പെൺകുട്ടിയെ മദ്യം നൽകി മയക്കിയ ശേഷം പീഡിപ്പിച്ചു; ആൺ സുഹൃത്ത് അടക്കം മൂന്ന് പേർ അറസ്റ്റിൽ

ഇടുക്കി: പ്രായപൂർത്തിയാകാത്ത പെൺകുട്ടിയെ ആളില്ലാത്ത സ്ഥലത്തെത്തിച്ച് മദ്യം നൽകി മയക്കിയ ശേഷം പീഡിപ്പിച്ച സംഭവത്തിൽ ആൺ സുഹൃത്തും കൂട്ടുകാരും അടക്കം മൂന്ന് പേർ അറസ്റ്റിൽ. ഇടുക്കി നെടുങ്കണ്ടം പൊലീസ് സ്റ്റേഷൻ പരിധിയിലാണ് സംഭവം നടന്നത്.

പെൺകുട്ടിയുടെ ആൺ സുഹൃത്ത് കോമ്പയാര്‍ മുരുകന്‍പാറ ഈട്ടിക്കാലായില്‍ ആഷിഖ് (23), സഹായിച്ച സുഹൃത്ത് മുരുകന്‍പാറ കുഴിവേലില്‍ അനേഷ് (21) പ്രായപൂര്‍ത്തിയാകാത്ത മറ്റൊരു സുഹൃത്ത് എന്നിവരാണ് അറസ്റ്റിലായത്.  

പിന്നോക്ക വിഭാഗത്തില്‍പെട്ട പെണ്‍കുട്ടിയാണ് പീഡിപ്പിക്കപ്പെട്ടത്. വ്യാഴാഴ്ച ഉച്ചയ്ക്ക് ശേഷമാണ് സംഭവം. പെണ്‍കുട്ടിയുടെ ആണ്‍സുഹൃത്ത് ആഷിക്കും ഇയാളുടെ സുഹൃത്ത് അനേഷും പ്രായപൂര്‍ത്തിയാകാത്ത ആളും ചേര്‍ന്ന് മദ്യപിച്ചു. തുടര്‍ന്ന് പെണ്‍കുട്ടിയെ ഇവിടേക്ക് വിളിച്ചുവരുത്തുകയായിരുന്നു.

തുടർന്ന് പെണ്‍കുട്ടിക്കും ഇവര്‍ കൂടിയ അളവില്‍ മദ്യം നല്‍കി. ഇതിനുശേഷം പ്രായപൂര്‍ത്തിയാകാത്ത ആളും അനേഷും വീട്ടിലേക്ക് മടങ്ങി. സുഹൃത്തുക്കള്‍ പോയതിനുശേഷം ആഷിഖ് ബോധരഹിതയായി കിടന്ന പെണ്‍കുട്ടിയെ ലൈംഗികമായി പീഡിപ്പിക്കുകയായിരുന്നു. പീഡിപ്പിക്കുന്ന ദൃശ്യങ്ങള്‍ സ്വന്തം മൊബൈലില്‍ പകര്‍ത്തുകയും ചെയ്തു. 

ഏറെ വൈകിയിട്ടും പെണ്‍കുട്ടിയെ കാണാത്തതിനെ തുടര്‍ന്ന് വീട്ടുകാര്‍ അന്വേഷണം നടത്തി. വീട്ടിലുണ്ടായിരുന്ന പെണ്‍കുട്ടിയുടെ മൊബൈലിലേക്ക് വന്ന കോളില്‍ സഹോദരി തിരിച്ചു വിളിച്ചു. ഫോണ്‍ എടുത്ത ആഷിക്കിന്‍റെ മറ്റൊരു സുഹൃത്ത് പെണ്‍കുട്ടി ആഷിഖിനൊപ്പം ഉണ്ടാകുമെന്ന് പറഞ്ഞു. ഇതിനുശേഷം ഫോണ്‍ കട്ട് ചെയ്ത് സുഹൃത്ത് ആഷിഖിനെ ഫോണില്‍ ബന്ധപ്പെട്ടു. 

അപ്പോഴാണ് പെണ്‍കുട്ടി അമിതമായി മദ്യം കഴിച്ചെന്നും ബോധരഹിതയായി കിടക്കുകയാണന്നും വെളിപ്പെടുത്തിയത്. സഹായത്തിന് എത്തണമെന്ന് ആവശ്യപ്പെടുകയും ചെയ്തു. ഇയാള്‍ മറ്റൊരു സുഹൃത്തിനെയും കൂട്ടി  പെണ്‍കുട്ടിയെ ബൈക്കില്‍ കയറ്റി ഇരുത്തി വീടിനു മുന്നിലെത്തിച്ച് വീട്ടുകാരെ വിവരമറിയിച്ചു മടങ്ങിപ്പോയി. തുടര്‍ന്ന് വീട്ടുകാരാണ് പെണ്‍കുട്ടിയെ ആശുപത്രിയില്‍ എത്തിച്ചത്. 

പിന്നീട് നെടുങ്കണ്ടം പൊലീസില്‍ പരാതിപ്പെടുകയായിരുന്നു. ആശുപത്രിയില്‍ നടത്തിയ വിശദമായ പരിശോധനയിലാണ് പെണ്‍കുട്ടി പീഡിപ്പിക്കപ്പെട്ടതായി കണ്ടെത്തിയത്. തുടര്‍ന്ന് നെടുങ്കണ്ടം പോലീസ് പ്രതികളെ പിടികൂടിയായിരുന്നു. 

ബലാല്‍സംഗം, പോക്‌സോ നിയമത്തിലെ വിവിധ വകുപ്പുകള്‍, പട്ടികജാതി പട്ടികവര്‍ക്ക പീഡന നിരോധന നിയമം, ഐ.ടി ആക്ട് തുടങ്ങിയ വകുപ്പുകളാണ് പെണ്‍കുട്ടിയെ പീഡിപ്പിച്ച ആഷിഖിനെതിരെ ചുമത്തിയിരിക്കുന്നത്. പ്രായപൂര്‍ത്തിയാകാത്ത പെണ്‍കുട്ടിക്ക് മദ്യം നല്‍കിയത് അടക്കമുള്ള വകുപ്പുകള്‍ മറ്റു രണ്ടു സുഹൃത്തുക്കള്‍ക്കെതിരെയും ചുമത്തിയിട്ടുണ്ട്. പ്രതികളെ കോടതിയില്‍ ഹാജരാക്കി. 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/KG4A6xRjt7RDaMQ8SOxVUJ