കൊച്ചി: വിവാഹ വിവരം ആരാധകരുമായി പങ്കുവച്ച് നടി ഭാമ. ജനുവരിയിൽ വിവാഹിതയാകാൻ പോകുകയാണെന്നും വിവാഹ ശേഷം കൊച്ചിയിൽ സെറ്റിലാകുമെന്നും ഭാമ പറയുന്നു. മലയാളത്തിലെ പ്രമുഖ മാഗസിനു നൽകിയ അഭിമുഖത്തിലാണ് താരം മനസു തുറന്നത്. ബിസിനസുകാരനായ അരുണാണ് വരന്. വീട്ടുകാര് തീരുമാനിച്ചുറപ്പിച്ച വിവാഹമാണ് ഇരുവരുടെയും.
ചെന്നിത്തലയാണ് അരുണിന്റെ നാട് എന്നാല് വര്ഷങ്ങളായി കാനഡയിലും ദുബായിലുമാണ്. അമ്മ മരിച്ചു പോയി. അഛന്റെ ബിസിനസ് എല്ലാം ദുബായിലാണ്. പ്ലസ് ടു കഴിഞ്ഞാണ് അരുണ് കാനഡയിലേക്ക് പോയത്. ഇപ്പോള് കൊച്ചിയില് സെറ്റില്ഡ് ആകാനുള്ള ശ്രമത്തിലാണ്.
ജനുവരിയില് വിവാഹം ഉണ്ടാകും. കോട്ടയത്ത് വെച്ച് വിവാഹവും കൊച്ചിയില് വെച്ച് റിസപ്ഷനും നടത്താനാണ് തീരുമാനം. വലിയ ആര്ഭാടമൊന്നും ഇല്ലാതെ വിവാഹം കഴിക്കാനാണ് ആഗ്രഹം. കല്യാണത്തിന് മുന്പുള്ള ദിവസങ്ങള് ആഘോഷിക്കുകയാണെന്നും ഭാമ പറയുന്നു. തന്റെ ചേട്ടന്റെ കൂടെയാണ് അരുണ് പഠിച്ചത്. മാത്രമല്ല ഇരു ഫാമിലിയും തമ്മില് നല്ല അടുപ്പത്തിലുമാണ്.
ഒരു ദിവസം ഏട്ടന്റെ കൂടെ അരുണ് വീട്ടില് വന്നു. അരുണിന്റെ പെരുമാറ്റം വീട്ടുകാര്ക്കും എനിക്കും ഇഷ്ടമായി. പിന്നെ കഴിഞ്ഞ ജൂണില് അരുണ് വീണ്ടും വീട്ടില് വന്നു. അങ്ങനെ വിവാഹത്തെക്കുറിച്ച് സംസാരിച്ചു. കാനഡയില് സെറ്റില്ഡ് ആണെന്ന് പറഞ്ഞപ്പോള് എനിക്ക് ചെറിയൊരു പേടിയുണ്ടായിരുന്നു. വിദേശത്തു നിന്ന് വിവാഹം കഴിക്കാന് താല്പര്യമില്ലായിരുന്നു.നാട്ടിലുള്ള ഒരാളെ മതിയെന്നാണ് തീരുമാനിച്ചത്. പിന്നെ അരുണിനും നാട്ടില് സെറ്റില്ഡ് ആകാനാണ് ഇഷ്ടമെന്നറിഞ്ഞപ്പോള് വിവാഹത്തിന് സമ്മതിച്ചു.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: