ഇടുക്കി: മത്തായിപ്പാറയിൽ യുവതിയെ വീടിനുള്ളിൽ കൊല്ലപ്പെട്ട നിലയിൽ കണ്ടെത്തിയ സംഭവത്തിൽ ഒളിവിൽ പോയ ഭർത്താവിനെ കണ്ടെത്താനാവാതെ അന്വേഷണ സംഘം. ചൊവ്വാഴ്ച്ചയാണ് മത്തായിപ്പാറ എംസി കവല മലയക്കാവിൽ സുബിന്റെ ഭാര്യ രജനി സുബിനെ (38) മരിച്ച നിലയിൽ കണ്ടെത്തിയത്. ഇവരുടെ ഭർത്താവ് സുബിൻ എന്ന രതീഷ് (43) ഒളിവിലാണ്.
ഇയാൾ കൊല നടത്തിയ ശേഷം സ്ഥലംവിട്ടെന്ന നിഗമനത്തിലാണ് പൊലീസ്. എന്നാൽ ഇയാളെ കണ്ടെത്താനാകാതെ വന്നതോടെ അന്വേഷണം വഴിമുട്ടിയ നിലയിലാണ്. ഇയാളെ കണ്ടെത്തിയാൽ മാത്രമേ കൊല നടത്തിയത് ഇയാളാണോയെന്ന് ഉറപ്പിക്കാൻ സാധിക്കു.
ഇരുമ്പു വടി ഉപയോഗിച്ച് തലക്കേറ്റ മർദനമാണ് മരണ കാരണമായി മാറിയതെന്ന് പോസ്റ്റ് മോർട്ടത്തിൽ കണ്ടെത്തിയിട്ടുണ്ട്. യുവതിയുടെ മൃതദേഹം ഇന്നലെ നടപടികൾക്ക് ശേഷം ഇഞ്ചിമലയിൽ സംസ്കരിച്ചു.
സുബിൻ സംസ്ഥാനം വിട്ടെന്നാണ് പൊലീസ് നിഗമനം. ഇയാൾ പരപ്പിൽ നിന്നും ബസ് കയറി പോകുന്നത് കണ്ടതായി ചിലർ പറഞ്ഞിരുന്നു. സിസി ടിവികൾ കേന്ദ്രീകരിച്ചാണ് അന്വേഷണം പുരോഗമിക്കുന്നത്. ഇയാളെ കണ്ടെത്തിയാൽ മാത്രമേ കേസിൽ മുന്നോട്ട് പോകാൻ സാധിക്കുകയുള്ളു.
സുബിനും രജനിയും തമ്മിൽ കുടുംബ വഴക്കുണ്ടായിരുന്നു. ഇവർ ഒരുമാസം മുമ്പാണ് ഒരുമിച്ചു താമസം തുടങ്ങിയത്. ഇടുക്കി സ്പെഷ്യല് ബ്രാഞ്ച് ഡി.വൈ.എസ്.പി യൂനസ്, പീരുമേട് ഡി.വൈ.എസ്.പി വിശാല് ജോണ്സണ്, ഉപ്പുതറ സി.ഐ എ. ഫൈസല്, എസ്.ഐ കെ.പി. സജി എന്നിവരാണ് അന്വേഷണത്തിന് നേതൃത്വം നൽകുന്നത്.
Join Our Whats App group
Post A Comment: