ഇടുക്കിയിൽ പെരുമഴ; വ്യാപക നാശനഷ്‌ടം

ഇടുക്കി: മൂന്ന് ദിവസമായി ശക്തമായി പെയ്യുന്ന മഴയിൽ ഇടുക്കി ജില്ലയിൽ വ്യാപക നാശനഷ്ടം. പലയിടങ്ങളിലും മണ്ണിടിഞ്ഞു വീണും മരം വീണും പാറ അടർന്നു വീണും റോഡിൽ ഗതാഗതം തടസപ്പെട്ടു. 

തോടുകളും നദികളും നിറഞ്ഞു കവിഞ്ഞതോടെ തീര ദേശവാസികളും ദുരിതത്തിലായി. ഹൈറേഞ്ചിൽ പലയിടങ്ങളിലും ഇന്നലെ പോയ വൈദ്യുതി ഇതുവരെ പുനസ്ഥാപിക്കാനായിട്ടില്ല. 

മലയോര ഹൈവേ നിർമാണം നടക്കുന്ന ചപ്പാത്ത്- കട്ടപ്പന റോഡിൽ മണ്ണിടിഞ്ഞും തിട്ടൽ ഇടിഞ്ഞും ഗതാഗതം ദുസഹമായിരിക്കുകയാണ്. ആലടിയിൽ റോഡിന്‍റെ സംരക്ഷണ ഭിത്തിയിടിഞ്ഞു വീണു. സ്വരാജ് പെരിയോൻകവലയിലും മണ്ണിടിച്ചിലുണ്ടായി. 

Join Our Whats App group

https://chat.whatsapp.com/HN3zUlGc2Va9613524dFBp