ചെന്നൈ: ഗോസിപ്പുകൾ ചൂടപ്പം പോലെ പ്രചരിക്കുന്നതിനിടെ പൊതുവേദിയിൽ ഒന്നിച്ചെത്തി നടൻ വിജയും നടി ത്രിഷയും. നടനും ടിവികെ അധ്യക്ഷനുമായ വിജയും ഭാര്യ സംഗീതയും തമ്മിൽ വേർപിരിയുകയാണെന്ന വാർത്ത കഴിഞ്ഞ ദിവസങ്ങളിൽ പുറത്തു വന്നിരുന്നു.
ഇതിനു പിന്നാലെ വിജയും തൃഷയും തമ്മിലുള്ള അടുപ്പമാണ് വേർപിരിയലിനു പിന്നിലെന്ന് സിനിമാ ലോകത്ത് നിന്നു തന്നെ വെളിപ്പെടുത്തലുകളുമുണ്ടായി. തൃഷയും വിജയും വിവാഹം കഴിക്കാൻ പോകുന്നുവെന്ന തരത്തിൽ സോഷ്യൽ മീഡിയയിൽ ചർച്ചകളും സജീവമാണ്.
ഇതിനിടെയാണ് അപ്രതീക്ഷിതമായി ഇരുവരും ഒരേ പോലത്തെ വേഷമിട്ട് പൊതുവേദിയിൽ ഒന്നിച്ചെത്തുന്നത്. സംഭവത്തിന്റെ വീഡിയോ കൂടി പുറത്തു വന്നതിനു പിന്നാലെ സൈബർ ലോകത്ത് ചർച്ചകൾ ചൂടു പിടിച്ചിരിക്കുകയാണ്.
നിർമാതാവ് കല്പ്പാത്തി എസ്. സുരേഷിന്റെ മകന്റെ വിവാഹ സല്ക്കാരത്തില് പങ്കെടുക്കാനാണ് വിജയിയും തൃഷയും ഒന്നിച്ചെത്തിയത്. ഇരുവരും ഒരുകാറില്, ഒരേപോലത്തെ നിറമുള്ള വസ്ത്രങ്ങള് ധരിച്ചാണ് എത്തിയതെന്നതാണ് ആരാധകരെ അമ്പരപ്പിച്ചിരിക്കുന്നത്. Trisha vijay 😲
pic.twitter.com/Tf0xxDwAeV
Join Our Whats App group
https://chat.whatsapp.com/FF0xDFkXUCP3KCh6lyqbO4
എസിക്കുള്ളിൽ അഞ്ച് പാമ്പ്
തിരുവനന്തപുരം: വീടിനുള്ളിലെ എസിക്കുള്ളിൽ നിന്നും അഞ്ച് പാമ്പുകളെ കണ്ടെത്തി. തിരുവനന്തപുരം ശ്രീകാര്യത്ത് ചെറുവയ്ക്കൽ സ്വദേശിയും ടെക്നോ പാർക്ക് ജീവനക്കാരനുമായ മാധവ് ജെ. പണിക്കരുടെ വീട്ടിലെ കിടപ്പുമറിയിൽ സ്ഥാപിച്ചിരുന്ന എസിക്കുള്ളിലാണ് പാമ്പുകൾ തമ്പടിച്ചിരുന്നത്.
മാധവ് വൈകിട്ട് ജോലി കഴിഞ്ഞ് വീട്ടിലെത്തിയപ്പോള് എസിയുടെ അടിഭാഗത്ത് വാലു പോലെ എന്തോ ശ്രദ്ധയില്പ്പെട്ടത് കണ്ട് നടത്തിയ പരിശോധനയിലാണ് പാമ്പിനെ കണ്ടത്. ഉടന് തന്നെ വാവാ സുരേഷിനെ ബന്ധപ്പെടാന് ശ്രമിച്ചെങ്കിലും നടന്നില്ല. പിന്നീട് വനം വകുപ്പിലെ പരുത്തിപളളി റേഞ്ചിലെ സ്നേക്ക് റെസ്ക്യൂ ഓഫീസര് റോഷ്നിയെ വീട്ടുകാര് വിളിച്ചു. റോഷ്നിയുടെ നിര്ദേശ പ്രകാരം സര്പ്പയിലെ സ്നേക്ക് ക്യാച്ചര് ഗൗതം ഉടന് തന്നെ സംഭവ സ്ഥലത്തെത്തി.
ടോര്ച്ചടിച്ചു നോക്കിയപ്പോഴാണ് കൊമ്പേറി അഥവാ വില്ലൂന്നി എന്ന വിഭാഗത്തിലെ വിഷമില്ലാത്ത പാമ്പ് ആണെന്ന് മനസിലായത്. എസി ഇളക്കി മാറ്റാതെ ഇതിനെ പിടിക്കാന് കഴിയില്ലെന്ന് മനസ്സിലായി. എസി ടെക്നീഷ്യനെത്തി എസി തുറന്നപ്പോള് അഞ്ച് വില്ലൂന്നി പാമ്പുകളെ കണ്ടു. എസിയുടെ ഔട്ടര് വാട്ടര് പൈപ്പിനു സമീപം ചുമരില് ഉണ്ടാക്കിയ ദ്വാരത്തിലൂടെയായിരുന്ന ഇവ എസിക്കുള്ളില് കയറിയത്.
മണിക്കൂറുകള് ശ്രമിച്ച് നാലെണ്ണത്തിനെ പിടിച്ചു. അഞ്ചാമത്തേത് ഔട്ടര് പൈപ്പിന്റെ വശത്തു കൂടി പുറത്തേക്ക് ചാടി. മരചില്ലകള് വീടിന്റെ ടെറസിലേക്ക് താഴ്ന്ന് കിടന്നതുകൊണ്ടാണ് ഇവ വീട്ടിലെ എസിക്കുള്ളില് കയറിയത്. പിടികൂടിയ പാമ്പുകളെ ആള്ത്താമസമില്ലാത്ത സ്ഥലത്തെ കുറ്റിക്കാട്ടില് തുറന്നുവിടുകയും ചെയ്തു.
Post A Comment: