ഇടുക്കി: മൂന്നാറിൽ റിസോർട്ടിലെ ആറാം നിലയിൽ നിന്നും താഴെ വീണ് ഒൻപതു വയസുകാരൻ മരിച്ചു. മൂന്നാർ ചിത്തിരപുരത്ത് മൂന്നാർ ടി കാസ്റ്റിൽ റിസോർട്ടിലായിരുന്നു അപകടം.
മധ്യപ്രദേശ് സ്വദേശി പ്രഭാ ദയാലാണ് മരിച്ചത്. ആറാം നിലയിലെ റൂമിലെ സ്ലൈഡിങ് ജനലിലൂടെ കുട്ടി താഴേക്ക് വീഴുകയായിരുന്നു. കസേരയില്‍ കയറി ജനാല തുറക്കാന്‍ ശ്രമിക്കുന്നതിനിടെ കസേര മറിഞ്ഞ് കുട്ടി താഴേക്ക് വീഴുകയായിരുന്നു.
അങ്കമാലിയിലെ സ്വകാര്യ ആശുപത്രിയില്‍ ചികിത്സയിലിരിക്കെയാണ് കുട്ടി മരിച്ചത്. വീഴ്ചയില്‍ കുട്ടിയുടെ തലയോട്ടിക്കും വാരിയെല്ലിനും സാരമായ പരുക്കേറ്റെന്നാണ് പോസ്റ്റ്മോര്‍ട്ടം റിപ്പോര്‍ട്ടിലെ പ്രാഥമിക നിഗമനം. കുട്ടിയുടെ മൃതദേഹം ബന്ധുക്കള്‍ക്ക് വിട്ടുകൊടുത്തു. സംഭവത്തില്‍ വെള്ളത്തൂവല്‍ പൊലീസ് അസ്വഭാവിക മരണത്തിന് കേസെടുത്തിട്ടുണ്ട്.
Join Our Whats App group
Post A Comment: