ന്യൂഡൽഹി: എക്സ്പ്രസ് വേയിൽ ബസും കാറും കൂട്ടിയിടിച്ച് അഞ്ച് പേർ മരിച്ചു. യമുന എക്സ്പ്രസ് വേയില് ഉത്തര്പ്രദേശിലെ മഥുരയിലെ മഹാവനിലാണ് ദാരുണ സംഭവം നടന്നത്. ആഗ്രയില് നിന്ന് നോയിഡയിലേക്ക് പോവുകയായിരുന്ന ബസാണ് അപകടത്തില്പ്പെട്ടത്.
ടയര് പൊട്ടിയതിനെത്തുടര്ന്ന് നിയന്ത്രണംവിട്ട ബസ് ഡിവൈഡറില് ഇടിച്ചുകയറുകയായിരുന്നു. ഇതോടെ പിന്നാലെയെത്തിയ കാര് ബസില് ഇടിച്ചു. ഇതിനുപിന്നാലെ രണ്ടുവാഹനങ്ങള്ക്കും തീപിടിച്ചു.
ബസിലെ യാത്രക്കാര് രക്ഷപ്പെട്ടു. അതേസമയം, കാറിലുണ്ടായിരുന്ന അഞ്ചുപേര് വെന്തുമരിച്ചുവെന്ന് മഥുര സീനിയര് പോലീസ് സൂപ്രണ്ട് ശൈലേഷ് പാണ്ഡെ പറഞ്ഞു. മരിച്ച ഒരാളെ തിരിച്ചറിഞ്ഞു, മറ്റ് യാത്രക്കാരെ തിരിച്ചറിയാന് ശ്രമം നടത്തുകയാണെന്നും അദ്ദേഹം കൂട്ടിച്ചേര്ത്തു.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/IeYcvZizDl2Bmro5SsP1DB
Post A Comment: