കറുകുറ്റി: പൊതുവിദ്യാഭ്യാവകുപ്പും കുടുംബശ്രീയും സംയുക്തമായി നടപ്പാക്കിയ അയല്‍കൂട്ട ശാക്തീകരണ കാമ്പെയിന്‍ തിരികെ സ്‌കൂള്‍ ശ്രദ്ധേയമായി. കറുകുറ്റി ഗ്രാമ പഞ്ചായത്തിന്‍റെ നേതൃത്വത്തില്‍ സെന്‍റ് ജോസഫ്‌സ് ഗേള്‍സ് ഹൈസ്‌കൂളില്‍ നടന്ന പരിപാടിയില്‍ ആയിരങ്ങളാണ് സ്‌കൂളിലെത്തിയത്.
സെന്‍റ് ജോസഫ്‌സ് വിദ്യാലയത്തിലെ ലിറ്റില്‍ കൈറ്റ്‌സ് അംഗങ്ങളും പരിപാടിയുടെ ഭാഗമായി. ഡിജിറ്റല്‍ കാലം എന്ന ക്ലാസില്‍ റേഡിയോ ശ്രീ മൊബൈല്‍ ആപ്പ് ലിറ്റില്‍ കൈറ്റ്‌സ് അംഗങ്ങള്‍ പരിചയപ്പെടുത്തുകയും അത് അമ്മമാരുടെ മൊബൈലുകളില്‍ ഇന്‍സ്റ്റാള്‍ ചെയ്യാന്‍ സഹായിക്കുകയും ചെയ്തു. പ്രായഭേദമെന്യേ അമ്മമാരും ലിറ്റില്‍ കൈറ്റ്‌സ് അംഗങ്ങളും ഏറെ താൽപര്യത്തോടെയാണ് ഈ ക്ലാസുകളില്‍ പങ്കെടുത്തത്.
സംസ്ഥാന സര്‍ക്കാരിന്‍റെ തിരികെ സ്‌കൂള്‍ ക്യാമ്പയ്‌നില്‍ എന്ന പദ്ധതിയില്‍ സഹകരിക്കാനായത് സെന്‍റ് ജോസഫ്‌സ് വിദ്യാലയത്തിലെ ലിറ്റില്‍ കൈറ്റ്‌സ് അംഗങ്ങള്‍ക്ക് അഭിമാന നിമിഷങ്ങളായിരുന്നു. കറുകുറ്റി പഞ്ചായത്ത് പ്രസിഡന്‍റ് ലതിക ശ്രീകുമാര്‍ തിരികെ സ്‌കൂള്‍ കാമ്പെയിന്‍ ഉദ്ഘാടനം ചെയ്തു. കുടുംബശ്രീ കൗണ്‍സിലര്‍മാരായ ലിന്‍സി ആന്‍ലി, ജെന്‍സി സേവ്യര്‍, സുമ തങ്കപ്പന്‍ എന്നിവര്‍ ക്ലാസുകള്‍ കൈകാര്യം ചെയ്തു.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/LI5CtDALiuGFq6TUngq6K5
Post A Comment: