ഡ്രൈവിങ്ങിനിടെ മൊബൈൽ ഉപയോഗം; സ്വകാര്യ ബസ് ഡ്രൈവർക്കെതിരെ നടപടിയുണ്ടാകും

ഇടുക്കി: ഒരു കൈയിൽ മൊബൈൽ ഫോണും പിടിച്ച് സ്വകാര്യ ബസിൽ സാഹസിക ഡ്രൈവിങ് നടത്തിയയാൾക്ക് പിടിവീഴുന്നു. കഴിഞ്ഞ ദിവസം കുമളി- ചങ്ങനാശേരി റൂട്ടിൽ സർവീസ് നടത്തുന്ന സ്വകാര്യ ബസിലെ ഡ്രൈവറാണ് മൊബൈൽ ഫോണിൽ മെസേജ് അ‍യച്ചുകൊണ്ട് ഡ്രൈവ് ചെയ്‌തത്. 

സംഭവത്തിന്‍റെ വീഡിയോ പുറത്തു വന്നതോടെയാണ് മോട്ടോർ വാഹന വകുപ്പ് വിഷയം അറിയുന്നത്. തുടർന്ന് ഇവർ നടത്തിയ അന്വേഷണത്തിൽ ഡ്രൈവറെ കണ്ടെത്തുകയായിരുന്നു. ആളെ കണ്ടെത്തിയെന്നും നടപടിയുണ്ടാകുമെന്നും ഉദ്യോഗസ്ഥർ അറിയിച്ചു. 

വാഹനത്തിലെ യാത്രികരാണ് വീഡിയോ പകർത്തി പുറത്തു വിട്ടത്. വലിയ കൊക്കകളും താഴ്ച്ചകളും ഉള്ള റോഡിലൂടെയാണ് ഡ്രൈവർ ഒറ്റക്കൈ അഭ്യാസം നടത്തിയത്. സ്ത്രീകളും കുട്ടികളും അടക്കം നിരവധി പേർ ഈ സമയത്ത് ബസിലുണ്ടായിരുന്നു. 

Join Our Whats App group

https://chat.whatsapp.com/DnZkuEEgZHP5lo60i9Xm4L