ഇടുക്കി: ഉപ്പുതറ വളകോട്ടിൽ യുവതിയെ ശുചിമുറിയിൽ കത്തിക്കരിഞ്ഞ് മരിച്ച നിലയിൽ കണ്ടെത്തിയ സംഭവത്തിൽ അന്വേഷണം പുരോഗമിക്കുന്നു. വളകോട് പാലക്കാവ് കടുവാക്കാനം നെടുങ്ങഴിയില്, ലാലി എന്ന ജോര്ജ് ജോസഫിന്റെ ഭാര്യ വസീന (43)യാണ് മരിച്ചത്.
രാവിലെ ജോലിക്ക് പോയ ഭർത്താവ് ലാലി ഉച്ചയ്ക്ക് 12.30 ഓടെയാണ് വസീനയെ ശുചിമുറിയിൽ കത്തിക്കരിഞ്ഞ നിലയിൽ കണ്ടത്. ചുമട്ടു തൊഴിലാളിയായ ലാലി ഉച്ചയ്ക്ക് 12 ഓടെയാണ് വീട്ടിലെത്തിയത്. വസീനയെ പലവട്ടം വിളിച്ചിട്ടും മറുപടിയുണ്ടായില്ല. ഇതിനിടെ ശുചിമുറിയിൽ വെള്ളം പോകുന്ന ശബ്ദം കേട്ട് നോക്കിയപ്പോഴാണ് വസീനയെ കത്തിക്കരിഞ്ഞ നിലയിൽ ഭിത്തിയിൽ ചാരിയിരിക്കുന്നതായി കണ്ടത്.
ഉടൻ നാട്ടുകാരെയും ബ്ലോക്ക് പഞ്ചായത്ത് അംഗം ജോര്ജ് ജോസഫിനെയും വിവരം അറിയിക്കുകയായിരുുന്നു. ജോര്ജ് ജോസഫ് വിവരം പൊലീസിനെ അറിയിച്ചു. ആദ്യ ഭാര്യയും മക്കളും ഉപേക്ഷിച്ചു പോയതിനു പിന്നാലെ നാല് വർഷം മുമ്പാണ് ലാലി വസീനയെ രജിസ്റ്റർ വിവാഹം ചെയ്യുന്നത്.
വസീനയുടെയും രണ്ടാം വിവാഹമാണ്. വസീനക്ക് മാനസിക രോഗം ഉണ്ടായിരുന്നതായി പറയുന്നു. വര്ഷങ്ങളായി മരുന്ന് കഴിച്ച് വരുകയായിരുന്നു. വസീന കായംകുളം സ്വദേശിയാണ്. ഇരുവര്ക്കും മക്കളില്ല. ഏലത്തിന് മരുന്നടിക്കുന്ന പെട്രോള് മോട്ടറിന് ഒഴിക്കാന് വാങ്ങി വെച്ച പെട്രോള് ഒഴിച്ചാകാം കത്തിച്ചതെന്നാണ് നിഗമനം. ആത്മഹത്യയാവാമെന്നാണ് പൊലീസ് പറയുന്നത്.
Join Our Whats App group
https://chat.whatsapp.com/DnZkuEEgZHP5lo60i9Xm4L
ഇടുക്കിയുടെ മനോഹര കാഴ്ച്ച..... വീഡിയോ...
Post A Comment: