മൈസൂർ: വിവാഹം കഴിഞ്ഞതു മുതൽ 12 വർഷം ഭാര്യയെ മുറിക്കുള്ളിൽ പൂട്ടിയിട്ട് ഭർത്താവ്. കർണാടകയിലെ മൈസൂരിൽ നിന്നാണ് ഞെട്ടിക്കുന്ന വാർത്ത പുറത്ത് വരുന്നത്. പ്രാഥമികാവശ്യം നിർവഹിക്കാൻ പോലും മുറിക്ക് പുറത്തിറങ്ങാൻ യുവതിയെ ഭർത്താവ് സമ്മതിച്ചിരുന്നില്ല.
12 വർഷത്തിനു ശേഷം മുറിക്ക് പുറത്തിറങ്ങിയ യുവതി വിവരം പൊലീസിനെ അറിയിക്കുകയായിരുന്നു. സന്നലയ്യ എന്നയാളാണ് ഭാര്യ സുമയെ 12 വർഷത്തോളം പൂട്ടിയിട്ടത്. ഇയാളുടെ മൂന്നാമത്തെ ഭാര്യയാണ് സുമ. വിവാഹം കഴിഞ്ഞതോടെ ഭാര്യയെ സംശയം തോന്നിയ സന്നലയ്യ മൂന്ന് പൂട്ടുകളുള്ള മുറിയിൽ ഇവരെ പൂട്ടിയിടുകയായിരുന്നു.
ആരുമായും സംസാരിക്കാന് ഇയാള് അനുവദിച്ചിരുന്നില്ല. വീടിന് പുറത്തുള്ള ശുചിമുറി ഉപയോഗിക്കാന് പോലും അനുവദിച്ചിരുന്നില്ല. മുറിയ്ക്കുള്ളില് ഒരു ബക്കറ്റ് മാത്രമാണ് ഉണ്ടായിരുന്നത്. സ്ത്രീയുടെ വിസര്ജ്യങ്ങള് ഇയാള് തന്നെ പുറത്തുകൊണ്ടുപോയി കളയും. രക്ഷപ്പെടാന് ശ്രമിക്കരുതെന്നും ശ്രമിച്ചാല് കൊന്നുകളയുമെന്നും ഭീഷണിപ്പെടുത്തിയിരുന്നു.
ഇവര്ക്ക് രണ്ട് മക്കളുമുണ്ട്. മക്കളോട് അധികം സംസാരിക്കാനും സുമയെ അനുവദിച്ചിരുന്നില്ല. മക്കളോടൊപ്പം രാത്രി ഉറങ്ങാന് പോലും അനുവാദം തന്നിരുന്നില്ലെന്നും സ്ത്രീ പൊലീസിനോട് പറഞ്ഞു. മക്കളെ ചെറിയ ജനാലയിലൂടെ അല്പനേരം കാണാന് മാത്രമേ സമ്മതിച്ചിരുന്നൂള്ളൂ എന്നും സുമ പൊലീസിനോട് പറഞ്ഞു.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/GFiO4fXCQd3BswL7p5oEzF
Post A Comment: