വാഷിങ്ടൺ: ശരീരം പ്രകടിപ്പിക്കുന്ന ലക്ഷണങ്ങളിലുടെ തന്നെ കോവിഡിനെ തിരിച്ചറിയാൻ കഴിയുമെന്നാണ് ഗവേഷകർ കണ്ടെത്തിയിരിക്കുന്നത്. കോവിഡ് 19 വൈറസ് ശരീരത്തിൽ കടന്നു കഴിഞ്ഞാൽ തന്നെ ദിവസങ്ങൾക്കുള്ളിൽ ശരീരത്തിൽ ഈ ലക്ഷണങ്ങൾ കാണിച്ചു തുടങ്ങുമത്രേ. അമേരിക്കയിലെ ഒരു സംഘം ശാസ്ത്രജ്ഞർ നടത്തിയ പഠനത്തിലാണ് ഇക്കാര്യം കണ്ടെത്തിയിരിക്കുന്നത്.
കോവിഡ് രോഗികളിൽ കാണപ്പെടുന്ന ആദ്യ ലക്ഷണം പനി ആയിരിക്കും. ചുമ, പേശിവേദന, മനംമറിച്ചിൽ, ഛർദി, വയറിളക്കം എന്നിങ്ങനെയായിരിക്കും രോഗലക്ഷണങ്ങൾ. ഈ കണ്ടെത്തൽ ഡോക്ടർമാർക്ക് വളരെ വേഗം രോഗനിർണയും നടത്താൻ സഹായിക്കുമെന്നും ശരിയായ ചികിത്സയും ഐസൊലേഷൻ പോലുള്ള മുൻകരുതലുകളും സ്വീകരിക്കാൻ സഹായകമാകുമെന്നും ഗവേഷകർ പറയുന്നു.
പകർച്ച പനിയും കോവിഡും തമ്മിലുള്ള ലക്ഷണങ്ങൾ തിരിച്ചറിയാനും ഇത് ഉപകരിക്കും. സാർസ് , മെർസ്, കോവിഡ് എന്നീ രോഗങ്ങളുടെ ആദ്യ രണ്ട് ലക്ഷണങ്ങൾ പനിയും ചുമയും തന്നെയാണ്. എന്നാൽ കോവിഡ് ബാധിതരുടെ ദഹനനാളിയുടെ മുകൾ ഭാഗത്തായിരിക്കും വൈറസ് ബാധ കാണപ്പെടുക. സാർസ്, മെർസ് എന്നിവയില് രോഗം ബാധിക്കുന്നത് ദഹനനാളിയുടെ താഴ്ഭാഗത്തായിരിക്കുമെന്ന് പഠനത്തിൽ ചൂണ്ടിക്കാട്ടുന്നു.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: