ഇടുക്കി: പ്രചരണത്തിലെ വനിതാ പങ്കാളിത്തം കൊണ്ട് ജില്ലയിലെ തന്നെ ശ്രദ്ധാ കേന്ദ്രമായി മാറിയ അയ്യപ്പൻകോവിൽ പഞ്ചായത്തിലെ ഹെവൻവാലി വാർഡിൽ അവസാന മണിക്കൂറുകളിലും പുതുമ. പ്രദേശത്തെ വോട്ടർമാരുടെ സോഷ്യൽ മീഡിയ അക്കൗണ്ടുകളിലെ സ്റ്റാറ്റസ്, പ്രൊഫൈൽ ചിത്രങ്ങൾ സ്ഥാനാർഥിയുടെ ചിത്രമായി മാറുന്നതായിരുന്നു കാഴ്ച്ച.
ആദ്യമായി തെരഞ്ഞെടുപ്പ് രാഷ്ട്രീയത്തിലേക്കിറങ്ങുന്ന യുഡിഎഫ് സ്ഥാനാർഥി വിദ്യാമോൾക്ക് വേണ്ടിയാണ് ഹെവൻവാലി വാർഡിൽ ഒരു നാട് ഒന്നാകെ രംഗത്തെത്തിയത്. രാഷ്ട്രീയ വ്യത്യാസം മറന്ന് വനിതകൾ കൂട്ടത്തോടെ തെരഞ്ഞെടുപ്പ് പ്രചരണത്തിനിറങ്ങിയതോടെ സോഷ്യൽ മീഡിയയിലും വിദ്യ താരമായി.
നൂറുകണക്കിനു പേരാണ് വിദ്യയോടൊപ്പം തെരഞ്ഞെടുപ്പ് പ്രചരണത്തിനായി ദിവസങ്ങളോളം വാർഡിൽ വീടുകൾ കയറിയിറങ്ങിയത്. എതിർ കക്ഷിയിലെ വോട്ടർമാർ അടക്കം ഒപ്പം ചേർന്നതും വേറിട്ട കാഴ്ച്ചയായി.
വോട്ടെടുപ്പിന് മണിക്കൂറുകൾ മാത്രം ശേഷിക്കെ വാർഡിലെ വോട്ടർമാരുടെ സോഷ്യൽ മീഡിയ അക്കൗണ്ടുകളിൽ സ്ഥാനാർഥിയുടെ ചിത്രം നിറഞ്ഞത് കൗതുക കാഴ്ച്ചയാകുകയായിരുന്നു. ഇതിന്റെ സ്ക്രീൻഷോട്ടുകൾ സോഷ്യൽ മീഡിയയിൽ പ്രചരിക്കുകയും ചെയ്തു.
Join Our Whats App group
https://chat.whatsapp.com/EHHrJBoyVtLCzZWup9UaY6
Post A Comment: