സോഷ്യൽ മീഡിയയിൽ നിരവധി വീഡിയോകളും ചിത്രങ്ങളും വൈറലാകാറുണ്ട്. ഇത്തരത്തിൽ അതിവേഗം വൈറലായ ഒരു വീഡിയോയുണ്ട്. ഒരു വിവാഹ വീഡിയോയാണ് ഇപ്പോൾ ശ്രദ്ധ നേടിക്കൊണ്ടിരിക്കുന്നത്.
അമ്മയുടെ വിവാഹം നടത്തിക്കൊടുക്കുന്ന മകളാണ് വീഡിയോയിലെ താരം. വെറുതെ ഒരാളുമായിട്ടില്ല... അമ്മ ജീവനു തുല്യം സ്നേഹിക്കുന്ന ആളുമായിട്ടാണ് മകൾ വിവാഹം നടത്തിക്കൊടുക്കുന്നത്. ഒരു അമ്മയ്ക്ക് നൽകാവുന്ന ഏറ്റവും നല്ല സമ്മാനമെന്നാണ് ഇതിനെ സോഷ്യൽ മീഡിയ വിശേഷിപ്പിക്കുന്നത്.
അമ്മയ്ക്ക് സ്നേഹിക്കാൻ ഒരു പങ്കാളിയെ കൊടുത്തുകൊണ്ട് അവരുടെ വിവാഹം നിറഞ്ഞ കണ്ണുകളോടെ കണ്ടിരിക്കുന്ന മകളെയാണ് വീഡിയോയിൽ കാണുന്നത്. ബന്ധുക്കളുടെയും സുഹൃത്തുകളുടെയും ആഹ്ലാദാരവങ്ങൾക്കിടെ വരൻ വധുവിന്റെ കഴുത്തിൽ മാല ചാർത്തുന്നതും ദൃശ്യങ്ങളിൽ കാണാം.
അന്ന് ഞാൻ എത്രത്തോളം കരഞ്ഞുവെന്ന് ആർക്കും അറിയില്ല... തീർച്ചയായും അത് സന്തോഷ കണ്ണീരായിരുന്നു. ഇതിന് സാക്ഷിയാകാൻ കഴിഞ്ഞത് വലിയ ഭാഗ്യമായി ഞാൻ കരുതുന്നു. എന്റെ അമ്മ വിവാഹിതയാകുന്നു.- ഇതായിരുന്നു വീഡിയോ പങ്കുവച്ചുകൊണ്ട് മകളുടെ കുറിപ്പ്.
മകളെ അഭിനന്ദിച്ച് നിരവധി പേർ വീഡിയോയ്ക്ക് കമന്റ് ചെയ്തിട്ടുണ്ട്. ദമ്പതികൾക്ക് ആശംസകൾ അറിയിച്ചാണ് മിക്കവരുടെയും പോസ്റ്റ്. വെർച്വൽ ലോകത്ത് കണ്ട ഏറ്റവും മനോഹരമായ കാഴ്ച്ചയെന്നാണ് ഒരാൾ വീഡിയോയെ വിശേഷിപ്പിച്ചത്.
Join Our Whats App group
https://chat.whatsapp.com/FF0xDFkXUCP3KCh6lyqbO4
പീരുമേട്ടിൽ കളം വ്യക്തം
ഇടുക്കി: നിയമസഭാ തെരഞ്ഞെടുപ്പിൽ ഇടുക്കി ജില്ലയുടെ ശ്രദ്ധാ കേന്ദ്രമായ പീരുമേട്ടിൽ കളം വ്യക്തമാകുന്നു. യുഡിഎഫ് സ്ഥാനാർഥിയായി അഡ്വ. സിറിയക് തോമസ് തന്നെ മത്സര രംഗത്തെത്തുമെന്ന് ഏറെക്കുറെ ഉറപ്പായിട്ടുണ്ട്.
മണ്ഡലത്തിൽ ഏകകണ്ഡമായി സിറിയക്കിന്റെ പേരാണ് ദേശീയ നേതൃത്തിന്റെ പരിഗണനയിലുള്ളത്. കേന്ദ്രത്തിന്റെ അംഗീകാരം ലഭിച്ചാൽ സിറിയക് തന്നെ യുഡിഎഫിനു വേണ്ടി ഇത്തവണയും കളത്തിലിറങ്ങും. കഴിഞ്ഞ തവണ അന്തരിച്ച വാഴൂർ സോമനോട് നേരിയ വോട്ടിനാണ് സിറിയക് പരാജയപ്പെട്ടത്.
ഇത്തവണ വിജയ സാധ്യത മുന്നിൽ കണ്ടാണ് സിറിയക്കിന്റെ പേര് ജില്ലാ നേതൃത്വം തീരുമാനിച്ചിരിക്കുന്നത്. അതേസമയം എൽഡിഎഫ് സ്ഥാനാർഥിയായി സിപിഐ ജില്ലാ സെക്രട്ടറി കെ. സലിംകുമാർ മത്സരിക്കുന്നതിനും ഏകദേശ ധാരണയിലെത്തിയിട്ടുണ്ട്. മുൻ എംഎൽഎ ഇ.എസ്. ബിജിമോൾ, വാഴൂർ സോമന്റെ മകൻ സോബിൻ തുടങ്ങിയവരുടെ പേരുകൾ പരിഗണനാ ലിസ്റ്റിലുണ്ടായിരുന്നെങ്കിലും സലിംകുമാറിനെ തന്നെ മത്സരിപ്പിക്കാൻ ഏകദേശ ധാരണയിലെത്തിയിട്ടുണ്ട്.
ഇതോടെ മണ്ഡലത്തിലെ പരിപാടികളിൽ സലിംകുമാർ സജീവമായി. പീരുമേട് മണ്ഡലത്തിലെ എൽഡിഎഫ് ജാഥയ്ക്ക് നേതൃത്വം കൊടുക്കുന്നതും സലിംകുമാറാണ്. ഇതോടെ മണ്ഡലത്തിൽ ഇരുവരും നേർക്കുനേർ ഏറ്റുമുട്ടുമെന്ന് ഏറെക്കുറെ ഉറപ്പായിട്ടുണ്ട്.
Post A Comment: