തുണി അലക്കുന്നതിനിടെ ചക്ക തലയിൽ വീണു; വീട്ടമ്മ മരിച്ചു

കോഴിക്കോട്: തുണി അലക്കുന്നതിനിടെ ചക്ക തലയിൽ വീണ് ഗുരുതരമായി പരുക്കേറ്റ് ചികിത്സയിലായിരുന്ന വീട്ടമ്മ മരിച്ചു. തിരിച്ചിലങ്ങാടി ഉണ്ണിലായാലിങ്ങൾ കോലഞ്ചേരി മിനി (53) ആണ് മരിച്ചത്. 

കഴിഞ്ഞ വ്യാഴാഴ്ച്ച വീട്ടിൽ വസ്ത്രങ്ങൾ അലക്കുമ്പോഴാണ് അപകടം സംഭവിച്ചത്. അലക്കുകല്ലിന് സമീപത്തു നിന്ന പ്ലാവിൽ നിന്നും ചക്ക തലയിലേക്ക് പതിക്കുകയായിരുന്നു. 

ഉടൻ തന്നെ കോഴിക്കോട് മെഡിക്കൽ കോളജിൽ പ്രവേശിപ്പിച്ചിരുന്നു. നട്ടെല്ലിന് ഗുരുതരമായി പരുക്കേറ്റതിനാൽ തീവ്ര പരിചരണ വിഭാഗത്തിൽ ചികിത്സയിലായിരുന്നു. പാലക്കോട്ട് ഉണ്ണികൃഷ്ണനാണ് ഭർത്താവ്. നികേഷ്, നിഷാന്ത് എന്നിവരാണ് മക്കൾ. 

Join Our Whats App group

https://chat.whatsapp.com/DnZkuEEgZHP5lo60i9Xm4L