ഇടുക്കി: വൈത്തിരി മാവോയിസ്റ്റ് വാർത്തകൾക്കിടെ ഇടുക്കി ജില്ലയിലെ കട്ടപ്പനയ്ക്ക് സമീപം മാവോയിസ്റ്റിനെ കണ്ടെന്ന വാർത്ത ജനങ്ങളിൽ ഭീതി പരത്തി. കട്ടപ്പനയ്ക്ക് സമീപം വെണ്ണിലാംകണ്ടം കൽത്തൊട്ടി പ്രദേശത്താണ് മാവോയിസ്റ്റ് ഉണ്ടെന്ന വാർത്ത പരന്നത്. കൽത്തൊട്ടി പള്ളിക്ക് സമീപം പുല്ലുചെത്താൻ ചെന്ന യുവാവാണ് പട്ടാള വേഷത്തിൽ മാവോയിസ്റ്റ് എന്നു സംശയിക്കുന്നയാളെ കണ്ടത്. വിവരം പൊലീസിൽ അറിയിച്ചതോടെ പ്രദേശത്ത് തിരച്ചിൽ നടന്നു.
വാർത്തയറിഞ്ഞ് ജനങ്ങൾ പരിഭ്രാന്തരായി. പട്ടാള വേഷത്തിൽ കണ്ടയാൾ മുഖം മറച്ചിരുന്നതായും യുവാവ് പറയുന്നു. ഒപ്പം പട്ടിയുമുണ്ടായിരുന്നു. അതേസമയം മണിക്കൂറുകൾ പൊലീസും നാട്ടുകാരും തെരച്ചിൽ നടത്തിയെങ്കിലും ആളെ കണ്ടെത്താനായില്ല. യുവാവ് കണ്ടത് വേട്ടയ്ക്കെത്തിയ ആരെയെങ്കിലും ആണെന്ന നിഗമനത്തിലാണ് പൊലീസ്. അതേസമയം സംഭവത്തെ തുടർന്ന് പ്രദേശം നിരീക്ഷണത്തിലാണ്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: