ശാരീരിക അസ്വസ്ഥത; വണ്ടിപ്പെരിയാറ്റിൽ രണ്ട് വയസുകാരി മരിച്ചു

ഇടുക്കി: ശാരീരിക അസ്വസ്ഥതയെ തുടർന്ന് ആശുപത്രിയിൽ പ്രവേശിപ്പിച്ച രണ്ടു വയസുകാരി മരിച്ചു. വണ്ടിപ്പെരിയാർ കീരിക്കര മനോജ് ഭവൻ മനോജ്-കൃഷ്ണജ ദമ്പതികളുടെ മകൾ ബിതുല്യ ആണ് മരിച്ചത്. 

കോട്ടയത്ത് ആശുപത്രിയിൽ ചികിത്സയിലിരിക്കെയായിരുന്നു മരണം. ഹൃദയ സംബന്ധമായ അസുഖത്തെ തുടർന്ന് കുട്ടി ചികിത്സയിലായിരുന്നു. ഇതിനിടെ ശനിയാഴ്ച്ച രാവിലെ മുതൽ കുട്ടിക്ക് അസ്വസ്ഥതയുണ്ടാവുകയും പിന്നീട് ശർദിൽ ഉണ്ടാകുകയും ചെയ്തു. 

ഇതോടെ രക്ഷിതാക്കൾ കുട്ടിയെ പീരുമേട് താലൂക്ക് ആശുപത്രിയിൽ പ്രവേശിപ്പിച്ചെങ്കിലും വിദഗ്ദ ചികിത്സയ്ക്കായി കുട്ടിയെ കോട്ടയത്തെ കുട്ടികളുടെ ആശുപത്രിയിലേക്ക് മാറ്റി. 

ഇവിടെ വെന്‍റിലേറ്ററിൽ പ്രവേശിപ്പിച്ച കുട്ടി മരിക്കുകയായിരുന്നു. സംസ്കാരം കീരിക്കരയിലെ വീട്ടുവളപ്പിൽ. ബിതുല്‍കൃഷ്ണയാണ് സഹോദരൻ.  

Join Our Whats App group

https://chat.whatsapp.com/L2USinQQ81H1Nq4VBIiX94