കോഴിക്കോട്: രഹസ്യ ബന്ധം ഭാര്യ അറിയാതിരിക്കാൻ കാമുകിയെ വിളിച്ചു വരുത്തി കൊലപ്പെടുത്തിയ സംഭവത്തിൽ കാമുകൻ അറസ്റ്റിൽ. കോഴിക്കോട് സ്വദേശി വൈശാഖനാണ് അറസ്റ്റിലായത്. ആത്മഹത്യയെന്ന് കരുതിയ സംഭവമാണ് പൊലീസിന്റെ വിശദമായ അന്വേഷണത്തിൽ കൊലപാതകമാണെന്ന് കണ്ടെത്തിയത്.
എലത്തൂരിലാണ് ഞെട്ടിക്കുന്ന സംഭവമുണ്ടായത്. ആത്മഹത്യ ചെയ്യാന് ഇരുവരും കഴുത്തില് കുരുക്കിട്ട ശേഷം പ്രതി യുവതിയുടെ സ്റ്റൂള് തട്ടി മാറ്റുകയായിരുന്നു. വൈശാഖന്റെ ഇന്ഡസ്ട്രിയിലാണ് യുവതിയെ തൂങ്ങി മരിച്ച നിലയിൽ കണ്ടെത്തിയത്.
യുവതിയും ഇയാളും തമ്മിൽ രഹസ്യ ബന്ധമുണ്ടായിരുന്നു. ഇക്കാര്യം യുവതി പുറത്തു പറയുമോയെന്ന് ഇയാൾക്ക് ഭയമുണ്ടായിരുന്നു. തുടർന്ന് ഒരുമിച്ച് ജീവനൊടുക്കാമെന്ന് വിശ്വസിപ്പിച്ച് ഇയാൾ യുവതിയെ വിളിച്ചു വരുത്തിയ ശേഷം ഒരുമിച്ച് കഴുത്തിൽ കുരുക്കിട്ടു. തുടർന്ന് യുവതിയുടെ സ്റ്റൂൾ തള്ളി മാറ്റിയ ശേഷം ഇയാൾ സ്ഥലം വിടുകയായിരുന്നു. കസ്റ്റഡിയിലെടുത്ത വൈശാഖനെ പൊലീസ് വിശദമായി ചോദ്യം ചെയ്യും.
Join Our Whats App group
https://chat.whatsapp.com/HN3zUlGc2Va9613524dFBp
Post A Comment: