റിയാദ്: സൗദി അറേബ്യയിൽ ശവ്വാൽ മാസപ്പിറവി ദൃശ്യമാകാതിരുന്നതിനെ തുടർന്ന് ഈദുൾ ഫിത്തർ വെള്ളിയാഴ്ച്ച. ബുധനാഴ്ച്ച വൈകുന്നേരം വിവിധയിടങ്ങളിൽ നിരീക്ഷണം നടന്നെങ്കിലും ചന്ദ്രക്കല ദൃശ്യമായില്ല. ഉമ്മുല് ഖുറാ കലണ്ടര് പ്രകാരം വ്യാഴാഴ്ച റമദാന് 30 പൂര്ത്തിയാക്കി വെള്ളിയാഴ്ചയായിരിക്കും ശവ്വാല് ഒന്ന് എന്ന് പ്രാഥമിക വിവരങ്ങള് സൂചിപ്പിക്കുന്നു.
സൗദിയിലെ പ്രധാന മാസപ്പിറവി നിരീക്ഷണ കേന്ദ്രങ്ങളായ സുദൈര്, തുമൈര് എന്നിവിടങ്ങളില് വൈകുന്നേരം മുതല് നിരീക്ഷണം ആരംഭിച്ചിരുന്നു. എന്നാല് ആകാശം മേഘാവൃതമായതിനാല് ചന്ദ്രക്കല ദൃശ്യമായില്ലെന്ന് നിരീക്ഷകര് അറിയിച്ചു.
നിലവില് നിരീക്ഷണ കേന്ദ്രങ്ങളില് നിന്നുള്ള വിവരങ്ങള് പുറത്തുവന്നിട്ടുണ്ടെങ്കിലും സൗദി റോയല് കോര്ട്ടില് നിന്നുള്ള ഔദ്യോഗിക പ്രഖ്യാപനം ഉടനെയുണ്ടാകും. റമദാന് 30 പൂര്ത്തിയാകുന്നതോടെ ഗള്ഫ് രാജ്യങ്ങളില് ഇത്തവണ വെള്ളിയാഴ്ചയാകും പെരുന്നാള് ആഘോഷങ്ങള് നടക്കുക.
Join Our Whats App group
Post A Comment: