ന്യൂഡൽഹി: ഭാര്യക്കൊപ്പം വീട്ടിൽ കണ്ട 21 കാരനെ ഭർത്താവ് മർദിച്ചു കൊന്നു. റിത്വിക് വര്‍മ എന്ന യുവാവാണ് കൊല്ലപ്പെട്ടത്. ഡല്‍ഹിയിലെ ശാസ്ത്രി പാര്‍ക്കിലാണ് സംഭവം.
രാവിലെ 11 ഓടെ വീട്ടിലെത്തിയ ഗൃഹനാഥന്‍ അവിടെ ഭാര്യയ്‌ക്കൊപ്പം ഒരു യുവാവിനെ കൂടി കണ്ടതോടെ കുപിതനാവുകയായിരുന്നു. തുടര്‍ന്ന് ഇരുവരെയും മര്‍ദിച്ചുവെന്ന് ഡല്‍ഹി നോര്‍ത്ത് ഈസ്റ്റ് പൊലീസ് ഡെപ്യൂട്ടി കമ്മീഷ്ണര്‍ രാകേഷ് പവേറിയ പറഞ്ഞു. പ്രദേശത്തെ ടെമ്പോ ഡ്രൈവറായ റിത്വികിന് ക്രൂര മര്‍ദനമേറ്റെന്ന് അദ്ദേഹത്തിന്‍റെ ബന്ധു പറഞ്ഞു.
റിത്വികിന്‍റെ നഖം പിഴുതെടുക്കുകയും ചെയ്തു. ശരീരത്തിന്‍റെ എല്ലാ ഭാഗത്തും പരിക്കുകളുണ്ടെന്നും ബന്ധുക്കള്‍ പറഞ്ഞു. റിത്വികിന് പുറമെ ഭാര്യയ്ക്കും മര്‍ദനമേറ്റതായി അയല്‍വാസികള്‍ പൊലീസിനോട് പറഞ്ഞിട്ടുണ്ട്.
റിത്വികിനെ മര്‍ദിക്കാന്‍ ഒരാള്‍ കൂടിയുണ്ടായിരുന്നെന്നും ഇവരുടെ മൊഴിയിലുണ്ട്. പൊലീസ് സ്ഥലത്തെത്തി യുവാവിനെ ആശുപത്രിയിലേക്ക് മാറ്റിയെങ്കിലും രാത്രിയോടെ മരണപ്പെടുകയായിരുന്നു. സംഭവത്തില്‍ വിശദമായ അന്വേഷണം നടക്കുകയാണ്.
Join Our Whats App group
https://chat.whatsapp.com/L2USinQQ81H1Nq4VBIiX94
Post A Comment: