ഏലപ്പാറ ചിന്നാറിൽ മരം ഒടിഞ്ഞു വീണ് സ്‌കൂട്ടർ യാത്രികൻ മരിച്ചു

ഇടുക്കി: ഏലപ്പാറയ്ക്ക് സമീപം ഓടിക്കൊണ്ടിരുന്ന സ്കൂട്ടിക്ക് മുകളിലേക്ക് മരച്ചില്ല ഒടിഞ്ഞുവീണ് യുവാവ് മരിച്ചു. ഏലപ്പാറ ചെമ്മണ്ണ് സ്വദേശി പ്രദീപിന്‍റെ മകന്‍ പ്രണവ് (21) ആണ് മരിച്ചത്. 

ഉച്ചയ്ക്ക് ഒന്നോടെ ഏലപ്പാറ-ചെമ്മണ്ണ് റോഡിലെ ഒടിച്ചുകുത്തി വളവിന് സമീപമായിരുന്നു അപകടം നടന്നത്. ശക്തമായ മഴയിൽ റോഡരികിൽ നിന്നിരുന്ന മരച്ചില്ല ഒടിഞ്ഞ് പ്രണവ് സഞ്ചരിച്ചിരുന്ന വാഹനത്തിനു മുകളിലേക്ക് വീഴുകയായിരുന്നു. 

അപകടം അറിഞ്ഞ് ഓടിക്കൂടിയ നാട്ടുകാർ ഇയാളെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ‌മൃതദേഹം പീരുമേട് താലൂക്ക് ആശുപത്രി മോര്‍ച്ചറിയില്‍. നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും. 

Join Our Whats App group

https://chat.whatsapp.com/EHHrJBoyVtLCzZWup9UaY6