ബംഗളൂരു: നടി താമസിക്കുന്ന അപ്പാർട്ട്മെന്റിൽ യുവ വ്യവസായിയെ മരിച്ച നിലയിൽ കണ്ടെത്dതി. 33 കാരനായ വൈശാഖാണ് മരിച്ചത്. കന്നഡ നടി കൃഷി തപണ്ടയുടെ ബംഗളൂരുവിലെ ആര്.ആര്. നഗറിലുള്ള ഫ്ളാറ്റിലാണ് മൃതദേഹം കണ്ടെത്തിയത്.
പൊലീസ് അന്വേഷണം ആരംഭിച്ചു. പ്രാഥമിക വിവരങ്ങള് പ്രകാരം, മരിച്ച വൈശാഖ് ബുധനാഴ്ച രാത്രി നടിയുടെ ഫ്ളാറ്റിലെത്തിയിരുന്നു. ഫ്ലാറ്റില് മറ്റാരും ഇല്ലാതിരുന്ന സമയത്ത് സീലിങ് ഫാനില് തൂങ്ങിമരിച്ച നിലയിലാണ് ഇയാളെ കണ്ടെത്തിയത്. ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം.
സംഭവസമയത്ത് നടി കൃഷി തപണ്ട ഫ്ളാറ്റിലുണ്ടായിരുന്നില്ലെന്ന് പൊലീസ് അറിയിച്ചു. അവര് മറ്റൊരിടത്തായിരുന്നതിനാല് സംഭവവുമായി ബന്ധപ്പെട്ട എല്ലാ സാഹചര്യങ്ങളും വിശദമായി പരിശോധിച്ചുവരികയാണെന്നും ഉദ്യോഗസ്ഥര് വ്യക്തമാക്കി.
വിവരമറിഞ്ഞെത്തിയ ആര്.ആര്. നഗര് പൊലീസ് സ്ഥലത്ത് പ്രാഥമിക പരിശോധന നടത്തി. ഫോറന്സിക് വിദഗ്ധരുടെ സഹായത്തോടെ തെളിവുകളും ശേഖരിച്ചു. തുടര്ന്ന് മൃതദേഹം പോസ്റ്റ്മോര്ട്ടത്തിനായി വിക്ടോറിയ ആശുപത്രിയിലേക്ക് മാറ്റി. പോസ്റ്റ്മോര്ട്ടം റിപ്പോര്ട്ട് ലഭിച്ച ശേഷമേ മരണകാരണം ഔദ്യോഗികമായി സ്ഥിരീകരിക്കാന് കഴിയൂവെന്ന് പൊലീസ് അറിയിച്ചു.
മരണത്തിലേക്ക് നയിച്ച സാഹചര്യങ്ങള് വ്യക്തമാക്കുന്നതിനായി കേസിന്റെ എല്ലാ വശങ്ങളും പൊലീസ് പരിശോധിച്ചുവരികയാണ്. അന്വേഷണത്തിന്റെ ഭാഗമായി നടി കൃഷി തപണ്ടയുടെയും മരിച്ച വൈശാഖിന്റെ കുടുംബാംഗങ്ങളുടെയും മൊഴി രേഖപ്പെടുത്തുമെന്നാണ് വിവരം.
വൈശാഖിന്റെ വ്യക്തിജീവിതവുമായി ബന്ധപ്പെട്ട ചില വിവരങ്ങളും അന്വേഷണത്തിന്റെ ഭാഗമായി പൊലീസ് പരിശോധിക്കുന്നുണ്ട്. ഭാര്യയുമായി കുടുംബപരമായ തര്ക്കങ്ങള് നിലനിന്നിരുന്നതായും അതിനെത്തുടര്ന്ന് അദ്ദേഹം നടി കൃഷി തപണ്ടയുടെ ഫ്ളാറ്റില് ഇടയ്ക്കിടെ താമസിക്കുകയോ സന്ദര്ശിക്കുകയോ ചെയ്തിരുന്നതായും ചില മാധ്യമങ്ങള് റിപ്പോര്ട്ട് ചെയ്യുന്നു.
Join Our Whats App group
https://chat.whatsapp.com/HN3zUlGc2Va9613524dFBp
Post A Comment: