വൃത്തിയാക്കുന്നതിനിടെ പടുതാക്കുളത്തിൽ വീണു; യുവാവ് മരിച്ചു

ഇടുക്കി: കരിയില വൃത്തിയാക്കുന്നതിനിടെ അബദ്ധത്തിൽ പടുതാക്കുളത്തിലേക്ക് വീണ് യുവാവ് മരിച്ചു. ഇടുക്കി കാമാക്ഷി പുഷ്പഗിരി മേലേകുപ്പച്ചാംപടി കല്ലംമാക്കൽ നോബിൾ തോമസ് (38) ആണ് മരിച്ചത്. സ്വന്തം ഏലത്തോട്ടത്തിലെ പടുതാകുളത്തിലാണ് വീണത്. 

കുളത്തിലെ കരിയില വൃത്തിയാക്കുന്നതിനിടെ കാൽവഴുതി വീഴുകയായിരുന്നുവെന്നാണ് കരുതുന്നത്. ശനിയാഴ്ച രാവിലെ ഏലച്ചെടികൾ നനക്കാൻ പറമ്പിലേക്ക് പോയ നോബിളിനെ ഉച്ചയായിട്ടും കാണാതെ വന്നതോടെ വീട്ടുകാർ അന്വേഷിച്ചിറങ്ങിയപ്പോൾ പടുതാക്കുളത്തിന്‍റെ കരയിൽ മൊബൈൽ ഫോണും ചെരിപ്പും കണ്ടെത്തുകയായിരുന്നു. 

തുടർന്ന് നാട്ടുകാരുടെയും കട്ടപ്പനയിൽ നിന്നെത്തിയ ഫയർ ഫോഴ്സിന്‍റെയും നേതൃത്വത്തിൽ നടത്തിയ തിരച്ചിലിൽ മൃതദേഹം കണ്ടെത്തുകയായിരുന്നു. 15 അടിയോളം ആഴമുള്ള പടുതാക്കുളമാണ്. ഭാര്യ: സുബി. മക്കൾ: അയോണ, ദിയ. സംസ്കാരം പിന്നീട്. 

Join Our Whats App group

https://chat.whatsapp.com/DnZkuEEgZHP5lo60i9Xm4L

കമ്പം റൂട്ടിലെ ജമന്തിപ്പാടം കണ്ടിട്ടുണ്ടോ....