ഇടുക്കി: ആടിന് തീറ്റവെട്ടാൻ മരത്തിൽ കയറിയ ഗൃഹനാഥൻ വൈദ്യുതാഘാതമേറ്റ് മരിച്ചു. ഇടുക്കി ചട്ടമൂന്നാറിലാണ് സംഭവം. ചട്ടമൂന്നാര്‍ സ്വദേശി ഗണേശനാണ് മരിച്ചത്.
ഇന്നലെ വൈകുന്നേരമാണ് ഗണേശന്‍ തീറ്റ ശേഖരിക്കാന്‍ പോയത്. തേയിലത്തോട്ടത്തിലെ മരത്തില്‍ നിന്നും ചില്ലകള്‍ വെട്ടുമ്പോള്‍ ഇതിലൊന്ന് വൈദ്യുതി ലൈനിലേക്ക് വീണു.
ഇത് എടുക്കാന്‍ ശ്രമിക്കുന്നതിനിടെയാണ് ഷോക്കേറ്റതെന്നാണ് നിഗമനം. രാവിലെ ഈ വഴി ജോലിക്ക് പോയ ആളുകളാണ് മരത്തില്‍ മൃതദേഹം കുടുങ്ങിക്കിടക്കുന്നത് കണ്ടത്. മറയൂര്‍ പൊലീസെത്തി മൃതദേഹം പോസ്റ്റുമോര്‍ട്ടത്തിനായി അടിമാലി താലൂക്ക് ആശുപത്രിയിലേക്ക് മാറ്റി.
Join Our Whats App group
https://chat.whatsapp.com/LI5CtDALiuGFq6TUngq6K5
Post A Comment: