ഇടുക്കിയിൽ പാല് വാങ്ങാൻ പോയ ആറ് വയസുകാരനെ തട്ടിക്കൊണ്ട് പോകാൻ ശ്രമം

ഇടുക്കി: പാല് വാങ്ങാൻ പോയ ആറ് വയസുകാരനെ തട്ടിക്കൊണ്ടു പോകാൻ ശ്രമം. ഇടുക്കി നെടുങ്കണ്ടം മഞ്ഞപ്പെട്ടിയിലാണ് സംഭവം നടന്നത്. പിടിവലിക്കിടെ കുട്ടിയുടെ ശരീരത്തിൽ പരുക്കേറ്റു.

ഇന്ന് വൈകിട്ടാണ് കുട്ടിയെ തട്ടിക്കൊണ്ട് പോകാൻ ശ്രമം നടന്നത്. കറുത്ത ജാക്കറ്റ് ധരിച്ചയാൾ മഞ്ഞപ്പെട്ടി എട്ടുമുക്ക് സ്വദേശിയുടെ മകനെ ഏലക്കാട്ടിലേക്ക് വലിച്ചുകൊണ്ടു പോകുകയായിരുന്നു. 

കുട്ടി കല്ലെടുത്ത് എറിയുകയും കുതറി ഓടുകയും ചെയ്‌തതോടെ ഇയാൾ ഏലക്കാട്ടിനുള്ളിൽ മറഞ്ഞു. വീട്ടിലെത്തിയ കുട്ടി വിവരം അറിയിച്ചതോടെ പ്രദേശത്ത് തിരച്ചിൽ നടത്തിയെങ്കിലും അജ്ഞാതനെ കണ്ടെത്താനായില്ല. നെടുങ്കണ്ടം പൊലീസ് അന്വേഷണം ആരംഭിച്ചിട്ടുണ്ട്. പ്രദേശത്ത് നാട്ടുകാരും രാത്രി തിരച്ചിൽ നടത്തുന്നുണ്ട്.

Join Our Whats App group

https://chat.whatsapp.com/DnZkuEEgZHP5lo60i9Xm4L

ഇരട്ടക്കൊലക്കേസ്; മുഖ്യ പ്രതിക്കെതിരെ ബലാത്സംഗ കേസും 

ഇടുക്കി: കട്ടപ്പന ഇരട്ടക്കൊലക്കേസിലെ മുഖ്യ പ്രതിക്കെതിരെ ബലാത്സംഗ കേസ്. കേസിലെ മുഖ്യ പ്രതിയും ആഭിചാര ക്രിയകൾ ചെയ്യുന്ന ദുർമന്ത്രവാദിയുമായ പുത്തൻപുരയ്ക്കൽ നിതീഷിനെതിരെയാണ് കട്ടപ്പന പൊലീസ് ബലാത്സംഗ കേസ് രജിസ്റ്റർ ചെയ്‌തിട്ടുള്ളത്. 

മന്ത്രവാദത്തിന്‍റെ മറപറ്റി തന്നെ പ്രതി പീഡനത്തിനിരയാക്കിയതായി വീട്ടമ്മ നൽകിയ പരാതിയിലാണ് നടപടി. 2016 മുതൽ പലതവണ പീഡിപ്പിച്ചെന്നും പരാതിയിൽ ചൂണ്ടിക്കാട്ടുന്നു. പരാതി ലഭിച്ചതിനു പിന്നാലെ പരാതിക്കാരിയുടെ മൊഴി രേഖപ്പെടുത്തിയ ശേഷമാണ് പ്രതിക്കെതിരെ പൊലീസ് ബലാത്സംഗ കേസ് രജിസ്റ്റർ ചെയ്‌തിരിക്കുന്നത്.

ഗാന്ധർവ പൂജയെന്ന് വിശ്വസിപ്പിച്ചാണ് വീട്ടമ്മയെ പ്രതി ലൈംഗികമായി പീഡിപ്പിച്ചിരുന്നത്. ഗന്ധർവൻ പ്രസാദിക്കണമെങ്കിൽ താനുമായി ലൈംഗിക ബന്ധത്തിലേർപ്പെടമെന്നാണ് ഇയാൾ വീട്ടമ്മയെ വിശ്വസിപ്പിച്ചിരുന്നത്. തുടർന്ന് പലതവണ ഇവരുമായി ലൈംഗികമായി ബന്ധപ്പെട്ടു. ആഭിചാര ക്രിയകൾക്ക് ശേഷമായിരുന്നു പീഡനം. തുടർച്ചയായ പീഡനവും ആഭിചാര ക്രിയകളും വീട്ടമ്മയുടെ മാനസിക നിലയെ ബാധിച്ചിട്ടുണ്ടെന്നും പൊലീസ് വൃത്തങ്ങൾ പറഞ്ഞു.