മലപ്പുറം: പത്താം ക്ലാസ് വിദ്യാർഥിനിയോട് അപമര്യാദയായി പെരുമാറിയ കേസിൽ നടനും അധ്യാപകനുമായ മുക്കണ്ണൻ അബ്ദുൾ നാസർ (നാസർ കറുത്തേനി- 55) അറസ്റ്റിൽ.
എല്‍.പി വിഭാഗം അധ്യാപകനായ നാസര്‍ തന്‍റെ സ്വകാര്യ ഓഫീസില്‍ വച്ച് വിദ്യാർഥിനിയെ പീഡിപ്പിച്ചെന്നാണ് കേസ്. കഴിഞ്ഞ ഞായറാഴ്ചയായിരുന്നു സംഭവം.
വണ്ടൂര്‍ കാളികാവ് റോഡില്‍ അധ്യാപകന് സ്വകാര്യ ഓഫീസ് മുറിയുണ്ട്. ഇവിടെ വച്ചായിരുന്നു പീഡനം നടന്നത്. സുഹൃത്തുക്കള്‍ വഴിയാണ് പീഡന വിവരം പുറത്തറിഞ്ഞത്.
ഇതിനെ തുടര്‍ന്ന് കുട്ടി സ്‌കൂളില്‍ കൗണ്‍സിലിങ്ങിനും വിധേയയായി. പൊലീസ് കേസ് രജിസ്റ്റര്‍ ചെയ്തതോടെ അധ്യാപകന് ഒളിവില്‍ പോയി. വ്യാഴാഴ്ച ഉച്ചയോടെ അധ്യാപകന് പൊലീസില്‍ കീഴടങ്ങുകയായിരുന്നു. നാളെ കോടതിയില്‍ ഹാജരാക്കും.
വിവിധ സിനിമകളിലും ടെലിഫിലിമുകളിലും ഇയാള്‍ അഭിനയിച്ചിട്ടുണ്ട്. ആടുജീവിതം, സുഡാനി ഫ്രം നൈജീരിയ, കുരുതി, ഹലാല്‍ ലവ് സ്റ്റോറി തുടങ്ങിയ സിനിമകളിലാണ് അബ്ദുല്‍ നാസര്‍ പ്രധാന വേഷങ്ങളില്‍ അഭിനയിച്ചിട്ടുള്ളത്.
Join Our Whats App group
Post A Comment: