഷേപണത്തിന് 56 മിനിറ്റ് മാത്രം ബാക്കി നിൽക്കെ രാജ്യം ആവേശത്തോടെ നോക്കിക്കണ്ട ചന്ദ്രയാൻ 2 വിക്ഷേപണം മാറ്റി വച്ചു. സാങ്കേതിക തകരാറിനെ തുടർന്നാണ് വിക്ഷേപണം മാറ്റിയതെന്നാണ് ഐഎസ്ആർഒ നൽകിയ വിശദീകരണം. വിക്ഷേപണത്തിനുള്ള പുതിയ തിയതി പിന്നീട് അറിയിക്കും.
ക്രയോജനിക് ഘട്ടത്തിൽ ഇന്ധനം നിറയ്ക്കുന്നതുൾപ്പെടെയുള്ള പ്രക്രിയകൾ പൂർത്തിയായതായിരുന്നു. പുലര്ച്ചെ 2.51ന് ആയിരുന്നു വിക്ഷേപണം നടത്താന് തീരുമാനിച്ചിരുന്നത്. 978 കോടി രൂപയാണ് ദൗത്യത്തിന്റെ ആകെ ചിലവ്. ഇതിൽ 603 കോടി രൂപ ചന്ദ്രയാൻ രണ്ടിന്റെയും 375 കോടി രൂപ ജിഎസ്എൽവി വിക്ഷേപണവാഹനത്തിന്റെയും ചിലവാണ്.
ചന്ദ്രനെ വലം വയ്ക്കാനുള്ള ഓർബിറ്റർ, ചന്ദ്രനിൽ ഇറങ്ങാൻ പോകുന്ന വിക്രം ലാൻഡർ, ചന്ദ്ര പര്യവേഷണത്തിനായി തയ്യാറാക്കിയിട്ടുള്ള പ്രഗ്യാൻ റോവർ എന്നിങ്ങനെ മൂന്ന് ഘടകങ്ങൾ അടങ്ങിയതാണ് ചന്ദ്രയാൻ രണ്ട്. ഇന്ന് വരെ ഒരു പര്യവേഷണ വാഹനവും കടന്ന് ചെല്ലാത്ത ചന്ദ്രന്റെ ദക്ഷിണധ്രുവത്തിലാണ് ചന്ദ്രയാൻ രണ്ടിന്റെ വിക്രം ലാൻഡർ ലക്ഷ്യം വച്ചിരുന്നത്.
ഞങ്ങളുടെ വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
യു ടൂബ് ചാനലിനായുള്ള ലിങ്ക് ചുവടെ
Post A Comment: