ഇടുക്കി: പോക്സോ കേസിൽ പീരുമേട് കരടിക്കുഴി സ്വദേശിക്ക് 13 വർഷം കഠിന തടവിന് ശിക്ഷ വിധിച്ച് കോടതി. പ്രതി 55,000 രൂപ പിഴയും ഒടുക്കണം. കരടിക്കുഴി കരുവാടുംമുഴി ആനന്ദി (26)നെയാണ് കട്ടപ്പന പോക്സോ കോടതി ജഡ്ജി ശിക്ഷിച്ചത്.
2020ല് പീരുമേട് പൊലീസ് സ്റ്റേഷനില് രജിസ്റ്റര് ചെയ്ത കേസിലാണ് ശിക്ഷ. പ്രോസിക്യൂഷന് വേണ്ടി അഡ്വ. സുസ്മിത ജോണ് ഹാജരായി. പോക്സോയുടെ വിവിധ വകുപ്പ് പ്രകാരം 10 വര്ഷത്തെ കഠിനതടവിനും 50000 രൂപ പിഴയും ഐ.പി.സിയുടെ വിവിധ വകുപ്പ് പ്രകാരം മൂന്ന് വര്ഷത്തെ കഠിന തടവിനു5000 രൂപ പിഴയുമാണ് ശിക്ഷിച്ചത്.
പിഴ അടച്ചില്ലെങ്കില് ഒരു വര്ഷം മൂന്നു മാസവും കൂടി കഠിന തടവ് അനുഭവിക്കണം. പീരുമേട് മുന് എസ്.എച്ച്.ഒ ഡി. രജീഷ് കുമാറാണ് കേസില് അന്വേഷണം നടത്തി കുറ്റപത്രം സമര്പ്പിച്ചത്.
Join Our Whats App group
Post A Comment: