ഇസ്താംബൂൾ: മുൻ ചക്രമില്ലാതെ ലാൻഡ് ചെയ്ത് വിമാനം. ഫെഡ്എക്സ് എയര്ലൈന്സിന്റെ ബോയിങ് 767 (ബിഎഎന്) കാര്ഗോ വിമാനമാണ് വൻ അപകടത്തിൽ നിന്നും രക്ഷപെട്ടത്. തുര്ക്കി ഗതാഗത മന്ത്രാലയ ഉദ്യോഗസ്ഥരാണ് വിവരം പുറത്ത് വിട്ടത്.
ഇസ്താംബുള് വിമാനത്താവളത്തിലാണ് വിമാനം ഇറങ്ങിയത്. സംഭവത്തില് അന്വേഷണം ആരംഭിച്ചു. പാരീസ് ചാള്സ് ഡി ഗല്ലെ വിമാനത്താവളത്തില് നിന്ന് പുറപ്പെട്ട വിമാനം, ലാന്ഡിങ് ഗിയര് തുറക്കുന്നതില് പരാജയപ്പെട്ടതിനെ തുടര്ന്ന് മുന് ചക്രമില്ലാതെ റണ്വേയില് ഇറങ്ങുകയായിരുന്നുവെന്നും മന്ത്രാലയം പ്രസ്താവനയില് പറഞ്ഞു. സംഭവത്തില് ആര്ക്കും പരുക്കില്ല.
ലാന്ഡിങ് ഗിയര് തുറക്കാതിരിക്കാനുള്ള കാരണം മന്ത്രാലയം വ്യക്തമാക്കിയിട്ടില്ല. 10 വര്ഷം പഴക്കമുള്ള ബോയിങ് 767 ചരക്ക് വിമാനമാണ് അപകടത്തില്പ്പെട്ടത്. അന്വേഷണത്തിന്റെ ഭാഗമായി തങ്ങളുടെ ടീമുകള് സംഭവസ്ഥലത്ത് പരിശോധന നടത്തുകയാണെന്ന് അധികൃതര് അറിയിച്ചു.
അതേസമയം വിമാനം ലാൻഡ് ചെയ്യുന്നതിന്റെ വീഡിയോ ദൃശ്യം പുറത്ത് വന്നിട്ടുണ്ട്. ചക്രമില്ലാത്ത മുൻ വശം റൺവേയിൽ ഉരസി തീ പൊരി ചിതറുന്നത് വീഡിയോയിൽ കാണാം.
A cargo plane touched down at Istanbul Airport without its nose gear—the landing gear didn't deploy when it should have. The plane's nose hit the runway, but no one was hurt. pic.twitter.com/YIrP3TEjUy
Join Our Whats App group
https://chat.whatsapp.com/HN3zUlGc2Va9613524dFBp
Post A Comment: