ഇടുക്കി: പെരുമഴയത്ത് ജോലി ചെയ്യുന്നതിനിടെ ഏലത്തോട്ടത്തിൽ മരം ഒടിഞ്ഞു വീണ് തൊഴിലാളി മരിച്ച സംഭവത്തിൽ പ്രതിഷേധം വ്യാപകം. ബുധൻ രാവിലെ ഇടുക്കി ചക്കുപള്ളം മാങ്കവലയിലാണ് ഏലത്തോട്ടത്തിലെ ജോലിക്കിടെ തമിഴ്നാട് ഗൂഡല്ലൂർ സ്വദേശിനിയായ പെരുമായി (61) മരിച്ചത്.
പെരുമായി ഉൾപ്പെടെ നിരവധി പേർ ജോലി ചെയ്തുകൊണ്ടിരിക്കെ മരശിഖിരം ഒടിഞ്ഞു വീഴുകയായിരുന്നു. തൊഴിലാളികൾ ഓടിയെത്തി ഇവരെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ആശുപത്രിയിലേക്ക് തോട്ടം ഉടമ എത്താതിരുന്നതും പ്രതിഷേധത്തിനു കാരണമായിട്ടുണ്ട്.
ഹൈറേഞ്ച് മേഖലയിൽ ശക്തമായ മഴയും കാറ്റുമാണ് അനുഭവപ്പെടുന്നത്. ഏലത്തോട്ടങ്ങളിൽ സമാനമായ അപകടങ്ങൾ ഉണ്ടാകുന്നത് പതിവ് സംഭവമാണ്. മുമ്പും ഏലത്തോട്ടത്തിൽ മരം ഒടിഞ്ഞു വീണ് തൊഴിലാളികൾ മരിക്കുന്ന സാഹചര്യം ഉണ്ടായിട്ടുണ്ട്. പെരുമായിയുടെ മൃതദേഹം നടപടികൾക്ക് ശേഷം ബന്ധുക്കൾക്ക് വിട്ടുകൊടുത്തു. സംസ്കാരം ഗൂഡല്ലൂരിൽ.
Join Our Whats App group
Post A Comment: