ചെന്നൈ: തീറ്റ കൊടുക്കുന്നതിനിടെ കുരങ്ങൻമാർ വളഞ്ഞ് ആക്രമിച്ചതോടെ കുന്നിൻമുകളിൽ നിന്നും താഴേക്ക് വീണ് നവ വധു മരിച്ചു. തമിഴ്നാട് തൂത്തുക്കുടി ജില്ലയിലെ ഹില്ടോപ്പ് ക്ഷേത്രമായ കഴുകുമലൈ കലുഗാസലമൂര്ത്തി ക്ഷേത്രത്തിലാണ് അപകടം നടന്നത്.
ഇവിടെ പ്രാര്ത്ഥനയ്ക്കെത്തിയ 24 വയസുകാരിയായ അനിതയാണ് മരിച്ചത്. ഒരു മാസം മുമ്പായിരുന്നു അനിതയും വിദേശത്ത് ജോലി ചെയ്യുന്ന സുരേഷും (29) തമ്മിലുള്ള വിവാഹം. അടുത്തിടെയാണ് സുരേഷ് നാട്ടിലെത്തിയത്.
പ്രധാന ക്ഷേത്രത്തിലെ ദര്ശനത്തിന് ശേഷം ദമ്പതികള് മലമുകളിലുള്ള ഉച്ചിപ്പിള്ളയാര് കോവിലിലേക്ക് പോയി. അവിടെയുണ്ടായിരുന്ന കുരങ്ങന്മാര്ക്ക് പഴങ്ങള് നല്കുന്നതിനിടെ പെട്ടെന്ന് കൂടുതല് കുരങ്ങന്മാര് കൂട്ടത്തോടെ ഇവരെ വളഞ്ഞു.
കുരങ്ങന്മാരെ കണ്ട് ഭയന്നുപോയ അനിത പരിഭ്രാന്തിയില് നിയന്ത്രണം നഷ്ടപ്പെട്ട് മലമുകളില് നിന്ന് താഴേക്ക് വീഴുകയായിരുന്നു. വീഴ്ചയുടെ ആഘാതത്തില് യുവതി സംഭവസ്ഥലത്ത് വച്ചു തന്നെ മരിച്ചതായി റിപ്പോര്ട്ടുകള് വ്യക്തമാക്കുന്നു. കഴുകുമലൈ ഫയര് ആന്ഡ് റെസ്ക്യൂ സര്വീസ് ഉദ്യോഗസ്ഥരും പൊലീസും ചേര്ന്നാണ് മൃതദേഹം താഴെയിറക്കി പോസ്റ്റ്മോര്ട്ടത്തിനായി മാറ്റിയത്. സംഭവത്തില് പൊലീസ് കേസ് രജിസ്റ്റര് ചെയ്ത് അന്വേഷണം ആരംഭിച്ചിട്ടുണ്ട്.
Join Our Whats App group
https://chat.whatsapp.com/DnZkuEEgZHP5lo60i9Xm4L
Post A Comment: