സിനിമാ ചിത്രീകരണത്തിനിടെ കാർ തലകീഴായി മറിഞ്ഞു; അർജുൻ അശോകൻ അടക്കം അഞ്ച് പേർക്ക് പരുക്ക്

കൊച്ചി: സിനിമാ ചിത്രീകരണത്തിനിടെ കാർ തലകീഴായി മറിഞ്ഞ് നടൻ അർജുൻ അശോകൻ അടക്കം അഞ്ച് പേർക്ക് പരുക്ക്. കൊച്ചി എംജി റോഡിലായിരുന്നു അപകടം. 

നടന്‍മാരായ അര്‍ജുന്‍ അശോകും സംഗീത് പ്രതാപും മാത്യു തോമസും സഞ്ചരിച്ച കാര്‍ തലകീഴായി മറിയുകയായിരുന്നു. വഴിയില്‍ നിര്‍ത്തിയിട്ട രണ്ടു ബൈക്കുകളിലും കാര്‍ തട്ടി ബൈക്ക് യാത്രക്കാരായ രണ്ടു പേര്‍ക്കും പരുക്കേറ്റു. 

ബ്രൊമാന്‍സ് എന്ന സിനിമയുടെ ചിത്രീകരണത്തിനിടെയായിരുന്നു അപകടം. സിനിമയിലെ സ്റ്റണ്ട് മാസ്റ്റര്‍ ആയിരുന്നു കാര്‍ ഓടിച്ചത്. ഇന്ന് പുലര്‍ച്ചെ 1.30ഓടെയാണ് അപകടമുണ്ടായത്.

അപകടത്തിന്‍റെ സിസിടിവി ദൃശ്യങ്ങളും പുറത്തുവന്നു. നിയന്ത്രണം വിട്ട കാര്‍ തലകീഴായി മറിയുകയും മുന്നിലുണ്ടായിരുന്ന കാറിലിടിക്കുകയും ചെയ്തു. ഈ കാര്‍ റോഡരികില്‍ നിര്‍ത്തിയിട്ടിരുന്ന ഫുഡ് ഡെലിവറി ബോയുടെ ബൈക്കിലിടിച്ചു. തലകീഴായി മറിഞ്ഞ കാര്‍ മുന്നോട്ട് നീങ്ങി ബൈക്കുകളിലും ഇടിച്ചാണ് നിന്നത്.

Join Our Whats App group

https://chat.whatsapp.com/L2USinQQ81H1Nq4VBIiX94

കട്ടപ്പനയിലെ ഓട്ടോറിക്ഷാ കള്ളൻമാർ അറസ്റ്റിൽ 

ഇടുക്കി: പട്ടാപ്പകൽ കട്ടപ്പന നഗരത്തിൽ നിന്നും നിർത്തിയിട്ട ഓട്ടോറിക്ഷ മോഷ്ടിച്ചു കടത്തിയ കേസിൽ രണ്ട് പേർ അറസ്റ്റിൽ. മൂവാറ്റുപുഴ മടക്കത്താനം ലിബിന്‍ ബെന്നി (34), നെടുമ്പാശേരി വാഴപ്പള്ളിക്കുടി ബാബു (51) എന്നിവരാണ് അറസ്റ്റിലായത്. തമിഴ്നാട്ടിലെ കമ്പത്ത് എത്തിച്ച് മോഷ്ടിച്ച ഓട്ടോറിക്ഷ വിൽപ്പന നടത്തിയ ശേഷം തിരികെ കട്ടപ്പനയിലെത്തിയപ്പോഴാണ് അറസ്റ്റ്. 

വെള്ളിയാഴ്ച്ച കട്ടപ്പന പാറക്കടവ് ബൈപ്പാസ് റോഡിലാണ് സംഭവം നടന്നത്. റോഡരികില്‍ പാര്‍ക്ക് ചെയ്തിരുന്ന ഹോട്ടല്‍ നടത്തിപ്പുകാരനായ കലയംകുന്നേല്‍ സാജുവിന്‍റെ ഓട്ടോറിക്ഷയാണ് പ്രതികള്‍ മോഷ്ടിച്ചു കടത്തിയത്. ഉച്ചക്ക് ഒന്നരയോടെ രണ്ട് പേര്‍ ഓട്ടോറിക്ഷയുടെ സമീപത്ത് കുറച്ച് സമയം നിന്ന ശേഷം പുളിയന്‍മല ഭാഗത്തേക്ക് കടത്തിക്കൊണ്ട് പോകുന്നത് സി.സി. ടിവിയില്‍ വ്യക്തമായിരുന്നു. 

തുടര്‍ന്ന് പൊലീസ് നടത്തിയ അന്വേഷണത്തിലാണ് പ്രതികള്‍ പിടിയിലാകുന്നത്. കട്ടപ്പന ഡിവൈ.എസ്.പിയുടെ നേതൃത്വത്തില്‍ എസ്.ഐമാരായ എബി, ഡിജു, എ.എസ്.ഐ സുബൈര്‍, സി.പി.ഒ അഭിലാഷ്, കാമരാജ് എന്നിവരുടെ നേതൃത്വത്തിലായിരുന്നു അറസ്റ്റ്.