ബർമിങ്ഹാം: കൊടുങ്കാറ്റിൽ റൺവേയിൽ നിന്നും തെന്നിമാറി വിമാനം. ബർമിങ്ഹാം വിമാനത്താവളത്തിലാണ് സംഭവം. വെനീസിൽ നിന്നും ബെർമിങ്ഹാമിലേക്ക് വന്ന ജെറ്റ് ടു വിമാനമായ LS1310 വിമാനമാണ് വൻ അപകടത്തിൽ നിന്നും രക്ഷപെട്ടത്.
ശക്തമായ കാറ്റിനെ തുടർന്ന് വിമാനം നിമിഷനേരത്തേക്ക് റൺവേയിൽ നിന്ന് പുറത്തേക്ക് നീങ്ങിയതായി ജെറ്റ്ടു അറിയിച്ചു.എന്നാൽ വിമാനം ഉടൻ തന്നെ റൺവേയിലേക്ക് തിരിച്ചെത്തുകയും നിയന്ത്രണം വീണ്ടെടുക്കുകയും ചെയ്തു. എല്ലാ യാത്രക്കാരും സുരക്ഷിതമായി ഇറങ്ങിയതായും എയർലൈൻ സ്ഥിരീകരിച്ചു.
കഴിഞ്ഞ ദിവസത്തെ ശക്തമായ മഴയിലും കാറ്റിലും വെസ്റ്റ് മിഡ്‌ലാൻഡ്‌സിൽ വ്യാപക നാശമാണ് ഉണ്ടാകുന്നത്. മരങ്ങൾ ട്രാക്കിലേക്ക് വീണതിനെ തുടർന്ന് നിരവധി ട്രെയിൻ സർവീസുകൾ റദ്ദാക്കി. നൂറുകണക്കിന് വീടുകളിൽ വൈദ്യുതി നിലച്ചു.
Join Our Whats App group
Post A Comment: