സുൽത്താൻബത്തേരി: ഗേറ്റ് കടന്ന് വീട്ടുമുറ്റത്തെത്തിയ ആന ഗൃഹനാഥനെ ആക്രമിച്ച് കൊന്നു. വയനാട് പടമലയിലെ ജനവാസ മേഖലയിലാണ് ഇന്ന് രാവിലെ ദാരുണമായ സംഭവം നടന്നത്. പടമല സ്വദേശി അജിയാണ് മരിച്ചത്. കര്‍ണാടകയില്‍ നിന്നുള്ള റേഡിയോ കോളര്‍ ഘടിപ്പിച്ച മോഴ ആനയാണ് വയനാട്ടിലിറങ്ങിയത്.
ആനയുടെ ആക്രമണത്തിന്റെ പശ്ചാത്തലത്തില്‍ മാനന്തവാടി നഗരസഭയിലെ 4 വാര്‍ഡുകളില്‍ 144 പ്രഖ്യാപിച്ചു.കുറുക്കന്മൂല, പയ്യമ്പള്ളി കുറുവ, കാടന്‍കൊല്ലി എന്നീവടങ്ങളിലാണ് നിരോധനാജ്ഞ.
ആന വീട്ടുമുറ്റത്തേക്ക് ഓടിക്കയറുന്നതും അജിയുടെ പുറകെ പോകുന്നതുമായ സിസി ടിവി ദൃശ്യങ്ങള്‍ പുറത്തുവന്നു. കര്‍ണാടക വനാതിര്‍ത്തിയില്‍ നിന്ന് ആനയെത്തിയെന്നാണ് വിവരം. വിഷയത്തില്‍ ഉന്നതതല യോഗം ഉടന്‍ ആരംഭിക്കുമെന്ന് വനം മന്ത്രി എ.കെ ശശീന്ദ്രന്‍ പറഞ്ഞു.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/IeYcvZizDl2Bmro5SsP1DB
Post A Comment: