തിരുവനന്തപുരം: വീടിനു സമീപം സ്വന്തമായി ചിതയൊരുക്കി ജീവനൊടുക്കാൻ ശ്രമിച്ച വീട്ടമ്മ മരിച്ചു. നെയ്യാറ്റിന്കര വ്ലാങ്ങാമുറി സ്വദേശി നളിനകുമാരി (67) ആണ് മരിച്ചത്. തിങ്കളാഴ്ച പകല് പത്തിന് വീടിന് പുറക് വശത്ത് തൊണ്ടും ചിരട്ടയും കൂട്ടിയിട്ട് സ്വയം ചിതയൊരുക്കി തീ കൊളുത്തി ആത്മഹത്യയ്ക്ക് ശ്രമിക്കുകയായിരുന്നു.
ഗുരുതരമായി പൊള്ളലേറ്റ നളിനകുമാരിയെ അയല്വാസികളാണ് ആശുപത്രിയില് പ്രവേശിപ്പിച്ചത്. ആരോഗ്യനില വഷളായതിനെ തുടര്ന്ന് ചൊവ്വാഴ്ച പകല് 12 ഓടെയാണ് മരണം സംഭവിച്ചത്.
നളിനകുമാരിയുടെ ഭര്ത്താവ് ഒരു വര്ഷമായി ആശുപത്രിയില് ചികിത്സയിലാണ്. ഇതിലെ മനോവിഷമമാണ് ആത്മഹത്യയിലേയ്ക്ക് നയിച്ചതെന്നാണ് വിവരം. മൃതദേഹം പോസ്റ്റ്മോര്ട്ടം ശേഷം ബുധന് രാവിലെ പത്തിന് വീട്ടുവളപ്പില് സംസ്കരിക്കും. നെയ്യാറ്റിന്കര പൊലീസ് അസ്വാഭാവിക മരണത്തിന് കേസെടുത്തു അന്വേഷണം ആരംഭിച്ചു.
Join Our Whats App group
https://chat.whatsapp.com/FF0xDFkXUCP3KCh6lyqbO4
Post A Comment: