കൊച്ചി: ഷോർട്ട് ഫിലിമിലെ കിടപ്പറ രംഗം ചിത്രീകരിച്ചതിനെ കുറിച്ച് തുറന്ന് പറഞ്ഞ് സിനിമാ- സീരിയൽ നടിയും മോഡലുമായ സാധിക വേണുഗോപാൽ. ഒരു യുടൂബ് ചാനലിനു നൽകിയ അഭിമുഖത്തിലായിരുന്നു നടിയുടെ വെളിപ്പെടുത്തൽ.
അനുഭവങ്ങളിലൂടെയാണ് താൻ ബോൾഡായതെന്ന് നടി പറയുന്നു. സീരിയലില്‍ ഓവര്‍ ആക്ടിംഗാണ് ആവശ്യം. മേക്കപ്പിന്‍റെ കാര്യമായാലും അങ്ങനെ തന്നെയാണ്. കാരണം പ്രേക്ഷകരെ പിടിച്ചിരുത്തണം. പക്ഷെ മറ്റുളള അഭിനേതാക്കളുമായി താരതമ്യം ചെയ്യുമ്പോള്‍ ഞാന്‍ അഭിനയത്തില്‍ പിറകോട്ടാണെന്ന് തോന്നിയിട്ടുണ്ട്.
മുന്‍പ് അഭിനയിച്ച ഒരു ഷോര്‍ട്ട് ഫിലിമിലെ കിടപ്പറ സീനിനെക്കുറിച്ചും സാധിക പറഞ്ഞു. അത്തരത്തില്‍ ഒരു സീന്‍ സിനിമയില്‍ വരുമ്പോള്‍ അത് എത്രത്തോളം യാഥാർഥ്യമാക്കാമെന്നാണ് സംവിധായകനുള്‍പ്പടെയുളളവര്‍ ചിന്തിക്കുന്നത്. അതിനാല്‍ത്തന്നെ പലയാളുകളും അഭിനേതാക്കളുടെ കംഫര്‍ട്ട് നോക്കണമെന്നില്ല.
ആ ഷോര്‍ട്ട് ഫിലിമിലെ ചില സീനുകള്‍ അഭിനയിക്കാന്‍ എനിക്ക് ചില പ്രശ്‌നങ്ങളുണ്ടായിരുന്നു. കാരണം എന്‍റെ വിവാഹം ഉറപ്പിച്ച സമയമായിരുന്നു. അപ്പോള്‍ വീട്ടുകാരുടെ ഭാഗത്ത് നിന്നും ചിന്തിക്കണമല്ലോ?
എന്നെ കംഫര്‍ട്ട് ആക്കാന്‍ സംവിധായകന്‍ ഒരുപാട് ശ്രമിച്ചു. ആ സമയത്ത് മുറിയില്‍ ക്യാമറാമാനും ഞാനും മറ്റൊരു നടനും മേക്കപ്പ് ആര്‍ടിസ്റ്റും മാത്രമേ ഉണ്ടായിരുന്നുളളൂ. സംവിധായകന്‍റെ ആ സ്വഭാവം എനിക്ക് ഇഷ്ടപ്പെട്ടു. മലയാള സിനിമയിലും താരങ്ങളെ കംഫര്‍ട്ട് ആക്കിയതിനുശേഷം അഭിനയിപ്പിക്കുന്ന ഒരുപാട് സംവിധായകന്‍മാരുണ്ടെന്നും നടി പറഞ്ഞു.
Join Our Whats App group
https://chat.whatsapp.com/L2USinQQ81H1Nq4VBIiX94
Post A Comment: