കുളിച്ചില്ല; ഭാര്യയെ തല്ലിക്കൊന്ന് ഭർത്താവ്

ബാങ്കോക്ക്: ദാമ്പത്യ ജീവിതത്തിൽ ശുചിത്വത്തിന് വലിയ പ്രാധാന്യമുണ്ട്. ഇക്കാര്യം ഓർമപ്പെടുത്തുന്ന ഒരു വാർത്തയാണ് തായ്‌ലാൻഡിൽ നിന്നും പുറത്തു വരുന്നത്. 

കുളിക്കാത്തതിന്‍റെ പേരില്‍ ഭാര്യയെ ഭര്‍ത്താവ് അടിച്ചുകൊന്നതാണു സംഭവം. ഭാര്യ എല്ലാദിവസവും കുളിക്കുന്നില്ലെന്നു പറഞ്ഞ് ഭര്‍ത്താവ് വഴക്കിടുക പതിവായിരുന്നു. സംഭവം നടന്ന ദിവസം ഇരുവരും വീടിനു പുറത്തിരുന്ന് ഒന്നിച്ചു മദ്യപിച്ചു.

അതിനിടെ കുളിക്കാത്തതിന്‍റെ പേരില്‍ ഒന്നും രണ്ടും പറഞ്ഞ് വഴക്കായി. വഴക്ക് മൂത്തതോടെ മരക്കമ്പുകൊണ്ടു ഭാര്യയുടെ തലയ്ക്കടിച്ചു. ബോധം നഷ്ടമായ ഭാര്യയെ കുളിമുറിയില്‍ കൊണ്ടുപോയി കിടത്തിയശേഷം കാല്‍വഴുതി വീണതായി അയല്‍ക്കാരെയും പൊലീസിനെയും അറിയിച്ചു.

ഭാര്യയെ ആശുപത്രിയിലേക്കു മാറ്റുന്നതിനിടെ പ്രതി സ്ഥലത്തുനിന്നു മുങ്ങി. ഇയാളെ പിന്നീട് പൊലീസ് പിടികൂടി. വിശദമായി ചോദ്യം ചെയ്തപ്പോള്‍ ഇയാള്‍ കൊലപാതകം സമ്മതിക്കുകയും ചെയ്തു.

Join Our Whats App group

https://chat.whatsapp.com/L2USinQQ81H1Nq4VBIiX94