ഇടുക്കി: കുമളിയിൽ സർക്കാർ ആശുപത്രിയിൽ അക്രമികളുടെ അഴിഞ്ഞാട്ടം. വൈകിട്ട് അഞ്ചോടെയാണ് ആശുപത്രി ജീവനക്കാരെയും രോഗികളെയും അടക്കം ഒരു സംഘം ആക്രമിച്ചത്.
ആശുപത്രിയിലെ അറ്റൻഡർ സന്തോഷിന് സംഭവത്തിൽ പരുക്കേറ്റിട്ടുണ്ട്. ആശുപത്രിയില്‍ ചികിത്സ തേടിയവര്‍ക്കും പരുക്കുണ്ട്. കുമളി ഒന്നാം മൈലില്‍ ഓട്ടോ തൊഴിലാളികള്‍ തമ്മില്‍ സംഘർഷമുണ്ടായിരുന്നു. ഇതിൽ പരുക്കേറ്റ മൂന്ന് പേരെ ആശുപത്രിയിൽ എത്തിച്ചതിനു പിന്നാലെയാണ് അക്രമണങ്ങളുടെ തുടക്കം.
പരുക്കേറ്റവർക്ക് സന്തോഷ് അടക്കമുള്ളവർ ചികിത്സ നടത്തുന്നതിനിടെ ആശുപത്രിയിലേക്ക് ഇരച്ചെത്തിയ ആറംഗ സംഘം എല്ലാവരെയും ആക്രമിക്കുകയായിരുന്നു. ആശുപത്രിയുടെ ഉപകരണങ്ങളും നശിപ്പിച്ചു. ആക്രമണം നടത്തിയ ആറ് പേരെ കുമളി പൊലീസ് കസ്റ്റഡിയിലെടുത്തിട്ടുണ്ട്.
Join Our Whats App group
https://chat.whatsapp.com/L2USinQQ81H1Nq4VBIiX94
Post A Comment: