വയോധികനെ ജനനേന്ദ്രിയം മുറിഞ്ഞ നിലയിൽ കണ്ടെത്തിയ സംഭവം; ദുരൂഹത തുടരുന്നു

ഇടുക്കി: വീടിനുള്ളിൽ ജനനേന്ദ്രിയം മുറിഞ്ഞ നിലയിൽ വയോധികനെ കണ്ടെത്തിയ സംഭവത്തിൽ ദൂരൂഹത തുടരുന്നു. വാഗമൺ കൊച്ചുകരുന്തരുവി സ്വദേശിയായ 70 കാരനാണ് ഗുരുതരാവസ്ഥയിൽ കോട്ടയം മെഡിക്കൽ കോളജിൽ ചികിത്സയിൽ കഴിയുന്നത്. 

കഴിഞ്ഞ ദിവസമാണ് ഇ‍യാളെ വീട്ടിൽ ജനനേന്ദ്രിയം മുറിഞ്ഞ് ചോരയിൽ കുളിച്ച നിലയിൽ വീട്ടുകാർ കണ്ടത്. സംഭവം നടക്കുമ്പോൾ ഇ‍യാൾ ഒറ്റക്കായിരുന്നു വീട്ടിലെന്നാണ് ബന്ധുക്കളുടെ മൊഴി. 

അതേസമയം ഇന്നും ഇയാൾക്ക് ബോധം വന്നിട്ടില്ല. ബോധം വന്നാൽ മാത്രമേ എന്തു സംഭവിച്ചുവെന്നത് വ്യക്തമാകു. നായയുടെ ആക്രമണത്തിലാണ് ജനനേന്ദ്രിയം മുറിഞ്ഞതെന്ന് ബന്ധുക്കൾ മൊഴി നൽകിയിട്ടുണ്ട്. 

എന്നാൽ ആയുധം കൊണ്ടുള്ള മുറിവാണെന്നാണ് പൊലീസിന്‍റെ പ്രാഥമിക നിഗമനം. സംഭവത്തിൽ വയോധികന്‍റെ മൊഴി രേഖപ്പെടുത്തിയ ശേഷം വിശദമായ അന്വേഷണം നടക്കുമെന്ന് പൊലീസ് അറിയിച്ചു. 

Join Our Whats App group

https://chat.whatsapp.com/IeYcvZizDl2Bmro5SsP1DB