തിരുവനന്തപുരം: ഊഞ്ഞാൽ ആടുന്നതിനിടെ സിമന്‍റ് തൂൺ മറിഞ്ഞുവീണ് നാലു വയസുകാരൻ മരിച്ചു. കാരക്കോണം ത്രേസ്യാപുരം രാജേഷ്- ചിഞ്ചു ദമ്പതികളുടെ മകൻ ഋതിക് ആണ് മരിച്ചത്.
ഋതികിന്‍റെ അച്ഛന് സുഖമില്ലാത്തതിനാല്‍ മാതാപിതാക്കള്‍ രണ്ടുപേരും ആശുപത്രിയില്‍ പോയതിനിടെയായിരുന്നു അപകടം. കുട്ടിയെ സമീപത്തെ ബന്ധുവിന്‍റെ വീട്ടില്‍ ഏല്‍പ്പിച്ചായിരുന്നു ഇരുവരും പോയത്.
വീടിനോട് ചേര്‍ന്ന് സിമന്‍റ് തൂണില്‍ സാരി ഉപയോഗിച്ച് കെട്ടിയ ഊഞ്ഞാലില്‍ ആടുന്നതിനിടെ സിമന്‍റ് തൂണ് തകര്‍ന്ന് കുഞ്ഞിന്‍റെ ശരീരത്തിൽ വീഴുകയായിരുന്നു.
ഉടന്‍ തന്നെ കുട്ടിയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കാരക്കോണം മെഡിക്കല്‍ കോളെജ് മോർച്ചറിയിൽ. റിയ രാജേഷ്, റിഥു രാജേഷ് എന്നിവർ ഋതിക്കിന്‍റെ സഹോദരങ്ങളാണ്.
Join Our Whats App group
Post A Comment: