വൈറലാകാൻ സോഷ്യൽ മീഡിയയിൽ പല വിദ്യകളും പയറ്റുന്നവരുണ്ട്. ചിലർ സാഹസിക വീഡിയോകൾ ചിത്രീകരിച്ച് വൈറലാകാൻ ശ്രമിക്കുമ്പോൾ മറ്റു ചിലരാകട്ടെ അൽപം നഗ്നതാ പ്രദർശനമോ ഇക്കിളി വർത്തമാനമോ പറഞ്ഞാണ് ശ്രദ്ധ നേടുന്നത്.
എന്നാൽ ഇൻസ്റ്റഗ്രാം താരമായ ജൂലിയറ്റ് എന്ന യുവതിയുടെ ഐഡി അൽപം വേറിട്ടതായി. കാലിലിടുന്ന ഷൂസിനെ ഫുഡ് സ്റ്റോറേജാക്കിയാണ് ജൂലിയറ്റ് ശ്രദ്ധ നേടിയത്. സംഭവം കേട്ടുകേൾവി ഇല്ലാത്ത സംഭവമായതിനു പിന്നാലെ ജൂലിയറ്റ് സോഷ്യൽ മീഡിയയിൽ വൈറലായി മാറുകയും ചെയ്തു.
ഹീലുള്ള ഒരു ഷൂസ് ആണെന്നേ ആദ്യം തോന്നു. എന്നാൽ വെള്ള നിറത്തിലുള്ള ഷൂസിനടിയിൽ ഫുഡ് സ്റ്റോറേജ് ബോക്സാണെന്നതാണ് യാഥാർഥ്യം. ഷൂസിന്റെ മുകൾ ഭാഗവും ബേസും വേർതിരിച്ചെടുക്കാൻ സാധിക്കും വിധത്തിലാണ് ഡിസൈൻ.
ബേസ് വേർതിരിച്ചെടുത്താൽ ഇതിനുള്ളിൽ എന്തും നിറയ്ക്കാം. ജൂലിയറ്റ് ഇത് ഭക്ഷണ സാധനങ്ങൾ നിറക്കാനാണ് ഉപയോഗിക്കുന്നത്. വീഡിയോയിൽ ജൂലിയറ്റ് ഷൂസിന്റെ ബേസിനുള്ളിൽ ബട്ടർ ചിക്കൻ നിറച്ച് കാണിക്കുന്നുമുണ്ട്. ബട്ടർ ചിക്കൻ നിറച്ച ഷൂസുമിട്ട് അവർ നടന്നും കാണിക്കുന്നു. ഇടക്ക് ചിക്കൻ കഴിക്കണമെന്ന് തോന്നിയാൽ ഷൂസ് അഴിച്ച് ചിക്കൻ കഴിക്കാം. ഇതും ജൂലിയറ്റ് കാണിച്ചുകൊടുക്കുന്നുണ്ട്.
സംഭവം സോഷ്യൽ മീഡിയയിൽ വൈറലായതോടെ നിരവധി പേർ കമന്റുകളും നൽകുന്നുണ്ട്. ലഞ്ച് ബോക്സ് വേണ്ടെന്ന് പറയുന്നവരും ഇതൊക്കെ കുറച്ച് ഓവറല്ലേ എന്ന് പറയുന്നവരും കുറവല്ല.
Join Our Whats App group
Post A Comment: