കറാച്ചി: ഇന്ത്യയുടെ എക്കാലത്തെയും ശത്രൂവാണ് ദാവൂദ് ഇബ്രാഹീം എന്ന കൊടുംകുറ്റവാളി. ദാവൂദ് പാക്കിസ്ഥാനിൽ ഉണ്ടെന്ന വാർത്ത കഴിഞ്ഞ ദിവസം പുറത്തു വന്നിരുന്നു. ഇതിനു പിന്നാലെ തന്നെ ചർച്ചയിൽ ഇടംപിടിക്കുകയാണ് ദാവൂദിന്റെ ഗേൾഫ്രണ്ടും. പാക് സിനിമ താരം മെഹ്വിഷ് ഹയാത്താണ് ഇപ്പോൾ ദാവൂദിന്റെ കൂട്ടുകാരി. പാക് സിനിമയിൽ ഐറ്റം ഡാൻസുകളിലൂടെ കടന്ന് വന്ന മെഹ്വിഷ് ചുരുങ്ങിയ കാലം കൊണ്ട് പാകിസ്ഥാൻ സിനിമയിൽ ചുവടുറപ്പിക്കുകയായിരുന്നു.
37 കാരിയായ മെഹ്വിഷ് ഹയാത്ത് ശ്രദ്ധിക്കപെടുന്നത് 2019ല് പാകിസ്ഥാന്റെ സിവിലിയന് ബഹുമതികളില് ഒന്നായ തംഗ-ഇ-ഇംതിയാസ് നെടുന്നതോടെയാണ്. പാകിസ്ഥാന് സിനിമയില് ശ്രദ്ധേയ വേഷങ്ങള് പോലും ചെയ്തിട്ടില്ലാത്ത മെഹ്വിഷ് ഈ പുരസ്ക്കാരം നേടിയതോടെ ഇവരെ ചുറ്റിപറ്റിയുള്ള ഉഹാപോഹങ്ങളും ഉടലെടുത്തു, ഇപ്പോള് കാര്യങ്ങള് കൂടുതല് വ്യക്തമായിരിക്കുകയാണ്. ബോളിവുഡില് പോലും നിര്ണായക സ്വാധീനം ഉണ്ടായിരുന്ന ദാവൂദ് ഇബ്രാഹിമുമായി ഇവര്ക്ക് ഏറെ അടുത്ത ബന്ധം ഉണ്ടെന്നാണ് പുറത്ത് വരുന്ന വിവരങ്ങള്, കറാച്ചിയിലെ ദാവൂദിന്റെ താമസ സ്ഥലത്ത് ഇവര് നിത്യ സന്ദര്ശകയാണ്.
നേരത്തെ ദാവൂദ് സംഘടിപ്പിക്കുന്ന പാര്ട്ടികളില് അതിഥികളായി ബോളിവുഡ് താരങ്ങള് അടക്കമുള്ളവര് പങ്കെടുത്തതായി റിപ്പോര്ട്ടുകള് ഉണ്ടായിരുന്നു. ദാവൂദ് ഇബ്രാഹിമിന് ബോളിവുഡില് നിര്ണായക സ്വാധീനമാണ് ഉണ്ടായിരുന്നത്. എന്നാലിപ്പോള് കറാച്ചി കേന്ദ്രീകരിച്ച് പാക് സൈന്യത്തിന്റെയും ഐഎസ്ഐ യുടെയും സംരക്ഷണത്തില് കഴിയുന്ന ദാവൂദിന് പാകിസ്ഥാനി സുന്ദരിയുമായും സൗഹൃദം ഉണ്ടെന്ന റിപ്പോര്ട്ടുകളാണ് പുറത്ത് വരുന്നത്. ഈ നടിക്ക് പാകിസ്ഥാന് ഭരണകൂടത്തിലടക്കം നിര്ണയക സ്വാധീനം ഉണ്ടെന്ന റിപ്പോര്ട്ടുകളും പുറത്തു വരുന്നുണ്ട്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: