കൊച്ചി: എറണാകുളം നേര്യമംഗലത്ത് നിയന്ത്രണം വിട്ട കെഎസ്ആർടിസി ബസ് താഴ്ച്ചയിലേക്ക് മറിഞ്ഞുണ്ടായ അപകടത്തിൽ ഒരാൾ മരിച്ചു. ഇടുക്കി കീരിത്തോട് സ്വദേശിനി അനീറ്റ ബെന്നി (14) ആണ് മരിച്ചത്. 15 ഓളം യാത്രികർക്ക് അപകടത്തിൽ പരുക്കേറ്റു.
ഇവരില് രണ്ടു പേരുടെ പരുക്ക് ഗുരുതരമാണെന്നാണ് വിവരം. കെഎസ്ആര്ടിസി ബസിലെ ഡ്രൈവര്ക്കും കണ്ടക്ടര്ക്കുമടക്കം പരുക്കേറ്റു. ഇന്ന് രാവിലെ കട്ടപ്പനയിൽ നിന്നും എറണാകുളത്തേക്ക് പോയ ബസാണ് അപകടത്തിൽപെട്ടത്. റോഡിന്റെ സമീപത്തുനിന്നും 20 അടിയോളം താഴ്ചയുള്ള ഭാഗത്തേക്കാണ് ബസ് മറിഞ്ഞത്.
ബസ് നിയന്ത്രണം വിട്ട് മറിഞ്ഞപ്പോള് പുറത്തേക്ക് തെറിച്ചുവീണ കുട്ടി ബസിന്റെ അടിയില് കുടുങ്ങിപോവുകയായിരുന്നു. തുടര്ന്ന് ക്രെയിന് ഉപയോഗിച്ച് ബസ് ഉയര്ത്തിശേഷമാണ് പെണ്കുട്ടിയെ പുറത്തെത്തടുത്തത്.
ബസില് കുടുങ്ങിയ മറ്റു യാത്രക്കാരെയും ഉടന് തന്നെ പുറത്തെത്തിച്ചു. ഫയര്ഫോഴ്സടക്കമെത്തിയാണ് രക്ഷാപ്രവര്ത്തനം നടത്തിയത്. ബസ് ഡിവൈഡറിലിടിച്ച് നിയന്ത്രണം വിട്ട് താഴ്ചയിലേക്ക് മറിഞ്ഞുവെന്നാണ് വിവരം.
Join Our Whats App group
https://chat.whatsapp.com/EHHrJBoyVtLCzZWup9UaY6
Post A Comment: