ഇടുക്കിയിൽ കാട്ടു തീ കെടുത്തുന്നതിനിടെ തൊഴിലാളി പാറയിടുക്കിൽ വീണ് മരിച്ചു

ഇടുക്കി: കൃഷിയിടത്തിലേക്ക് കാട്ടു തീ പടരാതെ തടയാൻ ശ്രമിക്കുന്നതിനിടെ പാ‍റയിടുക്കിൽ വീണ് തൊഴിലാളി മരിച്ചു. കാഞ്ചിയാർ ലബ്ബക്കട വെള്ളറയിൽ ജിജി തോമസാണ് (41) മരിച്ചത്.  

വള്ളക്കടവ് സ്വദേശി വാഴവര കൗന്തിയിൽ പാട്ടത്തിനെടുത്ത തോട്ടത്തിലെ ജോലിക്കാരനായിരുന്നു ജിജി. ഇന്ന് വൈകിട്ടോടെയാണ് തോട്ടത്തിനു സമീപത്ത് കാട്ടു തീ പടർന്നു പിടിച്ചത്.  

രണ്ട് സുഹൃത്തുക്കളോടൊപ്പം ചേർന്ന് തീ തങ്ങളുടെ തോട്ടത്തിലേക്ക് പടരുന്നത് തടയാൻ ശ്രമിക്കുന്നതിനിടെയാണ് ജിജി അപകടത്തിൽപെട്ടത്. തീ അണക്കുന്നതിനിടെ കാൽ വഴുതിയ ജിജി പാറയിടുക്കിലെ കുഴിയിലേക്ക് വീഴുകയായിരുന്നു. വൈകിട്ട് ഏഴരയോടെയായിരുന്നു സംഭവം. 

സുഹൃത്ത് വിവരം അറിയിച്ചതനുസരിച്ച് നാട്ടുകാർ ഓടിയെത്തി ജിജിയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. 

Join Our Whats App group

https://chat.whatsapp.com/L2USinQQ81H1Nq4VBIiX94