മുംബൈ: നടൻ സുശാന്തിന്റെ മരണത്തിനു പിന്നാലെ തുടങ്ങിയ വിവാദ പരമ്പര ഇപ്പോഴും ബോളിവുഡിനെ ഇളക്കി മറിക്കുകയാണ്. ഓരോ ദിവസും പുറത്തു വരുന്നത് ഞെട്ടിക്കുന്ന വിവരങ്ങളാണ്. ഇതിനിടെ അന്വേഷണം ഏറ്റെടുത്ത സിബിഐ സംഘം നടി റിയ ചക്രബർത്തിയെ ചോദ്യം ചെയ്യാനും തുടങ്ങി. ഇതിനിടെ എൻഡി ടിവിയിൽ പ്രത്യക്ഷപ്പെട്ട റിയ നടത്തിയ ചില വെളിപ്പെടുത്തലുകൾ ഇപ്പോൾ ബോളിവുഡിൽ വലിയ ചർച്ചകൾക്ക് കാരണമാകുകയാണ്. സുശാന്തിനെതിരെ നടന്ന മീ ടു ആരോപണത്തെ കുറിച്ചാണ് റിയ വെളിപ്പെടുത്തിയത്.
ആ കാര്യം അദ്ദേഹത്തെ തളർത്തിയിരുന്നുവെന്നും റിയ അഭിമുഖത്തിൽ പറയുന്നു. അവസാന ചിത്രമായ ദില് ബേച്ചാരയിലെ നായിക സഞ്ജന സംഘിയില് നിന്നാണ് സുശാന്ത് മീ ടു ആരോപണം നേരിട്ടത്. 2018ലായിരുന്നു സംഭവം. ഇത് സത്യമാണെന്ന് പലരും വിശ്വസിച്ചതോടെ സുശാന്ത് സമ്മർദത്തിലായി. എന്നാല് ഒന്നര മാസം കഴിഞ്ഞപ്പോള് സഞ്ജന തന്നെ ഇക്കാര്യത്തില് വിശദീകരണം നല്കിയിരുന്നു. ഈ ആരോപണം അദ്ദേഹത്തെ ഏറെ വേട്ടയാടിയിരുന്നു. രോഹിണി അയ്യര് എന്ന വനിതയുമായും ചെറിയ പ്രശ്നങ്ങളുണ്ടായിരുന്നു.
ഇവര് ഇടയ്ക്ക് സന്ദേശമയയ്ക്കുന്നതു പോലും സുശാന്തിനെ ആശങ്കപ്പെടുത്തിയിരുന്നു. സുശാന്തിന്റെ മാനേജരായിരുന്ന ദിഷയുടെ മരണവുമായി സുശാന്തിന്റെ മരണത്തിനു ബന്ധമുണ്ടെങ്കില് അതും അന്വേഷണത്തിലൂടെ പുറത്തുവരണം. ദിഷയെ ഒരിക്കല് മാത്രമാണു ഞാന് കണ്ടിട്ടുള്ളത്. മറ്റു ബന്ധങ്ങളൊന്നുമുണ്ടായിരുന്നില്ല. 10 മിനിറ്റ് മാത്രമാണ് ആകെ സംസാരിച്ചിട്ടുള്ളത്. അതും തൊഴില്പരമായ കാര്യങ്ങള് മാത്രം. പിന്നീട് സുശാന്തിന് പുതിയ മാനേജര് വരികയും ചെയ്തുവെന്നും റിയ പറയുന്നു.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: