തിരുവനന്തപുരം: സംസ്ഥാനത്ത് വീണ്ടും മദ്യ വില വർധിക്കും. ബജറ്റ് പ്രഖ്യാപനത്തിൽ ധന മന്ത്രി കെ.എൻ ബാലഗോപാലാണ് ഇക്കാര്യം വ്യക്തമാക്കിയത്. ഇന്ത്യൻ നിർമിത വിദേശ മദ്യത്തിന് എക്സൈസ് തീരുവ ലിറ്ററിന് 10 രൂപയാണ് വർധിപ്പിക്കുന്നത്. ഗൽവനേജ് ഫീസിനത്തിൽ 200 കോടി സമാരഹിക്കുമെന്നും മന്ത്രി പറഞ്ഞു.
അതേസമയം റബ്ബറിന്റെ താങ്ങുവില ഉയര്ത്തുമെന്ന പ്രഖ്യാപനം മലയോര കർഷകർക്ക് ആശ്വാസമായി. കേരളാ കോൺഗ്രസ് എമ്മും ക്രൈസ്തവ സഭകളും കര്ഷക സംഘടനകളും അടക്കം മുന്നോട്ട് വെച്ച ആവശ്യമാണ് അംഗീകരിക്കപ്പെട്ടത്. 180 രൂപയാണ് അടുത്ത സാമ്പത്തിക വര്ഷത്തേക്കുള്ള ബജറ്റിൽ റബ്ബറിന് പ്രഖ്യാപിച്ചിരിക്കുന്ന താങ്ങുവില.
നിലവിൽ 170 രൂപയാണ് കിലോയ്ക്ക് റബ്ബറിന്റെ താങ്ങുവില. നേരിയ വര്ധനവാണ് സംസ്ഥാനം ഇപ്പോൾ പ്രഖ്യാപിച്ചിരിക്കുന്നത്. താങ്ങുവില 200 എങ്കിലും ആക്കി ഉയര്ത്തണമെന്നായിരുന്നു പല കോണുകളിൽ നിന്നായി ആവശ്യം ഉയര്ന്നത്. ലോക്സഭാ തെരഞ്ഞെടുപ്പ് അടുത്തിരിക്കെ മലയോര കര്ഷക സ്വാധീനമുള്ള മണ്ഡലങ്ങളിൽ നിര്ണായകമാകുന്നതാണ് ഈ തീരുമാനം.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/JADaOBrSTxqKfsrW1ZkLRV
Post A Comment: