ഇങ്ങനെയാണോ ചായ കുടി; ക്യാൻസറിന് വരെ കാരണമായേക്കും

കൊച്ചി: രാവിലെ എഴുന്നേറ്റ ഉടൻ ഒരു ചായ കുടിച്ചാൽ എന്താ ഉൻമേഷം അല്ലേ. ദിവസം നാലും അഞ്ചും ചായ കുടിക്കുന്നവരാണ് മലയാളികളിൽ ഏറെയും. 

ജോലി സമയത്തും വൈകുന്നേരങ്ങളിലും പലർക്കും ചായ നിർബന്ധമാണ്. എന്നാൽ ചായ ഉണ്ടാക്കുന്നതിൽ അൽപം ശ്രദ്ധ കാണിച്ചില്ലെങ്കിൽ അത് മാരക രോഗങ്ങൾക്ക് കാരണമായേക്കാമെന്ന് ആരോഗ്യ വിദഗ്ദർ മുന്നറിയിപ്പ് നൽകുന്നു. 

ക്യാൻസർ അടക്കമുള്ള രോഗങ്ങളിലേക്ക് നയിക്കാൻ ഇത്തരത്തിൽ ചായ കുടിക്കുന്നത് കാരണമാകുമെന്നാണ് മുന്നറിയിപ്പ്. കുടിക്കുന്ന ചായയുടെ കടുപ്പം കൂട്ടാന്‍ അധികം നേരം തിളപ്പിക്കുന്നതാണ് ക്യാന്‍സറിലേക്ക് വരെ നയിക്കാന്‍ കാരണമാകുന്നത്.  

ചായകുടിയുടെ എണ്ണം കൂടുന്നത് പോലെ തന്നെ അപകടകരമാണ് പാല്‍ചായ അമിതമായി തിളപ്പിക്കുന്നതും. നല്ല കടുപ്പത്തില്‍ കുടിച്ചാല്‍ മാത്രമേ ചായയുടെ സ്വാദ് ആസ്വദിക്കാന്‍ കഴിയുകയുള്ളൂവെന്ന് കരുതിയാണ് മിക്കവരും ചായ അമിതമായി തിളപ്പിക്കുന്നത്.

അമിതമായി തിളപ്പിക്കുമ്പോള്‍ യഥാർഥത്തില്‍ ചായക്ക് രുചി വ്യത്യാസം ഉണ്ടാകുകയും അസിഡിറ്റിക്ക് കാരണമായി മാറുകയും ചെയ്യും. അമിതമായി ചൂടാക്കുന്നതിലൂടെ ചായയുടെ പോഷക ഗുണങ്ങള്‍ നഷ്ടമാകുകയും ചെയ്യും. ഇതിന് പുറമേ ക്യാന്‍സറിന് കാരണമാകുന്ന കാര്‍സിനോജന്‍ പുറന്തള്ളുകയും ചെയ്യും.

അമിതമായി തിളപ്പിക്കുന്നതിലൂടെ പാലിലെ വിറ്റാമിന്‍ ബി12, സി എന്നീ ഗുണങ്ങള്‍ ഇല്ലാതാകുകയും ഒപ്പം പുക ചുവ അനുഭവപ്പെടുകയും ചെയ്യും. ചായയുടെ ആന്‍റി ഓക്സിഡന്‍റ് ഗുണങ്ങള്‍ നഷ്ടപ്പെടുന്നത് മൂലം കരള്‍വീക്കം ഉള്‍പ്പെടെയുള്ള രോഗാവസ്ഥിയിലേക്കും അമിതമായി ചായ തിളപ്പിക്കുന്നത് നിങ്ങളെ എത്തിക്കും.

Join Our Whats App group

https://chat.whatsapp.com/EHHrJBoyVtLCzZWup9UaY6

സൗദിയിൽ നിരവധി ഒഴിവുകൾ; ഇപ്പോൾ അപേക്ഷിക്കാം 

തിരുവനന്തപുരം: സൗദി അറേബ്യയിൽ നിരവധി ഒഴിവുകളിലേക്ക് അപേക്ഷ ക്ഷണിച്ചു. സൗദി ആരോഗ്യ മന്ത്രാലയത്തിലേക്കുള്ള (തബൂക്ക് പ്രോജക്ട്) സ്റ്റാഫ്‌നഴ്‌സ് ഒഴിവുകളിലേയ്ക്ക് നോര്‍ക്ക റൂട്ട്‌സാണ് റിക്രൂട്ട്‌മെന്‍റ് സംഘടിപ്പിക്കുന്നത്. 

കാര്‍ഡിയാക് കത്തീറ്ററൈസേഷന്‍, സി.സി.യു, ഡയാലിസിസ്, എമര്‍ജന്‍സി റൂം (ER), ഐ.സി.യു, മെഡിക്കല്‍ ആൻഡ് സര്‍ജിക്കല്‍, മിഡ്വൈഫ്, എന്‍.ഐ.സി.യു, ന്യൂറോളജി, ഒബ്‌സ്റ്റെറിക്‌സ് (പ്രസവചികിത്സ)/ഗൈനക്കോളജി (OB/GYN), ഓപ്പറേഷന്‍ റൂം (OR), പീഡിയാട്രിക് സ്‌പെഷ്യാലിറ്റികളിലാണ് ഒഴിവുകള്‍. 

നഴ്‌സിങില്‍ ബി.എസ്.സി പോസ്റ്റ് ബി.എസ്.സി വിദ്യാഭ്യാസ യോഗ്യതയും കുറഞ്ഞത് രണ്ടു വര്‍ഷത്തെ പ്രവൃത്തിപരിചയമുളള  ഉദ്യോഗാർഥികള്‍ക്ക് അപേക്ഷിക്കാം. മിഡ്വൈഫ് സ്‌പെഷ്യലിസ്റ്റുകള്‍ക്ക് കുറഞ്ഞത് രണ്ട് വര്‍ഷത്തെ ലേബര്‍ റൂം പരിചയവും വേണം. അപേക്ഷകര്‍ മുന്‍പ് SAMR പോര്‍ട്ടലില്‍ രജിസ്റ്റര്‍ ചെയ്തവരാകരുത്. 

കുറഞ്ഞത് ആറുമാസത്തെ കാലാവധിയുളള സാധുതയുളള പാസ്‌പോര്‍ട്ടും ഉളളവരാകണം. അഭിമുഖസമയത്ത് പാസ്പോര്‍ട്ട് ഹാജരാക്കേണ്ടതാണ്. ഇതിനായുളള അഭിമുഖങ്ങള്‍ മെയ് 27 മുതല്‍ നടക്കും. 

വിശദമായ ബയോഡേറ്റയും വിദ്യാഭ്യാസം, പ്രവര്‍ത്തിപരിചയം, പാസ്പോര്‍ട്ട് എന്നിവയുടെ പകര്‍പ്പുകളും സഹിതം rmt3.norka@kerala.gov.in എന്ന ഇ-മെയില്‍ ഐ.ഡിയിലേയ്ക്ക്  മെയ് 24 രാവിലെ 10 മണിക്കകം അപേക്ഷിക്കണമെന്ന് നോര്‍ക്ക റൂട്ട്‌സ് ചീഫ് എക്‌സിക്യൂട്ടീവ് ഓഫീസര്‍ (ഇന്‍-ചാര്‍ജ്ജ്) അജിത്ത് കോളശേരി അറിയിച്ചു. 

കൂടുതല്‍ വിവരങ്ങള്‍ക്ക് 0471-2770536, 539, 540, 577 എന്നീ നമ്പറുകളിലോ (ഓഫീസ് സമയത്ത്, പ്രവൃത്തിദിനങ്ങളില്‍) 24 മണിക്കൂറും പ്രവര്‍ത്തിക്കുന്ന നോര്‍ക്ക ഗ്ലോബല്‍ കോണ്‍ടാക്ട് സെന്‍ററിന്‍റെ ടോള്‍ ഫ്രീ നമ്പറുകളായ 1800 425 3939 (ഇന്ത്യയില്‍ നിന്നും) +91-8802 012 345 (വിദേശത്തുനിന്നും, മിസ്ഡ് കോള്‍ സര്‍വ്വീസ്)  ബന്ധപ്പെടാവുന്നതാണ്.